Tags : woman rogby

କଟକ: ଚାଇନିଜ୍‌ ତାଇପେରେ ଆୟୋଜିତ ଏସୀୟ ୧୮ ବର୍ଷରୁ କମ୍‌ ମହିଳା ରଗ୍‌ବୀରେ ଭାରତ ରନର୍ସଅପ ସହ ରୌପ୍ୟ ପଦକ ଜିିତିଛି। ଫାଇନାଲରେ ଭାରତ ୭-୧୦ରେ ଚାଇନିଜ୍‌ ତାଇପେ ନିକଟରୁ ପରାଜିତ ହୋଇଛି। ଭାରତ ଲିଗ୍‌ ପର୍ୟ୍ୟାୟରେ ୧୦-୫ରେ ୟୁଏଇକୁ, ୫୨-୫ରେ ଚାଇନିଜ୍‌ ତାଇପେକୁ, ୨୨-୧୯ରେ ଥାଇଲାଣ୍ଡକୁ ପରାସ୍ତ କରି ଫାଇନାଲରେ ପହଞ୍ଚିଥିଲା। ଭାରତୀୟ ଦଳ ପକ୍ଷରୁ କିସ୍‌ର ଦୁଇ ଛାତ୍ରୀ ଋତୁ ମାଝି ଓ ମାମାଲି ସିଂହ ପ୍ରତିନିଧିତ୍ବ କରିଥିଲେ। ପୁରୁଷ ବର୍ଗରେ ଭାରତ ୪ର୍ଥ ସ୍ଥାନ ହାସଲ କରିଥିଲା। ଭାରତୀୟ ଦଳ ପକ୍ଷରୁ କିସ୍‌ର ଧର୍ମାନନ୍ଦ ବିଶ୍ବାଳ ଓ ଚରଣ ହେମ୍ବ୍ରମ ରହିଥିଲେ। ଏହି ସଫଳତା ଲାଗି କିଟ୍‌ ଓ କିସର ପ୍ରତିଷ୍ଠାତା ସାଂସଦ ଡ. ଅଚ୍ୟୁତ ସାମନ୍ତ ଭାରତୀୟ ଦଳ ଓ ଓଡ଼ିଆ ଖେଳାଳିମାନଙ୍କୁ ଶୁଭେଚ୍ଛା ଜଣାଇଛନ୍ତି। ସେହିପରି ଏସୀୟ କ୍ରୀଡ଼ା ସଟ୍‌ପୁଟ୍‌ରେ ସ୍ବର୍ଣ୍ଣ ପଦକ ଜିତିଥିବା ତେଜିନ୍ଦରପାଲ ସିଂହ ତୁର୍‌ଙ୍କୁ ଡକ୍ଟର ସାମନ୍ତ ଶୁଭେଚ୍ଛା ଜଣାଇଛନ୍ତି। ତେଜିନ୍ଦର ପାଲ କିଟ୍‌ର ଛାତ୍ର।