Tags : water rice

ଆଜି ବିଶ୍ୱ ପଖାଳ ଦିବସ । ଓଡ଼ିଶାର ପରମ୍ପରା ଓ ସଂସ୍କୃତି ସହିତ ଜଡ଼ିତ ‘ପଖାଳ’କୁ ସାରା ବିଶ୍ୱରେ ପରିଚିତ କରାଇବା ହେଉଛି ଏହି ଦିବସର ମୁଖ୍ୟ 
 ଉଦେ୍ଧଶ୍ୟ । ପଖାଳର ନିବିଡ଼ତା ଓଡ଼ିଆ ଜାତି ସହ କାହିଁ କେଉଁ କାଳରୁ ଯୋଡ଼ି ହୋଇ ରହିଛି । ଏହା କେବଳ ଏକ ନିତିଦିନିଆ ଖାଦ୍ୟ ନୁହେଁ, ଓଡ଼ିଶା ଘରର ପରଚୟ । ଓଡ଼ିଶାର  ପରମ୍ପରା ମହାପ୍ରଭୁ ଶ୍ରୀଜଗନ୍ନାଥଙ୍କ ସହ ଜଡ଼ିତ । ଶ୍ରୀମନ୍ଦିରରେ ମହାପ୍ରଭୁଙ୍କୁ ବିଭିନ୍ନ ଧୂପରେ ପଖାଳ ଭୋଗ ହୋଇଥାଏ । ଖରାଦିନ ପଖାଳ କଂସାରେ ହିଁ ଓଡ଼ିଶାଙ୍କୁ ତୃପ୍ତି ମିଳିଥାଏ ।
 ଓଡ଼ିଆ ଜନଜୀବନ ସହ ପଖାଳର ସମ୍ପର୍କ ବହୁ ପୁରୁଣା । ଖରାଦିନ ଆସିଗଲେ ଘରେଘରେ ପଖାଳର ଆଦର ବଢ଼ିଯାଏ । ମୁଣ୍ଡଫଟା ଖରାବେଳେ ପଖାଳ ତୋରାଣି ଟିକେ ତୁଣ୍ଡରେ  ଲାଗିଗଲେ ଭାରି ଶାନ୍ତି ମିଳେ । କୃଷି ପ୍ରଧାନ ଆମ ରାଜ୍ୟରେ ଚାଷୀଭାର ବିଲରେ କାମ କଲାବେଳେ ଘରୁ ପହଞ୍ଚ ଥାଏ ପଖାଳ କଂସା । ଖଟିଖିଆର ଭାତହାଣ୍ଡିରୁ ମନ୍ଦିର ଏପରିକି  ସୌଖୀନ ହୋଟେଲ ଯାଏଁ ମେନୁ୍ୟରେ ଏବେ ସ୍ଥାନ ପାଉଛି ପଖାଳ । ଲୋକେ ଭାତରେ ପାଣି ପୂରାଇ ଏହାକୁ ଚାଇଁ ପଖାଳ ତଥା ସଜ ପଖାଳ, ଦହି ପଖାଳ ଓ ବାସି ପଖାଳ ଭାବେ  ଖାଇଥାନ୍ତି । ତାତିରୁ ଆରାମ, ପେଟ ଗରମରୁ ରକ୍ଷା ତଥା ଦେହରେ ଜଳୀୟ ଅଂଶକୁ ଠିକ୍ ରଖିବା ପାଇଁ ପଖାଳ ରାମବାଣ ଭଳି କାମ ଦିଏ । ତେଣୁ ବିଶ୍ୱର କୋଣଅନୁକୋଣରେ  ଓଡ଼ିଆଙ୍କର ଏହି ପାରମ୍ପରିକ ଓ ସୁସ୍ୱାଦୁ ଖାଦ୍ୟକୁ ଲୋକପ୍ରିୟ କରାଇବାକୁ ମାର୍ଚ୍ଚ ୨୦ତାରିଖକୁ ‘ବିଶ୍ୱ ପଖାଳ ଦିବସ’ ଭାବେ ପାଳନ କରାଯାଉଛି । ତେବେ କେବଳ ଓଡ଼ିଶାରେ ରହୁଥିବା ଲୋକ ନୁହଁନ୍ତି,ବରଂ ଅନ୍ୟ ରାଜ୍ୟ ତଥା ଦେଶ ବାହାରେ ରହୁଥିବା ପ୍ରତ୍ୟେକ ଓଡ଼ିଆ ଏହି ଦିନ ପଖାଳ ଖାଇ ଏହି ଦିବସକୁ ପାଳନ କରିବା ସହ ଗ୍ରାଷ୍ମକୁ ସ୍ୱାଗତ  କରିଥାନ୍ତି ।