Tags : vastu tips

ଭୁବନେଶ୍ୱର: ହିନ୍ଦୁଧର୍ମରେ ଦୀପ ଜାଳିବାକୁ ସକାରାତ୍ମକତା ତଥା ଶୁଭର ପ୍ରତୀକ ବୋଲି କୁହାଯାଏ। ତେଣୁ ପ୍ରତିଦିନ ପୂଜା କରିବାବେଳେ ଠାକୁରଙ୍କ ପାଖେ ଦୀପ ଜଳାଯାଇଥାଏ। ତେବେ ଏହି ଦୀପ ଜାଳିବାକୁ ନେଇ ମଧ୍ୟ ବାସ୍ତୁଶାସ୍ତ୍ରରେ କିଛିଟା ନିୟମ ରହିଛି। ଯେମିତିକି…

ବାସ୍ତୁଶାସ୍ତ୍ର ଅନୁଯାୟୀ, ଦୀପକୁ କେବେ ବି ଦକ୍ଷିଣ ମୁହଁା କରି ରଖିବେ ନାହିଁ। କାରଣ ଏହି ଦିଗର ସ୍ବାମୀ ହେଲେ ପ୍ରଭୁ ଯମରାଜ। ଦକ୍ଷିଣ ମୁହାଁ କରି ଦୀପ ରଖିଲେ ଘରେ ଧନର ଅଭାବ ଦେଖାଯାଇଥାଏ ବୋଲି ବିଶ୍ୱାସ ରହିଛି। ଦୀପର ମୁହଁ ପୂର୍ବ ଦିଗକୁ ରହିଲେ ଘରର କର୍ତ୍ତାଙ୍କର ଆୟୂଷ ବୃଦ୍ଧି ହୋଇଥାଏ ବୋଲି ମାନ୍ୟତା ରହିଛି। ପଶ୍ଚିମ ମୁହଁା କରି ଦୀପ ଜାଳିବା ବି ଶୁଭ ହୋଇଥାଏ। କୁହାଯାଏ, ଏହି ଦିଗକୁ ଦୀପର ମୁହଁ ରହିଲେ ଯେ କୌଣସି ସମସ୍ୟା ଆସୁ ଆପେ ଆପେ ତାହାର ସମାଧାନର ବାଟ ଖୋଲିଯାଏ।

ସେହିପରି ଉତ୍ତର ଦିଗକୁ ମଧ୍ୟ ଦୀପର ମୁହଁ ରଖି ଜାଳିଲେ ଧନପ୍ରାପ୍ତି ହୋଇଥାଏ ବୋଲି ବାସ୍ତୁଶାସ୍ତ୍ରରେ ଉଲ୍ଲେଖ ରହିଛି। କେବଳ ଠାକୁର ଘର କାହିଁକି, ଦାଣ୍ଡଦୁଆର, ଚଉରା ମୂଳ ଏପରିକି ଘର ପାଖରେ ଥିବା ଅଶ୍ୱତ୍ଥ ଗଛ ମୂଳରେ ମଧ୍ୟ ପ୍ରତିଦିନ ଦୀପ ଜାଳିବା ଶୁଭ ହୋଇଥାଏ। କୁହାଯାଏ, ଅଶ୍ୱତ୍ଥ ଗଛରେ କୁଆଡ଼େ ତେତିଶ କୋଟି ଦେବଦେବୀ ବାସ କରିଥାନ୍ତି।
ଅନ୍ୟପକ୍ଷେ ଯଦି କୌଣସି ନିକାଞ୍ଚନ ସ୍ଥାନରେ ଶିବଲିଙ୍ଗ ଥିବାର ଜାଣନ୍ତି, ତା’ହେଲେ ପ୍ରତିଦିନ ସନ୍ଧ୍ୟାରେ ସେଠାରେ ଦୀପଟିଏ ଜାଳି ଦେଇ ଆସନ୍ତୁ, ପ୍ରଭୁକୃପା ଲାଭ ହେବ।

ନୂଆ ରେକର୍ଡ କଲେ ନିର୍ମଳା ସୀତାରମଣ, ପୂର୍ବତନ ପ୍ରଧାନମନ୍ତ୍ରୀ ମୋରାଜୀ ଦେଶାଇଙ୍କ ରେକର୍ଡର ହେଲେ ସମକକ୍ଷ
ନୂଆଦିଲ୍ଲୀ : ଉପସ୍ଥାପନ ହୋଇଛି ଅନ୍ତରୀଣ ବଜେଟ୍ ୨୦୨୪-୨୫ । ଅର୍ଥମନ୍ତ୍ରୀ ନିର୍ମଳା ସୀତାରମଣ ୬ ଷଷ୍ଠ ଥର ଲାଗି ବଜେଟ୍ ଉପସ୍ଥାପନା କରିଛନ୍ତି । ତେବେ ଆଜିର ଏହି ବଜେଟ୍ ଉପସ୍ଥାପନ କରିବା ସହ ନୂଆ ରେକର୍ଡ କରିଛନ୍ତି ନିର୍ମଳା ସୀତାରମଣ । ପୂର୍ବତନ ପ୍ରଧାନମନ୍ତ୍ରୀ ମୋରାଜୀ ଦେଶାଇଙ୍କ ରେକର୍ଡର ସମକକ୍ଷ ହୋଇଛନ୍ତି ନିର୍ମଳା ସୀତାରମଣ ।

ଖବର ଅନୁଯାୟୀ, ଦେଶରେ ସବୁଠୁ ଅଧିକ ପୂର୍ବତନ ପ୍ରଧାନମନ୍ତ୍ରୀ ମୋରାଜୀ ଦେଶାଇ କେନ୍ଦ୍ରୀୟ ବଜେଟ୍ ଉପସ୍ଥାପନ କରିଥିଲେ । ଏଥିରେ ୫ ଥର ପୂର୍ଣ୍ଣାଙ୍ଗ ବଜେଟ ଏବଂ ଗୋଟିଏ ଅନ୍ତରୀଣ ବଜେଟ୍ ରହିଛି । ଆଉ ଏବେ ନିର୍ମଳା ସୀତାରମଣ ଏହି ରେକର୍ଡ ସହ ସମକକ୍ଷ ହୋଇଛନ୍ତି । ନିର୍ମଳା ସୀତାରମଣ ୫ଟି ପୂର୍ଣ୍ଣାଙ୍ଗ ବଜେଟ୍ ଏବଂ ଗୋଟିଏ ଅନ୍ତରୀଣ ବଜେଟ୍ ଉପସ୍ଥାପନ କରିଛନ୍ତି ।

ଏହାସହିତ ନିର୍ମଳା ସୀତାରମଣଙ୍କ ନାଁରେ ଆଉ ଏକ ରେକର୍ଡ ସୃଷ୍ଟି ହୋଇଛି । ଜଣେ ମହିଳା ଅର୍ଥମନ୍ତ୍ରୀ ହିସାବରେ ୫ଥର ପୂର୍ଣ୍ଣାଙ୍ଗ ବଜେଟ୍ ଉପସ୍ଥାପନ କରିଛନ୍ତି । ସେହିପରି ସବୁଠୁ ଲମ୍ବା ଭାଷଣ ପଢିବାରେ ରେକର୍ଡ ମଧ୍ୟ ନିର୍ମଳା ସୀତାରମଣଙ୍କ ନାଁରେ ରହିଛି । ୨୦୨୨ରେ ୨ ଘଣ୍ଟା ୪୨ ମିନିଟରେ ଭାଷଣ ପଢିଥିଲେ ନିର୍ମଳା ।

ଅର୍ଥମନ୍ତ୍ରୀଙ୍କୁ ନିଜ ହାତରେ ଦହି ଖୁଆଇଲେ ରାଷ୍ଟ୍ରପତି
ନୂଆଦିଲ୍ଲୀ: କୌଣସି ଶୁଭ କାମରେ ଯିବା ପୂର୍ବରୁ ଦହି ଖାଇବାର ପରମ୍ପରା ରହିଛି । ଏପରି କଲେ କାମ ସଫଳ ହୋଇଥାଏ ବୋଲି ବିଶ୍ବାସ କରାଯାଏ । ବହୁ ପୁରାତନ କାଳରୁ ଚାଲିଆସୁଥିବା ଏହି ପରମ୍ପରା ତଥା ଲୋକବିଶ୍ବାସକୁ ଖୋଦ୍ ମହାମହିମ ରାଷ୍ଟ୍ରପତି ମଧ୍ୟ ଅନୁପାଳନ କରିଛନ୍ତି । ସଂସଦରେ ଚଳିତ ବର୍ଷର ଅନ୍ତରୀଣ ବଜେଟ୍ ଆଗତ ପୂର୍ବରୁ ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟ୍ ମଞ୍ଜୁରୀ ପାଇଁ ରାଷ୍ଟ୍ରପତି ଭବନକୁ ଯାଇ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟିଥିଲେ । ସେଠାରେ ରାଷ୍ଟ୍ରପତି ନିଜ ହାତରେ ଅର୍ଥମନ୍ତ୍ରୀ ସୀତାରମଣଙ୍କୁ ଦହି-ଚିନି ଖୁଆଇଥିବା ଦେଖିବାକୁ ମିଳିଛି । ସୀତାରମଣ ରାଷ୍ଟ୍ରପତିଙ୍କ ହାତରୁ ଦହି ଖାଇ ବଜେଟ୍ ଉପସ୍ଥାପନ କରିବାକୁ ସଂସଦ ଅଭିମୁଖେ ବାହାରି ଯାଇଥିଲେ ।

୨୦୧୯ ରୁ ୨୦୨୪: ଶାଢ଼ିର ରଙ୍ଗ ମାଧ୍ୟମରେ କେଉଁ ବାର୍ତ୍ତା ଦେଇଛନ୍ତି ଅର୍ଥମନ୍ତ୍ରୀ
ନୂଆଦିଲ୍ଲୀ : ବଜେଟ ଉପସ୍ଥାପନ ସମୟରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ନିଜର ପ୍ରତ୍ୟେକ ଶାଢ଼ି ରଙ୍ଗରେ କିଛି ବାର୍ତ୍ତା ଦେଇଛନ୍ତି। ୨୦୧୯ ରୁ ୨୦୨୪ ସେ ବିଭିନ୍ନ ବାର୍ତ୍ତା ଦେଇଛନ୍ତି।

କ୍ରମାଗତ ଷଷ୍ଠ ଥର ପାଇଁ ନିର୍ମଳା ସୀତାରମଣଙ୍କ ଦ୍ୱାରା ବଜେଟ ଉପସ୍ଥାପିତ ହୋଇଛି। ଏଥର ତାଙ୍କୁ ଏକ ହାଲକା ନୀଳ ରଙ୍ଗର ଶାଢ଼ିରେ ଦେଖିବାକୁ ମିଳିଛି। ଏହା ପୂର୍ବରୁ ତାଙ୍କୁ ନାଲି, ହଳଦିଆ ଏବଂ ଗୋଲାପୀ ରଙ୍ଗର ଶାଢ଼ିରେ ମଧ୍ୟ ଦେଖିବାକୁ ମିଳିଥିଲା।

ଚଳିତ ୨୦୨୪ କାମଚଳା ବଜେଟ ନୂତନ ସରକାର ଗଠନ ନ ହେବା ପର୍ୟ୍ୟନ୍ତ କାର୍ୟ୍ୟକାରୀ ହେବ। ଏହି ବଜେଟ ଉପସ୍ଥାପନ ସମୟରେ ହାଲକା ନୀଳ ରଙ୍ଗର ଶାଢ଼ି ପିନ୍ଧିଥିଲେ। ନୀଳ ରଙ୍ଗକୁ ଗତିଶୀଳ, ଚଞ୍ଚଳ ଏବଂ ଜୀବନ ପ୍ରଦାନକାରୀ ଶକ୍ତିର ପ୍ରତୀକ ଭାବରେ ବିବେଚନା କରାଯାଇଥାଏ।

ବଜେଟ ୨୦୨୩ରେ ସେ ଗାଢ଼ ଼ ନାଲି ଏବଂ କଳା ରଙ୍ଗର ଶାଢ଼ି ପିନ୍ଧିଥିଲେ। ଉଭୟ ରଙ୍ଗର ମିଶ୍ରଣ କୁସାହସିକତା ଏବଂ ଶକ୍ତିର ପ୍ରତୀକ ଭାବରେ ବିବେଚନା କରାଯାଇଥାଏ ।

ବଜେଟ ୨୦୨୨ରେ ସେ ବ୍ରାଉନ ଶାଢ଼ି ପିନ୍ଧିଥିଲେ। ଏହି ରଙ୍ଗ ହେଉଛି ନିରାପତ୍ତାର ପ୍ରତୀକ।

ବଜେଟ ୨୦୨୧ରେ ସେ ଲାଲ ରଙ୍ଗର ଶାଢ଼ି ପିନ୍ଧିଥିଲେ। ଏହା ଶକ୍ତି ଏବଂ ନିଷ୍ଠାର ପ୍ରତୀକ ।

ବଜେଟ ୨୦୨୦ରେ ଅର୍ଥମନ୍ତ୍ରୀ ହଳଦିଆ ରଙ୍ଗର ଶାଢ଼ି ପିନ୍ଧିଥିଲେ। ଏହା ଉତ୍ସାହ ଏବଂ ଶକ୍ତିର ପ୍ରତୀକ ।

ବଜେଟ ୨୦୧୯ରେ ଗାଢ଼ ଗୋଲାପୀ ରଙ୍ଗ ଶାଢ଼ି ପିନ୍ଧିଥିଲେ। ଏହି ରଙ୍ଗ ଗମ୍ଭୀରତା ଏବଂ ସ୍ଥାୟିତ୍ୱର ପ୍ରତୀକ ଭାବରେ ପରିଗଣିତ ହୋଇଥାଏ।