Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ଦେଶ ବିଦେଶ

ମୁଖ୍ୟ ଖବର

    ରାଜନୀତି ମୋର ‘ଫୁଲ୍‌-ଟାଇମ୍‌ ଜବ୍‌’ ନୁହେଁ: ଯୋଗୀ ଆଦିତ୍ୟନାଥ

    Share on :
    ajab-Image
    Date: Apr 2, 2025    Views: 3144

    ନୂଆଦିଲ୍ଲୀ:  ମୋର ପ୍ରାଥମିକ ପରିଚୟ ହେଉଛି ମୁଁ ଜଣେ ‘ଯୋଗୀ’ । ଉତ୍ତର ପ୍ରଦେଶର ଲୋକଙ୍କ ସେବା ପାଇଁ ମୋତେ ଏଠାରେ ଦାୟିତ୍ୱ ଦିଆଯାଇଛି । ରାଜନୀତି ମୋ ପାଇଁ କୌଣସି ‘ଫୁଲ୍‌-ଟାଇମ୍‌ ଜବ୍‌’ ନୁହେଁ । ଏହା ପାଇଁ ମଧ୍ୟ ସମୟସୀମା ରହିଛି । ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏକ ସ୍ୱତନ୍ତ୍ର ସାକ୍ଷାତକାରରେ ଏହି ବୟାନ ଦେଇଛନ୍ତି । ଯୋଗୀଙ୍କୁ ଦେଶର ପ୍ରଧାନମନ୍ତ୍ରୀ ହେବା ପାଇଁ ଲୋକେ ଚାହୁଁଥିବା ସଂକ୍ରାନ୍ତ ପ୍ରଶ୍ନର ଜବାବ ଦେବାକୁ ଯାଇ ସେ ଏହା କହିଛନ୍ତି । ସେହିଭଳି ବିଜେପିର କେନ୍ଦ୍ରୀୟ ନେତୃତ୍ୱଙ୍କ ସହ କୌଣସି ମତଭେଦ ଥିବା ଅଭିଯୋଗକୁ ସେ ଦୃଢ଼ ଭାବେ ଖଣ୍ଡନ କରିଛନ୍ତି । 
    ମୁଖ୍ୟମନ୍ତ୍ରୀ କହିଛନ୍ତି, ଦଳ ଯୋଗୁ ହିଁ ମୁଁ ଏହି ପଦରେ ରହିଛି । ତେଣୁ ଆମ ମଧ୍ୟରେ କେମିତି ମତଭେଦ ରହିପାରିବ? ଉଲ୍ଲେଖଯୋଗ୍ୟ, କେନ୍ଦ୍ରୀୟ ବିଜେପି ନେତାଙ୍କ ସହ ୟୁପି ମୁଖ୍ୟମନ୍ତ୍ରୀଙ୍କର ମତଭେଦ ଥିବା ନେଇ ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ବାରମ୍ବାର କହୁଛନ୍ତି । ତାହାକୁ ନେଇ ସାକ୍ଷାତକାରରେ ଯୋଗୀଙ୍କୁ ପ୍ରଶ୍ନ ହୋଇଥିଲା । ବୁଲ୍‌ଡୋଜର କାର୍ୟ୍ୟାନୁଷ୍ଠାନ ସଂକ୍ରାନ୍ତ ପ୍ରଶ୍ନର ଉତ୍ତରରେ ଯୋଗୀ କହିଛନ୍ତି, ଏହା ଏକ ସଫଳତା ନୁହେଁ । ବରଂ ଆବଶ୍ୟକତା । ଆମେ ଯାହା ଆବଶ୍ୟକ ବୋଲି ମନେକରୁ ତାହା ହିଁ କରିବାକୁ ଶ୍ରେୟ ମଣିଥାଉ । ଏମିତି କି ଆଜି ବି ଯେଉଁଠି ଜବରଦଖଲ ହେଉଛି, ତାହାକୁ ସଫା କରିବାକୁ ବୁଲ୍‌ଡୋଜର ବ୍ୟବହୃତ ହେଉଛି । ବୁଲ୍‌ଡୋଜର ଭିତ୍ତିଭୂମି ନିର୍ମାଣ କରିବା ସାଙ୍ଗକୁ ଜବରଦଖଲ ବି ହଟାଇ ପାରିବ । ଏହାକୁ ଠିକ୍‌ ଭାବେ ବ୍ୟବହାର ପାଇଁ ଆମେ ଲୋକଙ୍କୁ ଶିଖାଇଛୁ । ସେହିଭଳି ସର୍ବସାଧାରଣ ରାସ୍ତାରେ ନମାଜ ପାଠ ଉପରେ ବ୍ୟାନ୍‌କୁ ସମର୍ଥନ କରି ଯୋଗୀ କହିଛନ୍ତି, ଯିବାଆସିବା ପାଇଁ ରାସ୍ତା ଉଦ୍ଦିଷ୍ଟ । ଯେଉଁମାନେ ଏହି ପ୍ରସଙ୍ଗରେ ଆମକୁ ବିରୋଧ କରୁଛନ୍ତି, ସେମାନେ ହିନ୍ଦୁମାନଙ୍କଠାରୁ ଶୃଙ୍ଖଳା କ’ଣ ଶଖିବା ଉଚିତ । ପ୍ରୟାଗରାଜକୁ ୬୬ କୋଟି ଲୋକ ଆସିଥିଲେ । କେଉଁଠାରେ ବି ଲୁଟପାଟ, ଅପହରଣ କିମ୍ବା ଭଙ୍ଗାରୁଜା ଘଟଣା ଘଟିନାହିଁ । ଏହା ହେଉଛି ଧାର୍ମିକ ଶୃଙ୍ଖଳା ।

    Maximum 500 characters

    ଦେଶ ବିଦେଶ View all

    Find Us on Facebook