Tags : suryakumar yadav

ନୂଆଦିିଲ୍ଲୀ: ଜର୍ମାନୀରେ ହେଲା ଟି-୨୦ ଅଧିନାୟକ ସୂର୍ୟ୍ୟକୁମାର ଯାଦବଙ୍କ ସର୍ଜରୀ। ଜର୍ମାନୀର ମ୍ୟୁନିଖରେ ସେ ତାଙ୍କର ସ୍ପୋର୍ଟସ୍ ହାର୍ନିଆ ଅସ୍ତ୍ରୋପଚାର କରିଛନ୍ତି। ଅସ୍ତ୍ରୋପଚାର ପରେ, ସେ ଖୁବ୍‌ଶୀଘ୍ର ବେଙ୍ଗାଲୁରୁର ବିସିସିଆଇ ସେଣ୍ଟର ଅଫ୍ ଏକ୍ସିଲେନ୍ସରେ ପୁନର୍ବାସ ଆରମ୍ଭ କରିବେ।

୩୪ ବର୍ଷୀୟ ବ୍ୟାଟସମ୍ୟାନ୍ ଇନଷ୍ଟାଗ୍ରାମରେ ଲେଖିଛନ୍ତି, "ଜୀବନ ଅପଡେଟ୍: ଡାହାଣ ପେଟର ତଳ ଭାଗରେ ସ୍ପୋର୍ଟସ୍ ହାର୍ନିଆ ପାଇଁ ଅସ୍ତ୍ରୋପଚାର କରାଯାଇଛି। ଅସ୍ତ୍ରୋପଚାର ସଫଳ ହୋଇଥିବାରୁ ଖୁସି ଏବଂ ମୁଁ ଏବେ ସୁସ୍ଥ ହେବା ରାସ୍ତାରେ ଅଛି। ଶୀଘ୍ର ଫେରିବି।"ସ୍ପୋର୍ଟସ୍ ହାର୍ନିଆ ହେଉଛି ଅଣ୍ଟା କିମ୍ବା ତଳି ପେଟରେ ଏକ ନରମ ଟିସୁ ଆଘାତ, ଯାହା ପ୍ରାୟତଃ ମାଂସପେଶୀ କିମ୍ବା ଲିଗାମେଣ୍ଟକୁ ପ୍ରଭାବିତ କରେ। ବାଂଲାଦେଶ ବିପକ୍ଷରେ ଭାରତ ତିନୋଟି ଦିନିକିଆ ଏବଂ ଟି-୨୦ ମ୍ୟାଚ୍ ଖେଳିବ। ସୂର୍ୟ୍ୟକୁମାର ଯାଦବ ୨୦୨୩ ବିଶ୍ୱକପ୍ ଫାଇନାଲ ପରଠାରୁ ୫୦ ଓଭର ଫର୍ମାଟରେ ଖେଳି ନାହାଁନ୍ତି।

ଗତ ତିନି ବର୍ଷ ମଧ୍ୟରେ ଏହା ସୂର୍ୟ୍ୟକୁମାରଙ୍କ ତୃତୀୟ ଅସ୍ତ୍ରୋପଚାର। ୨୦୨୩ମସିହାରେ ତାଙ୍କର ଗୋଡ଼ ଅସ୍ତ୍ରୋପଚାର ହୋଇଥିଲା ଏବଂ ଏହା ପୂର୍ବରୁ ୨୦୨୪ମସିହାରେ ମଧ୍ୟ ତାଙ୍କର ସ୍ପୋର୍ଟସ୍ ହାର୍ନିଆ ଅସ୍ତ୍ରୋପଚାର ହୋଇଥିଲା। ଅସ୍ତ୍ରୋପଚାର ପୂର୍ବରୁ, ସୂର୍ୟ୍ୟକୁମାର ଆଇପିଏଲ ୨୦୨୫ରେ ମୁମ୍ବାଇ ଇଣ୍ଡିଆନ୍ସ (ଏମଆଇ) ପାଇଁ ବହୁତ ଭଲ ଫର୍ମରେ ଥିଲେ ଏବଂ ତାଙ୍କୁ ଟୁର୍ଣ୍ଣାମେଣ୍ଟର ଶ୍ରେଷ୍ଠ ଖେଳାଳି ଭାବରେ ବିବେଚିତ କରାଯାଇଥିଲା। ସେ ୭୧୭ରନ କରିଥିଲେ, ଯାହା ଅରେଞ୍ଜ କ୍ୟାପ୍ ବିଜେତା ସାଇ ସୁଦର୍ଶନ (୭୫୯ରନ) ପରେ ଦ୍ୱିତୀୟ ସର୍ବାଧିକ।