Tags : sulata deo

ଭୁବନେଶ୍ବର : ସୋସିଆଲ ମିଡ଼ିଆ ପ୍ଲାଟଫର୍ମ ଫେସବୁକ୍ (ମେଟା)ରୁ ଆକାଉଣ୍ଟକୁ ବ୍ୟାନ କରାଯାଇଛି ବୋଲି ସାଂସଦ ସୁଲତା ଦେଓ ଅଭିଯୋଗ କରିଛନ୍ତି। ଆକାଉଣ୍ଟ ବ୍ୟାନ ହେବା ପାଇଁ ବିଜେପିର ଦୁଇ ସାଂସଦଙ୍କୁ ଦାୟୀ କରିଛନ୍ତି ସୁଲତା ଦେଓ ।
ସେ ଅଭିଯୋଗ କରିଛନ୍ତି ଯେ କିଛି ଦିନ ତଳେ ବିଜେପିର ଜଣେସାଂସଦ ଓ ତାଙ୍କ ଝିଅ ଶ୍ରୀମନ୍ଦିର ପାଖରେ ହେଲିକପ୍ଟର ଉଡାଇବା ଘଟଣାକୁ ନେଇ ଫେସବୁକ୍ରେ କିଛି ଫଟୋ ଓ ଭିଡ଼ିଓ ପୋଷ୍ଟ କରିଥିଲେ । ଯାହାକୁ ନେଇ ତାଙ୍କ ଆକାଉଣ୍ଟ ବନ୍ଦ କରାଯାଇଛି ବୋଲି ସେ ଅଭିଯୋଗ କରିଛନ୍ତି । ସେହିପରି ବିଜେପିର ଅନ୍ୟ ଜଣେ ସାଂସଦ ବାରମ୍ବାର ନୋ ଫ୍ଲାଇଙ୍ଗ ଜୋନରେ ହେଲିକପ୍ଟର ଉଡ଼ାଇଛନ୍ତି ବୋଲି ସେ ଅଭିଯୋଗ କରିଛନ୍ତି। କେନ୍ଦ୍ର ସରକାର ଏଥିପାଇଁ ଫେସବୁକ୍ ଆକାଉଣ୍ଟ ବ୍ୟାନ କରିଛନ୍ତି ବୋଲି ଅଭିଯୋଗ ଆଣିଛନ୍ତି ବିଜେଡି ସାଂସଦ ସୁଲତା ଦେଓ ।

ସୁଲତା ଆହୁରି ମଧ୍ୟ କହିଛନ୍ତି ଯେ ନାରୀଙ୍କ କଥାକୁ ଚାପି ଦେବାକୁ ଚେଷ୍ଟା କରୁଛନ୍ତି ବିଜେପି ସରକାର । ଜଣେ ସାଂସଦ ଭାବେ ଓଡ଼ିଶା ଲୋକଙ୍କ କଥା ସଂସଦରେ ସର୍ବଦା ଉଠାଇଛି । ବାହାରେ ମଧ୍ୟ ନିଜ ସାମାଜିକ ଗଣମାଧ୍ୟମରେ ଲୋକଙ୍କ ସମସ୍ୟା ନେଇ ପ୍ରଶ୍ନ ଉଠାଇଛି । ସୁଲତା ଆହୁରି ମଧ୍ୟ କହିଛନ୍ତି ଯେ ନିଜ ଛୋଟ ଆଣ୍ଡ୍ରଏଡ ଫୋନ୍ ବ୍ୟବହାର କରି ଘଣ୍ଟା ଘଣ୍ଟା ଧରି ଲୋକଙ୍କ ସମସ୍ୟା ଓ ଗୁରୁତ୍ୱପୂର୍ଣ୍ଣ ବିଷୟକୁ ନେଇ ଲାଇଭ ମଧ୍ୟ କରିଛି । ହେଲେ ବିଜେପି ସରକାର ମୋ ନିଜ ଫେସବୁକ୍ ଆଇଡି କୁ ବନ୍ଦ କରିଛନ୍ତି । ଆଇନ ଗତ କାରଣ କହି,ଭାରତ ସରକାରଙ୍କ ଆଇନ ବିଭାଗ ଦ୍ୱାରା ଫେସବୁକ୍ ଆକାଉଣ୍ଟ କୁ ବନ୍ଦ କରିଦିଆଯାଇଛି । ଏହାକୁ ନେଇ ନାୟିକ ଲଢ଼େଇ ଲଢ଼ିବି ବୋଲି କହିଛନ୍ତି ସୁଲତା ଦେଓ ।