Tags : snake bite

କେନ୍ଦୁଝର: କେନ୍ଦୁଝର ଜିଲ୍ଲା ଡ଼ିମିରିଆ ଗାଁ ମଶାଣି ସାହିରେସାପ କମୁଡ଼ାରେ ଜଣେ ମହିଳାଙ୍କର ମୃତ୍ୟୁ ହୋଇଛି । ମୃତକ ହେଲେ ଯମୁନା ହେମ୍ବ୍ରମ । ତାଙ୍କ ବୟସ ୨୫ ବର୍ଷ ହେବ ।
ଯମୁନା ଶୁକ୍ରବାର ସବୁଦିନ ପରି ରାତିରେ ଖାଇପିଇ ପରିବର ସହ ଶୋଇଥିଲେ । ହେଲେ ସକାଳୁ ଆଉ ଉଠି ନଥିଲେ । ସମୟ ପରେ ସମୟ ଗଡ଼ି ଥିଲା ହେଲେ ଯମୁନା ଆଖି ଖୋଲି ନଥିଲେ । ନ ଉଠିବାରୁ ପରିବାର ଲୋକ ସଂଜ୍ଞାହୀନ ଅବସ୍ଥାରେ ଉଦ୍ଧାର କରି ତେଲକୋଇ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ । ବିଳମ୍ବିତ ରାତିରେ କୌଣସି ଏକ ବିଷଧର ସାପ ତାଙ୍କୁ କାମୁଡି଼ ଦେଇ ଥିବାରୁ ଯମୁନାଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି । 

ଖବର ପାଇ ତେଲକୋଇ ଥାନା ପୁଲିସ ମୃତଦେହକୁ ଜବତ କରି ତଦନ୍ତ ଆରମ୍ଭ କରିଛି ।