Nov 21, 2024
ମୁଖ୍ୟ ଖବର
ନିଜର ଦୈନନ୍ଦନିନ ଜୀବନରେ ଅନେକ ଥର ଏପରି ଦେଖାଯାଏ, ଲୋକେ ଜାଣତରେ ହେଉ ଅଥବା ଅଜାଣତରେ ଏପରି କେତେକ ଜିନିଷ ନିଜର ସାଙ୍ଗ, ପଡୋଶୀ ଓ ସମ୍ପର୍କୀୟ ଠାରୁ ନେଇ ଆସନ୍ତି, ଯାହା ଆଣିବା ଉଚିତ୍ ନୁହେଁ। ବାସ୍ତୁ ଅନୁଯାୟୀ, ଏଭଳି କେତେକ ଜିନିଷ ରହିଛି, ଯାହାକୁ ଦାନ ଦେବା ଉଚିତ ନୁହେଁ କିମ୍ବା ଅନ୍ୟ ଠାରୁ ବିନା ମୂଲ୍ୟରେ ଆଣିବା ଉଚିତ ନୁହେଁ। ଏହି ଅଭ୍ୟାସ କାରଣରୁ ସୁଖସମୃଦ୍ଧି ହ୍ରାସ ସହ ଟଙ୍କାର ଅଭାବ ଲାଗି ରହିବା ସହ କାଙ୍ଗାଳ କରିଥାଏ ବୋଲି କୁହାଯାଏ। ଜାଣନ୍ତୁ..
ଅନେକ ଥର ଏପରି ଦେଖାଯାଏ, ଲୋକେ ପଡୋଣୀ ଠାରୁ କିଛି ଦହି ମାଗି ଆଣିଥାଆନ୍ତି। ସେହି ଦହିକୁ ଆଣି ଘରେ କ୍ଷୀରରେ ମିଶାଇ ଦହି ପ୍ରସ୍ତୁତ କରନ୍ତି। ମାତ୍ର ଏପରି କରିବା ଦ୍ୱାରା ଘରେ ଅଶାନ୍ତି ଓ ପରିବାର ସଦସ୍ୟଙ୍କ ମାନସିକ ଦୁଃଶ୍ଚିନ୍ତା ବୃଦ୍ଧି ପାଇଥାଏ। ଦହି ସର୍ବଦା ଟଙ୍କା ଦେଇ କିଣନ୍ତୁ। ଦହିକୁ ବିନା ଟଙ୍କାରେ ଆଣନ୍ତୁ ନାହିଁ କିମ୍ବା ଦିଅନ୍ତୁ ନାହିଁ।
ଅନେକ ଥର ଏପରି ଦେଖାଯାଏ ଘରେ ଲୁଣ ଶେଷ ହୋଇ ଗଲେ ଏହାକୁ ପଡୋଣୀ ଠାରୁ ଆଣିଥାଆନ୍ତି। ମାତ୍ର ବାସ୍ତୁ ଅନୁଯାୟୀ, ଲୁଣର ସମ୍ବନ୍ଧ ଶନିଦେବଙ୍କ ସହ ଜଡିତ। ତେଣୁ ଲୁଣ ବିନା ଟଙ୍କାରେ ଦେବା କିମ୍ବା ଆଣିବା ଦ୍ୱାରା ଶନିଦେବ ଅସନ୍ତୁଷ୍ଟ ହୋଇ ଥାଆନ୍ତି। ଏହାଦ୍ୱାରା କରଜ ସମସ୍ୟା ଲାଗି ରହିଥାଏ।
ଦିଆସିଲି ମଧ୍ୟ କାହା ଠାରୁ ବିନା ଟଙ୍କାରେ ଆଣନ୍ତୁ ନାହିଁ। କିମ୍ବା ଦାନ ଦିଅନ୍ତୁ ନାହିଁ। ଦିଆସିଲିର ସମ୍ବନ୍ଧ ଅଗ୍ନିଦେବଙ୍କ ସହ ଜଡିତ। ବାସ୍ତୁ ଅନୁଯାୟୀ, ଏପରି କରିବା ଦ୍ୱାରା ଘରେ ପରିବାର ସଦସ୍ୟଙ୍କ ମଧ୍ୟରେ କ୍ରୋଧ ଓ ଅଶାନ୍ତି ବୃଦ୍ଧି ପାଇଥାଏ। ସମସ୍ୟା ଲାଗି ରହିଥାଏ।
ବିନା ଟଙ୍କାରେ କାହାରିକୁ କଳାରାଶି ଦେବା ଉଚିତ ନୁହେଁ। କାହା ଠାରୁ ନେବା ମଧ୍ୟ ଉଚିତ ନୁହେଁ। ଏପରି କରିବା ଦ୍ୱାରା ଜୀବନରେ ସମସ୍ୟା ଲାଗି ରହିଥାଏ। ଶନିବାର ଦିନ ଭୁଲ୍ରେ ମଧ୍ୟ କଳାରାଶି ମାଗଣାରେ ଆଣନ୍ତୁ ନାହିଁ କିମ୍ବା ଦିଅନ୍ତୁ ନାହିଁ।
କାହାରିକୁ ମଧ୍ୟ ବିନା ଟଙ୍କାରେ ରୁମାଲ ଦିଅନ୍ତୁ ନାହିଁ କିମ୍ବା ଆଣନ୍ତୁ ନାହିଁ। ଏପରି କରିବା ଦ୍ୱାରା ପରସ୍ପର ମଧ୍ୟରେ କଳହ ହୋଇଥାଏ। ଏହାକୁ କାହାରିକୁ ଉପହାରରେ ମଧ୍ୟ ଦିଅନ୍ତୁ ନାହିଁ। ଏହାଦ୍ୱାରା ସମ୍ପର୍କରେ ତିକ୍ତତା ଆସିଥାଏ।
Comments ସମସ୍ତ ମତାମତ