Sep 5, 2026
ମୁଖ୍ୟ ଖବର
ପୁରୀ: ଶୁକ୍ରବାର ରାତିରେ ଶ୍ରୀମନ୍ଦିର ଉପରେ ପୁନର୍ବାର ଡ୍ରୋନ ଉଡ଼ିବାର ଦେଖିବାକୁ ମିଳିଛି। ଶତାଧିକ ସୁରକ୍ଷାକର୍ମୀଙ୍କ ଗହଣରେ ଶ୍ରୀମନ୍ଦିର କେତେ ସୁରକ୍ଷିତ, ତାହା ଜଗନ୍ନାଥପ୍ରେମୀ ପ୍ରଶ୍ନ କରିଛନ୍ତି। ଅନ୍ୟପକ୍ଷରେ ଶ୍ରୀମନ୍ଦିର ଭିତରକୁ ବେଧଡ଼କ ମୋବାଇଲ ନେଇ ଫଟୋ, ଭିଡ଼ିଓ ଉତ୍ତୋଳନ କରିବା ଘଟଣା ଥମିବାର ନାଁ ଧରୁନି। ଅଭିଯୁକ୍ତଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ନଥିବା ଯୋଗୁ ଘଟଣାର ପୁନରାବୃତ୍ତି ବାରମ୍ବାର ଦେଖିବାକୁ ମିଳୁଛି। ଶୁକ୍ରବାର ନୋ ଫ୍ଲାଇଙ୍ଗ ଜୋନରେ ପୁଣି ଡ୍ରୋନ ଉଡ଼ିଥିବା ଦେଖିବାକୁ ମିଳିଛି। ହେଲେ ଡ୍ରୋନଟି କେଉଁଠାରୁ ଅାସି ଶ୍ରୀମନ୍ଦିର ଉପରେ ଉଡ଼ିବା ସହ ପୁଣି କେଉଁଆଡ଼େ ଉଭାନ ହୋଇଯାଇଥିଲା, ତାହା ଜଣା ପଡ଼ିନାହିଁ। ଶ୍ରୀମନ୍ଦିର ନିକଟରୁ ଏହା ଉଡ଼ାଯାଇଥିବା ଅନୁମାନ କରାଯାଉଛି। ଜିଲା ଆରକ୍ଷୀ ଅଧୀକ୍ଷକଙ୍କ ନେତୃତ୍ବରେ ଏହାର ତଦନ୍ତ କରିବାକୁ ଜଗନ୍ନାଥପ୍ରେମୀ ଦାବି କରିଛନ୍ତି।
Comments ସମସ୍ତ ମତାମତ