Feb 12, 2026
ମୁଖ୍ୟ ଖବର
ଭୁବନେଶ୍ୱର: ତୁମ ସହିତ ସବୁବେଳେ ଛାଇ ହୋଇ ରହିବି । ପରିସ୍ଥିତି ଅନୁକୂଳ ହେଉ କିମ୍ବା ପ୍ରତିକୂଳ ତୁମେ କେବେ ହେଲେ ନିଜକୁ ଏକୁଟିଆ ପାଇବନି । କଥା ଦେଉଛି ଜୀବନର ଶେଷ ନିଶ୍ୱାସ ପର୍ଯ୍ୟନ୍ତ ମୁଁ ତୁମର ହୋଇ ରହିବି । ପରସ୍ପରକୁ ଏହିଭଳି ମିଠା ମିଠା ପ୍ରତିଶ୍ରୁତି ଦେଇଥିଲେ ପ୍ରେମୀଯୁଗଳ । ଆଉ ପାଳନ କରିଥିଲେ ପ୍ରେମ ଋତୁର ପଞ୍ଚମ ଦିନ ପ୍ରୋମିଜ୍ ଡେ ବା ପ୍ରତିଶ୍ରୁତି ଦିବସ । ଏହି ଦିନରେ କିଏ ବିବାହର ପ୍ରତିଶ୍ରୁତି ଦେଇଥିଲେ ତ କିଏ ସାତ ଜନ୍ମର ସାଥି ହେବାର ପ୍ରତିଶ୍ରୁତି । ଏହି ଦିବସକୁ ପାଳନ କରିବା ପାଇଁ କିଏ ମନ୍ଦିରକୁ ବାଛିଥିଲେ ତ କିଏ ପାର୍କକୁ । ଏଥିସହିତ ବିଭିନ୍ନ ରେସ୍ତୋରାଁ, ବଡ଼ ବଡ଼ ମଲ୍, ପାର୍କରେ ମଧ୍ୟ ପ୍ରେମୀଯୁଗଳଙ୍କୁ ଦେଖିବାକୁ ମିଳିଥିଲା । ଅନେକ ପୁରୀ, କୋଣାର୍କ ଭଳି ସ୍ଥାନକୁ ମଧ୍ୟ ବୁଲିବା ପାଇଁ ଯାଇଥିଲେ ।
ଗୁରୁବାର ଭାଲେଣ୍ଟାଇନ୍ ସପ୍ତାହର ୬ଷ୍ଠ ଦିନ ଆଲିଙ୍ଗନ ଦିବସ(ହଗ୍ ଡେ) । ଏହି ଦିନ ପ୍ରେମୀଯୁଗଳ ପରସ୍ପରକୁ ଆଲିଙ୍ଗନ କରି ସେମାନଙ୍କ ପ୍ରେମର ଗଭୀରତା ଦର୍ଶାଇବା ସହ ସାରା ଜୀବନ ଏକାଠି ରହିବାର ପ୍ରତିଶ୍ରୃତିକୁ ମଜଭୁତ କରିବେ। ଏହା କେବଳ ପ୍ରେମୀଯୁଗଳଙ୍କ ଭିତରେ ସୀମିତ ରହିବ ନାହିଁ। ସାଙ୍ଗସାଥି ମିଶି ଏବେ ଏହି ଦିବସ ପାଳନ କଲେଣି। ବନ୍ଧୁତାର ଗାଢ଼ତା ପ୍ରମାଣ କରିବାକୁ ସାଙ୍ଗସାଥିମାନେ ପାର୍ଟି ଆୟୋଜନ କରି ପରସ୍ପରକୁ ଆଲିଙ୍ଗନ କରୁଥିବା ଦେଖାଯାଉଛି।
Comments ସମସ୍ତ ମତାମତ