Tags : david warner

ନୂଆଦିଲ୍ଲୀ: ଅକ୍ସନ ବେଳେ ସବୁଠାରୁ ବଡ଼ ବିପର୍ୟ୍ୟୟ ମଧ୍ୟ ଦେଖିବାକୁ ମିଳିଛି। ଅଷ୍ଟ୍ରେଲିଆର ପୂର୍ବତନ କ୍ରିକେଟର ଡାଭିଡ ୱାର୍ଣ୍ଣରଙ୍କୁ କୌଣସି ପ୍ରାଞ୍ଚାଇଜ କିଣିବାକୁ ଆଗ୍ରହ ଦେଖାଇ ନାହାନ୍ତି। ୨୦୨୪ରେ ୱାର୍ଣ୍ଣର ଦିଲ୍ଲୀ କ୍ୟାପିଟାଲ୍ସ ପାଇଁ ଖେଳିଥିଲେ। ଏହାପୂର୍ବରୁ ସେ ହାଇଦ୍ରାବାଦର ଅଧିନାୟକ ମଧ୍ୟ ରହିଥିଲେ। ହେଲେ ୨୦୨୫ ମେଗା ଅକ୍ସନରେ ତାଙ୍କୁ କେହି ବି କିଣି ନାହାନ୍ତି। ତାଙ୍କ ବେସ ପ୍ରାଇସ ୨ କୋଟି ଟଙ୍କା ରହିଥିଲା। ୱାର୍ଣ୍ଣରଙ୍କ ବ୍ୟତୀତ ବାମହାତୀ ବ୍ୟାଟର ଦେବଦତ୍ତ ପଡିକ୍କଲଙ୍କୁ ମଧ୍ୟ କେହି କିଣି ନାହାନ୍ତି। ସେ ୨୦୨୪ରେ ରାଜସ୍ଥାନ ରୟାଲ୍ସ ପକ୍ଷରୁ ଖେଳୁଥିଲେ। ହେଲେ ଏଥର ତାଙ୍କୁ କେହି କିଣି ନାହାନ୍ତି।

ଦକ୍ଷିଣ ଆଫ୍ରିକାର ଅଧିନାୟକ ଏଡେନ ମାର୍କରମଙ୍କୁ ଲକ୍ଷ୍ନୌ ସୁପର ଜାଏଣ୍ଟସ ବେସ ପ୍ରାଇସ ୨ କୋଟି ଟଙ୍କାରେ ପାଇଛି। ଇଂଲଣ୍ଡ ବ୍ୟାଠର ହ୍ୟାରୀ ବ୍ରୁକ ଚେନ୍ନାଇ, ପଞ୍ଜାବ ଓ ଦିଲ୍ଲୀ ମଧ୍ୟରେ ଟକ୍କର ହୋଇଥିଲା। କିନ୍ତୁ ଶେଷରେ ଦିଲ୍ଲୀ ତାଙ୍କୁ ୬.୨୫ କୋଟି ଟଙ୍କାରେ କିଣିଛି। ୨୦୨୪ରେ ହ୍ୟାରୀ ବ୍ରୁକ ହାଇଦ୍ରାବାଦରୁ ଖେଳୁଥିଲେ। ଏଥିସହ ସେ ଶତକ ମଧ୍ୟ ମାରିଥିଲେ।