Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ରାଜନୀତି

ମୁଖ୍ୟ ଖବର

    ଦିଲ୍ଲୀ ନିର୍ବାଚନ: ବିଜେପିର ଦ୍ୱିତୀୟ ପର୍ୟ୍ୟାୟ ପ୍ରାର୍ଥୀ ତାଲିକା

    Share on :
    ajab-Image
    Date: Jan 12, 2025    Views: 3351

    ନୂଆଦିଲ୍ଲୀ: ଦିଲ୍ଲୀ ବିଧାନସଭା ନିର୍ବାଚନ ପାଇଁ ଦ୍ୱିତୀୟ ପର୍ୟ୍ୟାୟ ପ୍ରାର୍ଥୀ ତାଲିକା ଘୋଷଣା କଲା ବିଜେପି। ଦ୍ୱିତୀୟ ପର୍ୟ୍ୟାୟରେ ୨୯ ଜଣିଆ ପ୍ରାର୍ଥୀ ତାଲିକା ଜାରି କରିଛି ଦଳ। ଏହି ୨୯ ଜଣଙ୍କୁ ମିଶାଇ ମୋଟ ୫୮ ଆସନ ପାଇଁ ପ୍ରାର୍ଥୀ ଘୋଷଣା କରିସାରିଛି ଭାରତୀୟ ଜନତା ପାର୍ଟି। ବରିଷ୍ଠ ନେତା ତଥା ଦିଲ୍ଲୀ ବିଜେପିର ଉପାଧ୍ୟକ୍ଷ କପିଲ ମିଶ୍ରାଙ୍କୁ କରାୱାଲ ନଗରରୁ ପ୍ରାର୍ଥୀ କରିଛି ଦଳ।
    ଦ୍ୱିତୀୟ ପର୍ୟ୍ୟାୟ ପ୍ରାର୍ଥୀ ତାଲିକାରେ କେବଳ ଜଣେ ବିଧାୟକଙ୍କ ଟିକେଟ କାଟିଛି ବିଜେପି। କରାୱାଲ ଆସନରୁ ଗତ ଥର ନିର୍ବାଚନ ଜିତିଥିବା ମୋହନ ସିଂହ ବିଷ୍ଟଙ୍କ ଟିକେଟ କାଟିଛି ଦଳ। ଏହି ଆସନରେ ପୁଣିଥରେ ମଇଦାନକୁ ଓହ୍ଲାଇଛନ୍ତି ବରିଷ୍ଠ ନେତା କପିଲ ମିଶ୍ରା। ସେ ପୂର୍ବରୁ ଆମ ଆଦମୀ ପାର୍ଟି ଟିକେଟରୁ ଏହି ଆସନରେ ବିଧାୟକ ଥିଲେ। ସେ ୨୦୧୯ରେ ଆପ୍ ଛାଡ଼ି ବିଜେପିରେ ମିଶିଥିଲେ। ସିଏଏ  ବିରୋଧରେ ପ୍ରତିବାଦ ହେଉଥିବା ସ୍ଥାନକୁ ସେ 'ମିନି ପାକିସ୍ତାନ' ବୋଲି କହି ବିବାଦକୁ ଆସିଥିଲେ।

    ସେହିଭଳି ନୀଲମ ପହଲୱାନଙ୍କୁ ନଜାଫଗଡ଼ରୁ ପ୍ରାର୍ଥୀ କରିଛି ଦଳ। ଏହି ଆସନ ଆମ୍ ଆଦମୀ ପାର୍ଟିର ପୂର୍ବତନ ମନ୍ତ୍ରୀ କୈଳାଶ ଗେହଲୋଟଙ୍କ ଗଡ଼। ଗେହଲୋଟ କିଛିମାସ ପୂର୍ବରୁ ଆପ୍ ଛାଡ଼ି ବିଜେପିରେ ମିଶିଥିଲେ। ତାଙ୍କୁ ପ୍ରଥମ ପର୍ୟ୍ୟାୟରେ ବିଜସ୍ୱାସନ ଆସନରୁ ମଇଦାନକୁ ଓହ୍ଲାଇଛି ଭାରତୀୟ ଜନତା ପାର୍ଟି।

    ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ମଦନଲାଲ ଖୁରାନାଙ୍କ ପୁଅ ହରିଶ ଖୁରାନାଙ୍କୁ ମୋତି ନଗର ଆସନରୁ ପ୍ରାର୍ଥୀ କରିଛି ଦଳ। ସେହିଭଳି ବରିଷ୍ଠ ନେତ୍ରୀ ପ୍ରିୟଙ୍କା ଗୌତମଙ୍କୁ କୋଣ୍ଡଲି ଆସନରୁ ମିଳିଛି ଟିକେଟ। ଦଳର ବରିଷ୍ଠ ନେତା ତଥା ବିଧାୟକ ଅଭୟ ବର୍ମାଙ୍କୁ ପୁଣିଥରେ ଲକ୍ଷ୍ମୀ ନଗର ଆସନରୁ ଦଳ ମଇଦାନକୁ ଓହ୍ଲାଇଛି। ଶାକୁର ବସ୍ତିରୁ ପୂର୍ବତନ ମନ୍ତ୍ରୀ ସତୈନ୍ଦ୍ର ଜୈନଙ୍କ ବିରୋଧରେ କର୍ଣ୍ଣେଲ ସିଂହଙ୍କୁ ପ୍ରାର୍ଥୀ କରିଛି ଦଳ।

    ପ୍ରକାଶ ଥାଉ, ୭୦ ଆସନ ବିଶିଷ୍ଟ ଦିଲ୍ଲୀ ବିଧାନସଭା ପାଇଁ ଫେବୃଆରୀ ୫ରେ ଅନୁଷ୍ଠିତ ହେବ ନିର୍ବାଚନ। ଏହାପରେ ଫେବୃଆରୀ ୮ତାରିଖରେ ଭୋଟ ଗଣତି ଓ ଫଳାଫଳ ପ୍ରକାଶ ପାଇବ। ଏଥିପାଇଁ ଜାନୁଆରୀ ୪ ତାରିଖରେ ପ୍ରଥମ ପର୍ୟ୍ୟାୟ ପ୍ରାର୍ଥୀ ତାଲିକା ଜାରି କରିଥିଲା ଭାରତୀୟ ଜନତା ପାର୍ଟି। ପ୍ରଥମ ପର୍ୟ୍ୟାୟରେ ମଧ୍ୟ ୨୯ ଜଣିଆ ପ୍ରାର୍ଥୀ ତାଲିକା ପ୍ରକାଶ କରିଥିଲା ଦଳ।

    Maximum 500 characters

    ରାଜନୀତି View all

    Find Us on Facebook