Tags : bjd

ଭୁବନେଶ୍ବର: ଆସନ୍ତା ୨୫ ତାରିଖରେ ସାରା ରାଜ୍ୟରେ ଆନ୍ଦୋଳନ ଡାକରା ଦେଇଛି ଛାତ୍ର ବିଜେଡି । ନାରୀ ସୁରକ୍ଷାକୁ ନେଇ ସମସ୍ତ କଲେଜ କ୍ୟାମ୍ପସରେ ପ୍ରତିବାଦ କରାଯିବ। ଛାତ୍ର ଛାତ୍ରୀମାନେ କଳାବ୍ୟାଚ ପିନ୍ଧି ପ୍ରତିବାଦ କରିବେ ମୋହନ ସରକାରଙ୍କ ବିରୋଧରେ । ମାଆ ଭଉଣୀଙ୍କ ସୁରକ୍ଷା ପାଇଁ ଏହି ଆନ୍ଦୋଳନକୁ ସମର୍ଥନ କରିବାକୁ ରାଜ୍ୟର ସମସ୍ତ ଯୁବ ଓ ଛାତ୍ର ସଂଗଠନକୁ ଆହ୍ଵାନ ଦେଇଛି ଛାତ୍ର ବିଜେଡି ।

ଏକ ସାମ୍ବାଦିକ ସମ୍ମିଳନୀରେ ବିଧାୟକ ବ୍ୟୋମକେଶ ରାୟ ଓ ଦେବୀରଂଜନ ତ୍ରିପାଠୀ ଅଭିଯୋଗ କରିଛନ୍ତି, ବିଜେପି ସରକାର ଆସିବା ପରେ ରାଜ୍ୟରେ ବଢ଼ିଛି ଦୁଷ୍କର୍ମ। ଚୋରୀ, ଡକାୟତି, ରାହାଜାନୀ ବଢ଼ିଛି । ପ୍ରତ୍ୟେକ ଦିନ ୧୫ଟି ଦୁଷ୍କର୍ମ ହେଉଛି। ଗୋପାଳପୁର ଗଣଦୁଷ୍କର୍ମ ଓଡ଼ିଶାର ବିଶ୍ୱରେ ନିନ୍ଦିତ କରିଛି। ଗଣଦୁଷ୍କର୍ମ ଉପରେ ଉତ୍ସବ ପାଳନ କରୁଛନ୍ତି ରାଜ୍ୟ ସରକାର। ଏଥିରେ ଛାତ୍ର ଓ ଯୁବ ବିଜେଡି ଚୁପ୍ ହୋଇ ବସିବ ନାହିଁ। ସେଥିପାଇଁ ଆସନ୍ତା ୨୫ ତାରିଖରେ ଆନ୍ଦୋଳନର ଡାକରା ଦିଆଯାଇଛି ।