Tags : bjd

ଭୁବନେଶ୍ବର : ବିଜେପିକୁ ଟାର୍ଗେଟ କଲା ବିଜେଡି । ରାୟଗଡା ଜିଲ୍ଲାରେ ବିଜେପି ଜିଲ୍ଲା ସଭାପତିଙ୍କ ଗୁଣ୍ଡାରାଜ ବିରୋଧରେ ଶଙ୍ଖ ଭବନରେ ଆୟୋଜିତ ସାମ୍ବାଦିକ ସମ୍ମିଳନୀରେ ବିଜେପି ଉପରେ ବର୍ଷିଛନ୍ତି ବିଜେଡି ନେତା ପ୍ରଦୀପ ମାଝୀ । ସବକା ସାଥ ସବକା ବିକାଶ ନାରା ଦେଇ ସରକାରକୁ ଆସିଥିଲା ବିଜେପି। ଓଡ଼ିଶାରେ ସରକାରକୁ ଆସିବା ପରେ କିଭଳି ଭାବେ ମହିଳା ସୁରକ୍ଷା ନେଇ ପ୍ରଶ୍ନ ଉଠିଛି ଓ ଶୋଷଣ ଚାଲିଛି। ବିଭିନ୍ନ ସ୍ଥାନରେ ଅଫିସରଙ୍କ ଉପରେ ଚାପ ପ୍ରୟୋଗ କରି ଭୟ ସୃଷ୍ଟି କରାଯାଉଛି। ପ୍ରଶାସନକୁ କବଜାକୁ ନେଵାକୁ ବିଜେପି ଆତଙ୍କରାଜ ଚଳାଇଛି। ମାସକ ତଳେ ବିଜେପି ଜିଲ୍ଲା ସଭାପତିଙ୍କୁ ନିଯୁକ୍ତି ଦିଆଗଲା। ବିଜେପି ଜିଲ୍ଲା ସଭାପତି ରାୟଗଡାର ଗୋପୀ ଆନନ୍ଦ ଯେ କି ଜଣେ ଓକିଲ । ସେ ସାଧାରଣ ଲୋକ, ବ୍ୟବସାୟୀକୁ ଧମକାଇ ଟଙ୍କା କଲେକ୍ସନ କରୁଛନ୍ତି। ପାର୍ଟି ଓ୍ବିଥ୍ ଡିଫରେନ୍ସ କହୁଥିବା ବିଜେପିର ପଦାଧିକାରୀ କଲେକ୍ସନରେ ମାତିଛନ୍ତି। ପ୍ରତ୍ୟେକ ଗହଣା ଦୋକାନରୁ ଏକ ଲକ୍ଷ ଟଙ୍କା । ମିଲରସ ମାନଙ୍କ ଠାରୁ ୨ ଲକ୍ଷ, ଶିଳ୍ପସଂସ୍ଥାଠାରୁ ୫ ଲକ୍ଷ ଧମକାଇ ଆଦାୟ କରୁଛନ୍ତି ଜିଲ୍ଲା ସଭାପତି । ବ୍ୟବସାୟୀ ସଂଘ ମୁଖ୍ୟମନ୍ତ୍ରୀଙ୍କୁ ଏ ପ୍ରସଙ୍ଗରେ ଲେଖି ସୁରକ୍ଷା ମାଗିଛନ୍ତି। ଏହା ବିଜେପିର ଚିତ୍ର ଓ ଚରିତ୍ର। କିଛି ଦିନ ତଳେ ଏଡିଏମଙ୍କୁ ଜିଲ୍ଲା ସଭାପତି ଓ ସମ୍ପୂର୍ଣ୍ଣ ବିଜେପି ୟୁନିଟ ଧମକ ଚମକ ଦେଇ ଅଶାଳୀନ ବ୍ୟବହାର କରି ଡକ୍ୟୁମେଣ୍ଟ ମଗାଯାଇଥିଲା। ଯାହା କହୁଛୁ କର ବୋଲି ଧମକ ଦିଆଯାଉଛି। ବିଜେଡି ଏହାକୁ ନିନ୍ଦା କରୁଛି । ଏହାର ଉଚିତ ଜବାବ ଦିଆଯିବ। ବିଜେଡି ବ୍ୟବସାୟୀମାନଙ୍କୁ ସୁରକ୍ଷା ଦେବ। ଯେଉଁ ପତ୍ର ବ୍ୟବସାୟୀ ସଙ୍ଘ ଲେଖିକି ଦେଇଛି ତା ଉପରେ କାର୍ୟ୍ୟାନୁଷ୍ଠାନ ନିଆଯାଉ ଓ ଜିଲ୍ଲା ସଭାପତିଙ୍କୁ ପଦରୁ ବହିଷ୍କାର କରି ଜେଲରେ ଭର୍ତ୍ତି କରାଯାଉ ବୋଲି ଦାବି ରଖିଛନ୍ତି ବରିଷ୍ଠ ବିଜେଡି ନେତା ପ୍ରଦୀପ ମାଝୀ।