Tags : bjd

ଭୁବନେଶ୍ୱର: ରାଜ୍ୟରେ ବିଗିଡିବାରେ ଲାଗିଛି ଆଇନ ଶୃଙ୍ଖଳା ସ୍ଥିତି । ପ୍ରତ୍ୟେକ ଦିନ ହତ୍ୟାକାଣ୍ଡ, ଲୁଟ, ରାହାଜାନୀ, ମହିଳା ବିରୋଧୀ ହିଂସା ଘଟଣା ସାମ୍ନାକୁ ଆସୁଛି । ପବିତ୍ର ହୋଲି ପର୍ବରେ ରାଜ୍ୟର ବିଭିନ୍ନ ସ୍ଥାନରେ ୫ରୁ ହତ୍ୟା, ଗୋଷ୍ଠୀ ସଂଘର୍ଷ ରିପୋର୍ଟ ହୋଇଛି । ଏହାକୁ ନେଇ ଆଜି ବିଜେଡି ବିଧାନସଭାରେ ସରକାରଙ୍କୁ ଘେରିଛି ।
ବିଜେଡି ବିଧାୟକ ଗୌତମବୁଦ୍ଧ ଦାସ କହିଛନ୍ତି, "ମୋହନ ମାଝୀଙ୍କ ନେତୃତ୍ୱରେ ବିଜେପି ସରକାର ଏକ ଅପାରଗ ସରକାର । ବିଜେପି ସରକାର ଚଳେଇବା ଜାଣେ ନାହିଁ । ମୋହନଙ୍କ ନେତୃତ୍ୱରେ ରାଜ୍ୟର ଆଇନ ଶୃଙ୍ଖଳା ଭୁଶୁଡି ପଡିଛି । ପୋଲିସ ବ୍ୟବସ୍ଥା ରସାତଳକୁ ଯାଇଛି । ପୁରୀରେ ତତ୍କାଳୀନ ରାଜ୍ୟପାଳଙ୍କ ପୁଅ ଏଏସଓଙ୍କୁ ମାଡ ମାରିଥିଲେ । ଏହି ଘଟଣାରେ ଅଭିଯୁକ୍ତଙ୍କ ବିରୋଧରେ ପୋଲିସ କୌଣସି କାର୍ୟ୍ୟାନୁଷ୍ଠାନ ନେଇନଥିଲା । ଆଇନ ମନ୍ତ୍ରୀ କହିଲେ ଜିଲ୍ଲାପାଳଙ୍କ ଦ୍ୱାରା ତଦନ୍ତ କରାଯାଉଛି । ସେହିଦିନଠାରୁ ରାଜ୍ୟରେ ଆଇନ ଶୃଙ୍ଖଳା ପରିସ୍ଥିତି ଉପର ମୁଁହା ହୋଇଛି । ଅପରାଧୀଙ୍କ ମନୋବଳ ବୃଦ୍ଧି ହୋଇଛି । ରାଜଧାନୀରେ ଦୁଇଟି ଘଟଣା ସହ ରାଜ୍ୟରେ ୯ଟି ହତ୍ୟା ହୋଲି ଦିନ ହୋଇଛି । ଅପରାଧୀ ରକ୍ତର ହୋଲି ଖେଳିଛନ୍ତି । ଏଭଳି ହୋଲି କେବେ କେହି ଦେଖିନଥିଲେ ।"