Apr 4, 2025
ମୁଖ୍ୟ ଖବର
ଭୁବନେଶ୍ୱର: ବୁଧବାର ବିଧାନସଭାରେ କେବେ ସୁଦ୍ଧା ଗହମ ସହ ଚାଉଳ ଦିଆଯିବ ପ୍ରଶ୍ନର ଉତ୍ତର ରଖିଛନ୍ତି ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ।
ମନ୍ତ୍ରୀ ଶ୍ରୀ ପାତ୍ର କହିଛନ୍ତି ଯେ ଚାଉଳ ସହ ଗହମ ଦେବାକୁ ସରକାର ପ୍ରତିଶ୍ରୁତିବଦ୍ଧ । ଏଥିପାଇଁ କେନ୍ଦ୍ର ସରକାରଙ୍କୁ ଚିଠି ଲେଖିଥିଲୁ । ଯାହାକୁ ମଞ୍ଜୁରି ବି ମିଳିଛି । ହେଲେ ପରିବହନ ସୁବିଧା ନଥିବାରୁ ଗହମ ଆସିପାରୁନାହିଁ ବୋଲି ମନ୍ତ୍ରୀ ଶ୍ରୀ ପାତ୍ର ବିଧାନସଭାରେ ସୂଚନା ଦେଇଛନ୍ତି ।
କେବେ ଠାରୁ ଗହମ ମିଳିବ, କେତେ ଚାଉଳ କେତେ ଗହମ ମିଳିବ ବୋଲି ଗୃହରେ ପ୍ରଶ୍ନ କରିଥିଲେ ବିଜେଡି ବିଧାୟକ ଗୌତମ ବୁଦ୍ଧ ଦାସ । ତାଙ୍କ ପ୍ରଶ୍ନର ଉତ୍ତରରେ କିନ୍ତୁ କେବେଠାରୁ ଗହମ ମିଳିବ, କେତେ ଅନୁପାତରେ ମିଳିବ ସେ ନେଇ କୌଣସି ସ୍ପଷ୍ଟ ଉତ୍ତର ରଖି ନାହାନ୍ତି ମନ୍ତ୍ରୀ । ମନ୍ତ୍ରୀ କହିଛନ୍ତି, ସରକାର ପ୍ରତିଶ୍ରୁତି ଦେଇଛନ୍ତି ପ୍ରତିଶ୍ରୁତି ରଖିବେ । ପୂର୍ବରୁ ଗହମ ମିଳୁଥିବା ବେଳେ ବିଜେଡି ସରକାର ସମୟରେ ଗହମ ବନ୍ଦ କରିବାକୁ ଚିଠି ପରେ ଗହମ ଯୋଗାଣ ବନ୍ଦ ରହିଛି । ପ୍ରତି ପଞ୍ଚାୟତରେ ପୋଷଣ କେନ୍ଦ୍ର ହେବ । ଚାଉଳ, ଡାଲି, ଚିନି, ତେଲ ସବସିଡି ଦରରେ ଯୋଗାଇ ଦେବେ ସରକାର । ମାସେ ଦୁଇ ମାସ ମଧ୍ୟରେ ବ୍ୟବସ୍ଥା କରାଯିବ । ପ୍ରଶ୍ନ କାଳରେ ଏହି ଉତ୍ତର ଦେଇଛନ୍ତି ଯୋଗାଣ ମନ୍ତ୍ରୀ ।
Comments ସମସ୍ତ ମତାମତ