Tags : accident

କେନ୍ଦ୍ରାପଡା: ସିମେଣ୍ଟ ବୋଝେଇ ଟ୍ରକକୁ ପଛରୁ ଧକ୍କା ଦେଲା ଚିଙ୍ଗୁଡ଼ି ବୋଝେଇ କଣ୍ଟେନର । ଫଳରେ 2 ଜଣଙ୍କ ମୃତ୍ୟୁ ହୋଇଥିବା ବେଳେ 2 ଜଣ ଗୁରୁତର ରହିଛନ୍ତି । ସୋମବାର ସକାଳୁ କଟକ-ଚାନ୍ଦବାଲି ରାଜ୍ୟ ରାଜପଥ ରାସ୍ତାର କେନ୍ଦ୍ରାପଡ଼ା ସଦର ଥାନା ଅନ୍ତର୍ଗତ କୁସୁନପୁର ଠାରେ ଘଟିଛି ଏହି ମର୍ମନ୍ତୁଦ ସଡ଼କ ଦୁର୍ଘଟଣା । ମୃତକ ଦ୍ୱୟ ହେଉଛନ୍ତି କେନ୍ଦ୍ରାପଡା ଜିଲ୍ଲା ତାଳଚୁଆ ଅଞ୍ଚଳର ରବିନ୍ଦ୍ର ଜେନା ଓ ଭଦ୍ରକ ବାସୁଦେବପୁର ଅଞ୍ଚଳର ଶାନ୍ତନୁ ଜେନା । ଦୁର୍ଘଟଣାରେ ଗୁରୁତର ଆହତ ହୋଇ କଟକ ସ୍ଥାନାନ୍ତର ହୋଇଥିବା ଦୁଇଜଣ ହେଉଛନ୍ତି ଭଦ୍ରକ ବାସୁଦେବପୁରର ସ୍ଵାଧୀନ ଦାସ ଓ ନୟାଗଡ଼ର ବୁଦ୍ଧିଆ ସାହୁ ।
ଆଜି ପ୍ରତ୍ୟୁଷରୁ ଏକ ଚିଙ୍ଗୁଡ଼ି ବୋଝେଇ କଣ୍ଟେନର କୁସୁନପୁର ଠାରେ ରାସ୍ତା କଡରେ ଅଟକିଥିବା ସିମେଣ୍ଟ ବୋଝେଇ ଟ୍ରକକୁ ପଛ ପଟୁ ଧକ୍କା ଦେଇଥିଲା ।

ରବିବାର ରାତିରେ ଏକ ସିମେଣ୍ଟ ଟ୍ରକ୍ କୌଣସି କାରଣରୁ ଖରାପ ହୋଇଯିବା ପରେ ଉକ୍ତ ଗାଡ଼ିର ଡ୍ରାଇଇଭର ଗାଡିକୁ ସାଇଡ କରି ଦୁର୍ଘଟଣା ନଘଟିବା ପାଇଁ ସମସ୍ତ ପ୍ରକାର ବ୍ୟବସ୍ଥା କରି ଗଛ ଡ଼ାଳ ଓ ସାଇଡ ଇଣ୍ଡିକେଟର ଦେଇ ଶୋଇଥିଲେ । ଆଜି ସକାଳୁ କଟକ ପଟରୁ ଆସୁଥିବା ଏକ ଚିଙ୍ଗୁଡ଼ି ଓ ମାଛ ଟ୍ରକ୍ ସେହି ଗାଡ଼ି ପଛରେ ପିଟିବା ପରେ ପ୍ରଚଣ୍ଡ ଶବ୍ଦ ହୋଇଥିଲା । ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଥିଲା ।’ ‘ସେଠାକୁ ଯାଇଥିଲୁ ଗାଡ଼ି ଭିତରୁ ସେମାନଙ୍କୁ ବାହାର କରିବା ସମ୍ଭବପର ନଥିଲା । ସଙ୍ଗେସଙ୍ଗେ ଡେରାବିଶ ଓ ନିଶ୍ଚିନ୍ତକୋଇଲି ଅଗ୍ନିଶମ ବିଭାଗକୁ ଖବର ଦେବା ପରେ ସେମାନେ ଆସି ଗ୍ୟାସ କଟରରେ କାଟି ଡ୍ରାଇଭର ଓ ଅନ୍ୟମାନଙ୍କୁ ଉଦ୍ଧାର କରିଥିଲେ । ତେବେ ଉଦ୍ଧାର କରିବା ବେଳେ ଗାଡ଼ିରେ ବସିଥିବା ଦୁଇଜଣଙ୍କ ମୃତ୍ୟୁ ହୋଇଥିବା ଆମେ ଅନୁମାନ କରୁଥିଲୁ । ଉଦ୍ଧାର ପରେ ସେମାନଙ୍କୁ ନିଶ୍ଚିନ୍ତକୋଇଲି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିବା ବେଳେ ଡ଼ାକ୍ତର ଦୁଇଜଣଙ୍କ ମୃତ୍ୟୁ ହୋଇଥିବା କହିଥିଲେ । ଡ୍ରାଇଭର ଆଉ ହେଲପର ଦୁଇଜଣଙ୍କ ଅବସ୍ଥା ଗୁରୁତର ଥିବାରୁ ଦୁଇଜଣଙ୍କୁ କଟକ ସ୍ଥାନାନ୍ତର କରାଗଲା ।’