May 19, 2025
ମୁଖ୍ୟ ଖବର
ନୂଆଦିଲ୍ଲୀ: ଦିଲ୍ଲୀରେ ଆମ ଆଦମୀ ପାର୍ଟିକୁ ବଡ଼ ଝଟକା। ଦଳ ଛାଡି ୧୩ଜଣ କର୍ପୋରେଟର । ବିଦ୍ରୋହୀ ନେତା ଦିଲ୍ଲୀ ମ୍ୟୁନିସିପାଲ କର୍ପୋରେସନରେ ନୂଆ ଦଳ ଗଠନ କରିବାକୁ ଘୋଷଣା କରିଛନ୍ତି। ଏହାର ଅର୍ଥ ହେଉଛି ଦିଲ୍ଲୀ ମ୍ୟୁନିସିପାଲ କର୍ପୋରେସନରେ ଗଠନ ହେବ ତୃତୀୟ ସାମ୍ମୁଖ୍ୟ। ଏହାର ନେତା ହେବେ ମୁକେଶ ଗୋୟଲ।ଗତ ମାସରେ ଦିଲ୍ଲୀ ମ୍ୟୁନିସିପାଲ୍ କର୍ପୋରେସନରେ ଏକ ବଡ଼ ଧରଣର ଅସ୍ଥିରତା ଦେଖାଦେଇଛି। ଏମସିଡି ନିର୍ବାଚନରେ ବିଜେପି କାଉନସିଲର ରାଜା ଇକବାଲ ସିଂହ ନୂଆ ମେୟର ହୋଇଥିଲେ। ତାଙ୍କୁ ୧୩୩ଟି ଭୋଟ ମିଳିଥିଲା। କଂଗ୍ରେସ ପ୍ରାର୍ଥୀ ମନଦୀପଙ୍କୁ ମାତ୍ର ୮ଟି ଭୋଟ ମିଳିଥିଲା। ଆପ ମେୟର ନିର୍ବାଚନ ବର୍ଜନ କରିଥିଲା । ନିଜର ପ୍ରାର୍ଥୀ ମଧ୍ୟ ଛିଡ଼ା କରିନଥିଲା। ଏହି ସମ୍ପୂର୍ଣ୍ଣ ଘଟଣା ପରେ ଆପ୍ ନେତାମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା।ଆମ ଆଦମୀ ପାର୍ଟିର ବରିଷ୍ଠ ନେତା ମୁକେଶ ଗୋୟଲଙ୍କ ନେତୃତ୍ୱରେ ଆପ୍ରେ ବିଭାଜନ ହୋଇଛି। ଗୋୟଲ ଘୋଷଣା କରିଛନ୍ତି ଯେ ସେ ଏବଂ ତାଙ୍କର ସମର୍ଥକ କାଉନସିଲରମାନେ ଏବେ ଏକ ଭିନ୍ନ ପଥ ଗ୍ରହଣ କରିବାକୁ ନିଷ୍ପତ୍ତି ନେଇଛନ୍ତି। ଏହି ନୂତନ ଦଳର ନାମ 'ଇନ୍ଦ୍ରପ୍ରସ୍ଥ ବିକାଶ ପାର୍ଟି' ରଖାଯାଇଛି।
ମୁକେଶ ଗୋୟଲଙ୍କ ଅନୁଯାୟୀ, ଏହି ନୂତନ ଗୋଷ୍ଠୀରେ ୧୩ଜଣ କାଉନସିଲର ଅଛନ୍ତି, ଯେଉଁମାନେ ଏବେ ଇନ୍ଦ୍ରପ୍ରସ୍ଥ ବିକାଶ ପାର୍ଟିର ଅଂଶ ହେବେ। ଏହି ପଦକ୍ଷେପକୁ ଆମ ଆଦମୀ ପାର୍ଟି ପାଇଁ ଏକ ବଡ଼ ରାଜନୈତିକ ଚ୍ୟାଲେଞ୍ଜ ଭାବରେ ବିବେଚନା କରାଯାଉଛି। ମୁକେଶ ଗୋୟଲ ଏବଂ ହେମଚନ୍ଦ୍ର ଗୋୟଲଙ୍କ ସମେତ ଅନେକ ନେତା ପୂର୍ବରୁ କଂଗ୍ରେସ ଦଳରେ ଅଛନ୍ତି। ଗତ ପୌର ନିର୍ବାଚନ ପୂର୍ବରୁ, ଏହି ଲୋକମାନେ କଂଗ୍ରେସ ଛାଡି ଆମ ଆଦମୀ ପାର୍ଟିରେ ଯୋଗ ଦେଇଥିଲେ। ବିଧାନସଭା ନିର୍ବାଚନରେ ମୁକେଶ ଗୋୟଲଙ୍କୁ ଆଦର୍ଶ ନଗର ଆସନରୁ ଆମ ଆଦମୀ ପାର୍ଟି ପ୍ରାର୍ଥୀ ମଧ୍ୟ କରାଯାଇଥିଲା।
Comments ସମସ୍ତ ମତାମତ