Tags : prasanna acharya

ଭୁବନେଶ୍ୱର:  କୋଶଳୀ ଭାଷାକୁ ମିଳୁ ରାଜ୍ୟ ଭାଷାର ସ୍ଵୀକୃତି ଏନେଇ ଗୃହରେ ପ୍ରଶ୍ନ ଉଠାଇଛନ୍ତି ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ୟ୍ୟ । ପ୍ରସଙ୍ଗ ଉଠାଇ କହିଛନ୍ତି ସଂକଳ୍ପକୁ ଦିବସରେ ପାଳନ କଲେ ହେବନି । ଓଡ଼ିଶା କହିଲେ ସମଗ୍ର ଅଞ୍ଚଳ । ଭାଷା ଓ ଭୂଷଣକୁ ଛାଡି ଜାତି ବଞ୍ଚି ପାରିବନି ।  ଓଡ଼ିଶାର ୧୧ ଜିଲ୍ଲାର ଦେଢ଼ କୋଟି ଲୋକ ସମ୍ବଲପୁରୀ, କୋଶଳୀ ଭାଷା, ସମ୍ବଲପୁରୀ କୋଶଳୀ ଭାଷା ବ୍ୟବହାର କରନ୍ତି ।
ଏହି ଭାଷାକୁ ସରକାରୀ ସ୍ଵୀକୃତି ପାଇଁ ଅନେକ ଦିନ ଧରି ଦାବି ଉଠିଛି ।  ଏହି ଭାଷାରେ ଅନେକ କ୍ଷୁଦ୍ର ଗଳ୍ପ, କବିତା, ପୁସ୍ତକ ରଚନା ହୋଇଛି । ନିଜସ୍ଵ ଅଭିଧାନ ବି ରହିଛି ଏହି ଭାଷାରେ । ରଙ୍ଗବତୀ ଗୀତ ସମ୍ବଲପୁର,ଓଡ଼ିଶା ,ଭାରତ ଅତିକ୍ରମ କରି ସାରିଛି ।  ଛି ଛି ରେ ନନୀ ଗୀତକୁ ନେଇ ସାରା ଭାରତ ବର୍ଷରେ ଚର୍ଚ୍ଚା । ଅନେକ କୁହନ୍ତି ଏହି ଭାଷାର ଲିପି ନାହିଁ  କିନ୍ତୁ ଅନେକ ଭାଷାରେ ଲିପି ନାହିଁ କିନ୍ତୁ ସ୍ଵୀକୃତି ମିଳିଛି ।ପୂର୍ବରୁ ଅନେକ ବାର ସଂସଦରେ ଉଠିଛି ଏହି ଭାଷାକୁ ଅଷ୍ଟମ ଅନୁଚ୍ଛେଦରେ ସାମିଲ କରିବାକୁ । ରାଜ୍ୟ ସରକାର ଏ ନେଇ କେନ୍ଦ୍ର ସରକାରଙ୍କୁ ପୁନର୍ବାର ପ୍ରସ୍ତାବ ପଠାଇବାକୁ ଦାବି କଲେ ପ୍ରସନ୍ନ । ରାଜ୍ୟ ସରକାର ମଧ୍ୟ ଏହାକୁ ରାଜ୍ୟ ଭାଷା ଭାବେ ସ୍ଵୀକୃତି ଦିଅନ୍ତୁ । ହାଲକା ଭାବେ ନନେଇ ଲୋକଙ୍କ ଆତ୍ମାର ଭାଷାକୁ ରାଜ୍ୟର ଦ୍ବିତୀୟ ରାଜ୍ୟଭାଷା ଭାବେ ମାନ୍ୟତା ଦିଅନ୍ତୁ ।ଏଥିସହ ସେ ଆହୁରି କହିଛନ୍ତି ସମ୍ବିଧାନର ଅନୁଚ୍ଛେଦ ୩୪୫ ଅନୁସାରେ ରାଜ୍ୟ ସରକାର ଦ୍ଵିତୀୟ ରାଜ୍ୟ ଭାଷା ଭାବେ ଗ୍ରହଣ କରିପାରିବେ ।  ଓଡିଶାର ୧୧ ଟି ଜିଲ୍ଲାର ଦେଢ଼ କୋଟି ରୁ ଅଧିକ ଲୋକ କୁହନ୍ତି । ସମ୍ବଲପୁରୀ ଭାଷାରେ ରାମାୟଣ, କ୍ଷୁଦ୍ର ଗଳ୍ପ ଓ ନାଟକ ସହ ଅନେକ କବିତା ଲେଖା ଯାଉଛି । ସମ୍ୱଲପୁରୀ ଭାଷାର ନିଜସ୍ୱ ଅଭିଧାନ ଅଛି ।  ହଳଧର ନାଗଙ୍କୁ ପଦ୍ମଶ୍ରୀ ମିଳି ସାରିଛି । ରଙ୍ଗବତୀ ଗୀତ ରାଜ୍ୟ ଓ ଦେଶର ସୀମା ଅତିକ୍ରମ କରି ସାରିଛି । ଏବେ ଛି ଛିରେ ନନୀ ଗୀତ ସାରା ଭାରତ ବର୍ଷରେ ଶୁଣିବାକୁ ମିଳୁଛି ।  ଈଶ୍ୱର ନ କରନ୍ତୁ ଭାଷା ପାଇଁ ପାକିସ୍ତାନରୁ ଇଷ୍ଟ ପାକିସ୍ତାନ ଅଲଗା ହେବା ଭଳି ଅବସ୍ଥା ଓଡିଶାର ନହେଉ