Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ତାଜା ଖବର

ମୁଖ୍ୟ ଖବର

    ବାଇକ ଦୁର୍ଘଟଣାରେ ଭଉଣୀ ମୃତ, ଭାଇ-ଭାଉଜ ଗୁରୁତର

    Share on :
    ajab-Image
    Date: Apr 1, 2025    Views: 3195

    ପାଟଣା : ପାଟଣା ଥାନା ଅଞ୍ଚଳ ୨୨୦ ନଂ ଜାତୀୟ ରାଜପଥର ସାହାରପଡା ତେଲନଦୀ ପୋଲ ପୂର୍ବରୁ ନିର୍ମାଣ କରାଯାଇଥିବା ବେଆଇନ ମାଟି ହମ୍ପସରେ ଗତ ବିଳମ୍ବିତ ସନ୍ଧ୍ୟାରେ ବାଇକ ଦୁର୍ଘଟଣା ଘଟି ଜଣେ ଯୁବତୀଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ତାଙ୍କ ଭାଇ ଭାଉଜ ଗୁରୁତର ହୋଇଛନ୍ତି। ଖବରରୁ ପ୍ରକାଶ ଯେ ଗତକାଲି ପାଟଣା ନିକଟସ୍ଥ ମାଧପୁର ଗ୍ରାମର ବାପୁନ ମୁଣ୍ଡା(୨୫)ନିଜ ପତ୍ନୀ ରିତାରାଣୀ ମୁଣ୍ଡା(୧୯)ଏବଂ ସାନଭଉଣୀ ଲିଲିମଣୀ ମୁଣ୍ଡା(୧୭)ଙ୍କୁ ଗତ ବିଳମ୍ବିତ ସନ୍ଧ୍ୟାରେ ବାଇକରେ ବସାଇ କରଞ୍ଜିଆ ମେଳା ଦେଖିବାକୁ ଯାଉଥିବା ସମୟରେ ସେତୁ ପୂର୍ବରୁ ନିର୍ମାଣ ହୋଇଥିବା ବେଆଇନ ହମ୍ପସରେ ବାଇକ ଚଢାଇ ଦେବାରୁ ୩ ଜଣ ଯାକ ରାସ୍ତା ଉପରକୁ ମୁହଁ ମାଡି ଛିଟିକି ପଡ଼ିଥିଲେ। ସାମ୍ନାରୁ ଆସୁଥିବା ହାଇୱା ଲାଇଟ ଆଖିରେ ପଡିବାରୁ ବାପୁନ ହମ୍ପସ ଜାଣି ପାରି ନଥିଲେ। ପାଖରେ ଥିବା ଢ଼ାବାରୁ ଲୋକେ ୩ ଜଣକୁ ଉଦ୍ଧାର କରି କରଞ୍ଜିଆ ଡାକ୍ତରଖାନା ପଠାଇ ଥିବାବେଳେ ଡାକ୍ତର ସେଠାରେ ଲିଲିମଣି ମୁଣ୍ଡାଙ୍କୁ ମୃତ ଘୋଷଣା କରିଥିଲେ।

    Maximum 500 characters

    ତାଜା ଖବର View all

    Find Us on Facebook