Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ରାଜନୀତି ତଡ଼କା

ମୁଖ୍ୟ ଖବର

    ‘୫-ଟି’ କୁ ଏମିତି କଟାକ୍ଷ କଲେ ସୁର

    Share on :
    ajab-Image
    Date: Oct 31, 2019    Views: 473

    ଭୁବନେଶ୍ୱର: ରାଜ୍ୟବାସୀଙ୍କୁ ସୁଶାସନ ଦେବା ପାଇଁ ରାଜ୍ୟ ସରକାର ଆରମ୍ଭ କରିଛନ୍ତି ୫-ଟି କାର୍ଯ୍ୟକ୍ରମ । ଏହି କାର୍ଯ୍ୟକ୍ରମ ଦୁର୍ନୀତିଖୋର କର୍ମଚାରୀଙ୍କୁ ଏବେ ଭୂତ ହୋଇ ଗୋଡ଼ାଉଛି । ଲାଞ୍ଚ ନେଇ ଆରାମରେ ଜୀବନଯାପନ କରୁଥିବା  ଲାଞ୍ଚୁଆ କର୍ମଚାରୀଙ୍କ ଆଖିରୁ ନିଦ ହଜାଇ ଦେଇଛି ଏହି ୫-ଟି କାର୍ଯ୍ୟକ୍ରମ । ଏହା ସତ୍ୱେ  ବିରୋଧୀ କଂଗ୍ରେସ ବିଜେପି ରାଜ୍ୟ ସରକାରଙ୍କ ଏହି କାର୍ଯ୍ୟକ୍ରମକୁ ପ୍ରଥମରୁ ହିଁ ସମାଲୋଚନା କରି ଆସୁଛନ୍ତି । ଆଜି ସମ୍ପୃକ୍ତ ସମାଲୋଚକଙ୍କ ଭିତରେ ସାମିଲ ହୋଇଛନ୍ତି ବରିଷ୍ଠ କଂଗ୍ରେସ ନେତା ସୁର ରାଉତରାୟ ।  ସେ ୫-ଟିକୁ କଟାକ୍ଷ କରିଛନ୍ତି । ‘ଟି ନା ଚା’ ବୋଲି  କଟାକ୍ଷ କରିଛନ୍ତି ।

    ସେ କହିଛନ୍ତି ଯେ,  ଭୁବନେଶ୍ୱରସ୍ଥ କ୍ୟାପିଟାଲ ହସ୍ପିଟାଲରେ ରୋଗୀ ପଡ଼ିଛନ୍ତି ।  ଏହା ପ୍ରତି କାହାର ନଜର ପଡ଼ୁନାହିଁ ।  ହସ୍ପିଟାଲରେ ବେଡ ନାହିଁ । ରୋଗୀ ତଳେ ଗଡ଼ୁଛନ୍ତି ।  ଆଗ ରାଜଧାନୀର ଅବସ୍ଥା ଦେଖ ।  ଏଠାରେ ମନ୍ତ୍ରୀଙ୍କ ମର୍ଯ୍ୟାଦାହାନୀ ହେଉଛି ।  ମନ୍ତ୍ରୀ ପ୍ରଚାରରେ  ଥିଲେ, ସିଡିଏମଓଙ୍କୁ ସସପେଣ୍ଡ କରାଗଲା ।  ମନ୍ତ୍ରୀ ଭୋଟ କାଉଣ୍ଟିଂରେ ଅଛନ୍ତି, ସସପେଣ୍ଡ ଉଠିଗଲା ।  କ’ଣ ଚାଲିଛି ଏଠି । ଏ କି ପାଗଳାମୀ ଶାସନ ।  ଏଠି ଅଫିସରଙ୍କ ଜରିଆରେ ସବୁ ହେଉଛି ବୋଲି ସୁର ରାଉତରାୟ କହିଛନ୍ତି । 

    ଏହା ପୂର୍ବରୁ ବିଜେପି ସାଂସଦ ଅପରାଜିତା ଷଡ଼ଙ୍ଗୀ ୫-ଟି କାର୍ଯ୍ୟକ୍ରମକୁ ସମାଲୋଚନା କରିଥିଲେ । 

    ରାଜ୍ୟରେ ସୁଶାସନ ଆଣିବାକୁ ରାଜ୍ୟ ସରକାର ଆଣିଥିବା ‘୫-ଟି’ ଫର୍ମୁଲା ଉପରେ ପ୍ରଶ୍ନ ଉଠାଇଥିଲେ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ । ଦୀର୍ଘ ୨୦ ବର୍ଷ ଶାସନରେ କ’ଣ ‘୫-ଟି’ ସରକାରରେ ନଥିଲା କି ? ଶାସନର ୨୦ ବର୍ଷ ପରେ କାହିଁକି ୫-ଟି ଅଣାଗଲା ବୋଲି ସେ ପ୍ରଶ୍ନ କରିଥିଲେ । ଏହା ମନ୍ତ୍ରୀ ଓ ସଚିବଙ୍କ ଗାରିମା ଉପରେ ପ୍ରଶ୍ନ ଉଠାଉଥିବା ଅପରାଜିତା କହିଥିଲେ । 

    ଆଜି ରେଳବାଇ ଷ୍ଟାଡିୟମ୍‌ରେ ଆୟୋଜିତ ‘ଏକତା ପାଇଁ ଦୌଡ଼’ କାର୍ୟ୍ୟକ୍ରରେ ଯୋଗ ଦେଇଥିଲେ ସାଂସଦ ଅପରାଜିତା ଷଡ଼ଙ୍ଗୀ । ଏହି ଅବସରରେ ସେ ରାଜ୍ୟ ସରକାରଙ୍କ ୫-ଟି ଉପରେ ବର୍ଷିଥିଲେ। ସେ କହିଥିଲେ ଯେ ଏହା ଏକ ଅଭିନବ ପଦକ୍ଷେପ ନୁହେଁ । ଏହି ପଦକ୍ଷେପ ବହୁତ ପୁରୁଣା କଥା ଅଟେ । ଶାସନର ୨୦ ବର୍ଷ ପରେ କାହିଁକି ୫-ଟି  ଅଣାଗଲା?  ଏହି ୨୦ ବର୍ଷ ଶାସନରେ କ’ଣ ୫-ଟି ସରକାରରେ ନଥିଲା କି ବୋଲି ପ୍ରଶ୍ନ କରିଥିଲେ । ଏହାକୁ ଅଲଗା ବିଭାଗ କରି ଜଣେ ବ୍ୟକ୍ତିଙ୍କୁ ଦାୟିତ୍ୱ ଦେବା ଠିକ୍‌ ନୁହେଁ । ଏହା ଦ୍ୱାରା ଅନ୍ୟ ବିଭାଗଗୁଡ଼ିକ ଦୁର୍ବଳ ହୋଇଯିବ । ଆଇଏଏସ୍‌ ପ୍ରଶିକ୍ଷଣ ସମୟରେ ୫-ଟି ସମ୍ପର୍କରେ ପାଠ ପଢ଼ାଯାଇ ଥାଏ । ତେଣୁ ଏହାକ ସୁଶାସନ ନୁହେଁ ବରଂ ଏହା ମନ୍ତ୍ରୀ ଓ ସଚିବଙ୍କ ଗାରିମା ଉପରେ ପ୍ରଶ୍ନ ବୋଲି ସେ କହିଥିଲେ । ରାଜ୍ୟ ସରକାରଙ୍କ ଏହି ଯୋଜନା ସୁଶାସନ ଆଣିପାରିବ ବୋଲି ସେ ଭାବୁ ନାହାଁନ୍ତି । 

    Maximum 500 characters

    ରାଜନୀତି ତଡ଼କା View all

    Find Us on Facebook