Tags : school opening

ଭୁବନେଶ୍ୱର : ଡିସେମ୍ବର ୧୫ ପରେ ବିଦ୍ୟାଳୟ ଖୋଲିବା ପାଇଁ ଯୋଜନା କରାଯାଇଛି  । ତେବେ ପ୍ରଥମେ ୯ମରୁ ଦ୍ୱାଦଶ ଶ୍ରେଣୀକୁ ସ୍ୱାଭାବିକ କରିବା ସକାଶେ   ପ୍ରସ୍ତୁତି ହେଉଥିବା ଜାଣିବାକୁ ମିଳିଛି  । ଏନେଇ ବରିଷ୍ଠ ପଦାଧିକାରୀଙ୍କୁ ନେଇ ବୈଠକ କରାଯାଇଛି ।

ଡିସେମ୍ବର ପହିଲାରୁ ମେଡ଼ିକାଲ କଲେଜ ଖୋଲିବ ବୋଲି ସରକାର ଘୋଷଣା କରିସାରିଛନ୍ତି  । ତେବେ ଡିସେମ୍ବର ତୃତୀୟ ସପ୍ତାହରେ ଶିକ୍ଷାନୁଷ୍ଠାନ ଖୋଲିବାକୁ ଯୋଜନା କରାଯାଇଛି  । ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ କମୁଥିବାରୁ ଏଭଳି ଯୋଜନା ହୋଇଛି  । 

ମିଳିଥିବା ସୂଚନା ଅନୁଯାୟୀ, ଚଳିତ ସପ୍ତାହରେ ଏନେଇ ଏକ ଉଚ୍ଚସ୍ତରୀୟ ବୈଠକ ଅନୁଷ୍ଠିତ ହେବ  । ବିଦ୍ୟାଳୟ ଖୋଲିବା ନେଇ ଚୂଡ଼ାନ୍ତ ନିଷ୍ପତି ନିଆଯିବ ବୋଲି ଜାଣିବାକୁ ମିଳିଛି । ଛାତ୍ରଛାତ୍ରୀମାନେ ସେକ୍ସନ ଓ ରୋଲ ନମ୍ବର ଅନୁସାରେ ବିଦ୍ୟାଳୟ ଆସିବେ  । ଯୁଗ୍ମ ଓ ଅଯୁଗ୍ମ ରୋଲ ନମ୍ବରକୁ ନେଇ ପିଲାମାନେ ବିଦ୍ୟାଳୟ ଆସିବେ  । ଏହାଦ୍ୱାରା ସ୍କୁଲରେ ଛାତ୍ରଛାତ୍ରୀଙ୍କ ସଂଖ୍ୟା କମିବା ସହ ସାମାଜିକ ଦୂରତା ମଧ୍ୟ ରଖାଯାଇପାରିବ  ।