Odia Spot News | ଓଡିଆ ସ୍ପଟ୍ ନ୍ୟୁଜ୍
BREAKING NEWS

ରାୟଗଡ଼ା ଜିଲ୍ଲା ଗୁଣପୁର ତହସିଲଦାର ଲକ୍ଷ୍ମୀନାରାୟଣ ସାବତ ନିଲମ୍ବିତ

banner

ଆମ ଭାଷା ଆମ ସାହିତ୍ୟ

ମୁଖ୍ୟ ଖବର

    ଅଷ୍ଟମୀରେ ଭୋଗ ଲାଗେ ସାଗୁ ଖିଚୁଡ଼ି

    Share on :
    ajab-Image
    Date: Oct 7, 2020    Views: 2838

    ଅଧିକାଂଶ ଲୋକ ପୂଜା ଓ ବ୍ରତରେ ସାଗୁ ଖିଚୁଡ଼ି ଖାଇବାକୁ ପସନ୍ଦ କରିଥାନ୍ତି  । ଅଷ୍ଟମୀ ଓଷାରେ ଏହାକୁ ଲୋକ ଅଧିକ ଖାଇବାକୁ ପସନ୍ଦ କରିଥାନ୍ତି  । ସାଗୁରେ ଷ୍ଟାର ମାତ୍ରା ଅଧିକ ମିଳିଥାଏ  । ଫଳରେ ପେଟ ଲମ୍ବା ସମୟ ପର୍ଯ୍ୟନ୍ତ ପୁରିଲା ପରି ଲାଗିଥାଏ  । ଏହାକୁ ଅଳ୍ପ ମସଲାରେ ପ୍ରସ୍ତୁତ କରାଯାଇଥାଏ  । ଯଦ୍ୱାରା ଓଷା ବ୍ରତରେ ଏହାକୁ ଖାଇବାକୁ ଭଲ ଲାଗିଥାଏ  । ତେବେ ଜାଣିବା ଏହାକୁ କିପରି ପ୍ରସ୍ତୁତ କରାଯାଏ  ।

    ଆବଶ୍ୟକୀୟ ସାମଗ୍ରୀ : ସାଗୁ, ଚିନାବାଦାମ, ଭ୍ରୂସଙ୍ଗ ପତ୍ର, ସ୍ୱାଦ ଅନୁସାରେ ଲୁଣ, ଲଙ୍କା ଗୁଣ୍ଡ, କଞ୍ଚା ଲଙ୍କା  । 

    ପ୍ରସ୍ତୁତ ପ୍ରଣାଳୀ : ସାଗୁ ଖିଚୁଡ଼ି ପ୍ରସ୍ତୁତ କରିବା ପାଇଁ ପ୍ରଥମେ ସାଗୁକୁ କିଛି ଘଣ୍ଟା ପାଇଁ ବତୁରାଇ ଦିଅନ୍ତୁ  । ପରେ ଏହାକୁ ଏକ ଛଙ୍କାରେ ଛାଣି ନିଅନ୍ତୁ  । ପରେ ଏହାକୁ ଏକ ମୋଟା କପଡ଼ାରେ ଢ଼ାଳି ଦେଇ ଏକ ଘଣ୍ଟା ପାଇଁ ସାଗୁରୁ ପାଣି ଛାଡ଼ିବା ପାଇଁ ଛାଡ଼ି ଦିଅନ୍ତୁ  । ଏହା ପରେ ସାଗୁ, ଚିନାବାଦାମ, ଲୁଣ ଓ ଲଙ୍କା ଗୁଣ୍ଡକୁ ମିଶାଇ ଦିଅନ୍ତୁ  । ପରେ ଗ୍ୟାସରେ ଏକ ପାତ୍ର ନେଇ ଅଳ୍ପ କିଛି ଘିଅ ଦିଅନ୍ତୁ  । ଘିଅ ଗରମ ହୋଇଗଲେ ସେଥିରେ ଗୋଟା ଜିରା, କଞ୍ଚା ଲଙ୍କା ଓ ଭ୍ରୂସଙ୍ଗ ପତ୍ର ପକାନ୍ତୁ  । ଏହା ଭାଜି ହୋଇଗଲେ ସେଥିରେ ମିଶ୍ରଣ କରାଯାଇଥିବା ସାଗୁକୁ ପକାନ୍ତୁ  । ଏହାକୁ ଧିମା ଆଞ୍ଚରେ କିଛି ସମୟ ଘାଟନ୍ତୁ  । କିଛି ସମୟ ପରେ ଆଞ୍ଚ ବଢ଼ାଇବା ଦିଅନ୍ତୁ  । ସାଗୁ ହୋଇଗଲେ ଏହାକୁ ଅନ୍ୟ ଏକ ପାତ୍ରକୁ ବାହାର କରିଦିଅନ୍ତୁ  । ଏହା ଉପରେ ଲମ୍ବୁ ରସ ଓ କିଛି ଧନିଆ ପାତ୍ର କାଟି ପକାଇ ଦିଅନ୍ତୁ  । ପ୍ରସ୍ତୁତ ହୋଇଗଲା ଆପଣଙ୍କ ଭୋଗ ସାଗୁ ଖିଚୁଡ଼ି  ।

    Maximum 500 characters

    ଆମ ଭାଷା ଆମ ସାହିତ୍ୟ View all

    Find Us on Facebook