Dec 2, 2020
ମୁଖ୍ୟ ଖବର
ମା’ ଡାକ ଶୁଣିବାକୁ ପ୍ରତିଟି ନାରୀର ଇଚ୍ଛା ଥାଏ । ଏଥିପାଇଁ ଗର୍ଭାବସ୍ଥା ସମୟରେ ଖୁବ୍ ସତର୍କତା ଅବଲମ୍ବନ କରି ମା’ଟି ନିଜ ଆଗନ୍ତୁକ ସନ୍ତାନର ସୁସ୍ୱାସ୍ଥ୍ୟ ମନାଶି ନିଜର ଯତ୍ନ ନେଇଥାନ୍ତି । ଯେତେବେଳେ ଜଣେ ସ୍ତ୍ରୀ ଗର୍ଭବତୀ ହୁଅନ୍ତି ତାଙ୍କ ଶରୀରରେ ଅନେକ ପରିବର୍ତ୍ତନ ଦେଖାଯାଏ । ଏଥିପାଇଁ ଗର୍ଭବତୀ ସ୍ତ୍ରୀକୁ ନିଜର ଏବଂ ନିଜ ଗର୍ଭସ୍ଥ ଖୁବ୍ ଧ୍ୟାନ ରଖିବାକୁ ପଡିଥାଏ । କିନ୍ତୁ ବେଳେବେଳେ ଭାଗ୍ୟର ବିଡମ୍ବନା କୁହନ୍ତୁ ଅବା ବେଖାତିର ଦ୍ୱାରା ଗର୍ଭସ୍ଥ ଶିଶୁ ଏବଂ ମା’ ଦୁହିଁଙ୍କୁ ବହୁତ ଅସୁବିଧାର ସାମ୍ନା କରିବାକୁ ପଡେ । ଯାହାଫଳରେ ମା’ ପେଟରେ ହିଁ ଛୁଆଟି ଓଲଟିଯାଏ । ଛୁଆ ପେଟରେ ଓଲଟିଗଲେ କ’ଣ କରାଯିବା ଉଚିତ୍ ତାହା ଅଧିକାଂଶ ମହିଳାଙ୍କୁ ଜ୍ଞାତ ନଥାଏ । ତେଣୁ ଆଜି ଆମେ ଆପଣଙ୍କୁ କହିବାକୁ ଯାଉଛୁ ଯେ ପେଟରେ ଛୁଆ ଅଟଳିଗଲେ କ’ଣ କରିବା ଉଚିତ୍ ।
ଅନେକ ସ୍ତ୍ରୀଙ୍କ କ୍ଷେତ୍ରରେ ଏଭଳି ଅସୁବିଧା ଦେଖାଯାଏ କିନ୍ତୁ ପ୍ରସବ ସମୟ ଆସିଲେ ଛୁଆ ଉଚିତ୍ ସ୍ଥାନରେ ରହିଥାଏ । କିନ୍ତୁ ଯଦି ଡେଲିଭରି ସମୟରେ ବି ଛୁଆ ସିଧା ନ ହୋଇ ଓଲଟା ରହିଥାଏ ତେବେ ସେହି ସମୟରେ କ’ଣ କରାଯିବା ଆବଶ୍ୟକ ତାହା ଜାଣିରଖନ୍ତୁ ।
ଯଦି କୌଣସି ସ୍ତ୍ରୀଙ୍କୁ ଏଭଳି ଅନୁଭବ ହୁଏ ଯେ ତାଙ୍କ ଗର୍ଭସ୍ଥ ସନ୍ତାନ ଓଲଟିଯାଇଛି ତେବେ ଡାକ୍ତରଙ୍କ ପରାମର୍ଶ ନିଅନ୍ତୁ । ଡାକ୍ତର ଯଦି ମେଡିସିନ୍ ଦେଉଛନ୍ତି ତେବେ ଏହା ଖାଆନ୍ତୁ ଏତଦ୍ ବ୍ୟତିତ ବ୍ୟାୟାମ କରନ୍ତୁ । ଡାକ୍ତରଙ୍କ ପରାମର୍ଶ ନେଇ କିଛି ଏଭଳି ବ୍ୟାୟାମ କରନ୍ତୁ ଯାହାଦ୍ୱାରା ପେଟରେ ଥିବା ଛୁଆଟି ପୂର୍ବ ଅବସ୍ଥାକୁ ଫେରିଆସିବ ।
ଏକ୍ସଟରନାଲ୍ ସଫାଲିକ ଭର୍ସନ୍ : ଯଦି ଗର୍ଭବତୀ ସ୍ତ୍ରୀଙ୍କୁ ବ୍ୟାୟାମ କରିବାରେ କଷ୍ଟ ଅନୁଭବ ହେଉଛି ତେବେ ଡାକ୍ତର ତାଙ୍କୁ ଏକ୍ସଟରନାଲ୍ ସଫାଲିକ ଭର୍ସନ୍ ପ୍ରକ୍ରିୟା କରିବାକୁ କହିବେ । ଏହି ପ୍ରକ୍ରିୟାରେ ଡାକ୍ତର ନିଜ ହାତରେ ମହିଳାଙ୍କ ପେଟବାହାରୁ ହିଁ ଛୁଆକୁ ଓଲଟାଇବାକୁ ପ୍ରୟାସ କରନ୍ତି । ଏହି ପ୍ରକ୍ରିୟା ଗର୍ଭାବସ୍ଥାର ଅନ୍ତିମ ସପ୍ତାହରେ ହିଁ କରାଯାଇଥାଏ ।
Comments ସମସ୍ତ ମତାମତ