Tags : police officer

ଲକ୍ଷ୍ନୌ :  ପ୍ରତ୍ୟେକ ବ୍ୟକ୍ତିଙ୍କର କିଛି ନା କିଛି ସ୍ୱତନ୍ତ୍ର ଇଚ୍ଛା ରହିଥାଏ  । କାହାର ଲମ୍ବା ଦାଢ଼ି ରଖିବାକୁ ତ ଇଚ୍ଛା ଥାଏ ଆଉ କିଏ ସ୍ୱାସ୍ଥ୍ୟକୁ ନେଇ ଇଚ୍ଛା  । ମାତ୍ର ଏହି ଇଚ୍ଛା କେବେମଣିଷ ଲାଗି ସମସ୍ୟା ସୃଷ୍ଟି କରିଦେଇଥାଏ  ।  ଜଣେ ସବଇନ୍ସପେକ୍ଟରଙ୍କୁ ଦାଢି ରଖିବା ମହଙ୍ଗା ପଡ଼ିଛି। ଘଟଣାଟି ଘଟିଛି ଉତ୍ତରପ୍ରଦେଶର  ବାଗପତ ରାମାଲା ଥାନାରେ ।   ବିନା ଅନୁମତିରେ ଦାଢ଼ି ରଖିବା ପାଇଁ ପୁଲିସ ସବଇନ୍ସପେକ୍ଟର ଇନ୍ତସାର ଅଲିଙ୍କୁ ଚାକିରିରୁ ନିଲମ୍ବିତ କରାଯାଇଛି। ସୂଚନା ଅନୁସାରେ, ଉତ୍ତର ପ୍ରଦେଶ ବାଗପତ ରାମାଲା ଥାନାରେ ନିୟୋଜିତ ପୁଲିସ ସବଇନ୍ସପେକ୍ଟର ଇନ୍ତସାର ଅଲିଙ୍କୁୁ ଦାଢିକାଟିବାକୁ ବହୁଥର କୁହାଯାଇଥିଲା। ମାତ୍ର ସେ ଏହାକୁ ହେୟଜ୍ଞାନ କରିଥିଲେ। ସେ ଅଧିକ୍ଷକଙ୍କ ଚେତାବନୀକୁ ଅଣଦେଖା କରି ଦାଢ଼ି ରଖିଥିଲେ। ଯେଉଁଥିପାଇଁ ତାଙ୍କ ଉପରେ ଏହି କାର୍ୟ୍ୟାନୁଷ୍ଠାନ ଗ୍ରହଣ କରାଯାଇଛି।