Odia Spot News | ଓଡିଆ ସ୍ପଟ୍ ନ୍ୟୁଜ୍
BREAKING NEWS

ରାୟଗଡ଼ା ଜିଲ୍ଲା ଗୁଣପୁର ତହସିଲଦାର ଲକ୍ଷ୍ମୀନାରାୟଣ ସାବତ ନିଲମ୍ବିତ

banner

ଆମ ଭାଷା ଆମ ସାହିତ୍ୟ

ମୁଖ୍ୟ ଖବର

    ମା’ଙ୍କ ଠାରେ ଲାଗେ ୯ ପ୍ରକାର ଭୋଗ, ଜାଣନ୍ତୁ ସେ ବିଷୟରେ

    Share on :
    ajab-Image
    Date: Oct 8, 2020    Views: 3542

    ନବରାତ୍ରୀ ଆରମ୍ଭ ହେବାକୁ ଆଉ କିଛି ଦିନ ରହିଲା  । ନବରାତ୍ରୀରେ ମା’ ଦୁର୍ଗାଙ୍କ ପୂଜା ଆରଧନା କରାଯିବା ସହିତ ଉପବାସ ମଧ୍ୟ କରାଯାଇଥାଏ  । ନବରାତ୍ରୀରେ ଯେପରି ମା’ଙ୍କର ଭିନ୍ନ ଭିନ୍ନ ରୂପକୁ ପୂଜା କରାଯାଇଥାଏ  । ସେହିପରି ଏହି ୯ ଦିନରେ ମା’ଙ୍କ ଠାରେ ଭିନ୍ନ ଭିନ୍ନ ଭୋଗ ଲଗାଯାଇଥାଏ  । ଧାର୍ମିକ ମତ ଅନୁସାରେ ପ୍ରତ୍ୟେକ ଦିନ ଅନୁସାରେ ଭୋଗ ଲଗାଇଲେ ମା’ଙ୍କର କୃପା ଦୃଷ୍ଟି ରହିଥାଏ  । ଫଳରେ ସମସ୍ତ ସମସ୍ୟା ଦୂର ହୁଏ  । ତେବେ ଜାଣିବା ମା’ଙ୍କ ପାଖରେ କେଉଁ ଦିନ କ’ଣ ଭୋଗ ଲାଗିଥାଏ  ।

    ଦେଶୀ ଘିଅ : ନବରାତ୍ରୀର ପ୍ରଥମ ଦିନରେ ମା’ ଶୈଳପୁତ୍ରୀ ରୂପ ଧାରଣ କରିଥାନ୍ତି  । ଏହି ଦିନ ମା’ଙ୍କ ପାଖରେ ଦେଶୀ ଗାଈ ଘିଅ ଭୋଗ ଆକାରରେ ଲଗାଯାଇଥାଏ  । ମା’ଙ୍କୁ ଘିଅ ଭୋଗ ଅତ୍ୟନ୍ତ ପ୍ରିୟ ହୋଇଥାଏ  । ଏହାକୁ ଭୋଗ କଲେ ମା’ ପ୍ରସନ୍ନ ହୋଇଥାନ୍ତି  ।

    ଚିନି ଭୋଗ : ନବରାତ୍ରୀର ଦ୍ୱିତୀୟ ଦିନରେ ମା’ ବ୍ରହ୍ମଚାରିଣୀ ରୂପ ଧାରଣ କରିଥାନ୍ତି  । ଏହି ଦିନ ମା’ଙ୍କ ଠାରେ ଚିନି ଭୋଗ ଲଗାଯାଇଥାଏ  । ଚିନି ଭୋଗ ମା’ଙ୍କୁ ଲଗାଇବା ପରେ ଏହାକୁ ପରିବାର ସଦସ୍ୟଙ୍କ ମଧ୍ୟରେ ବାଣ୍ଟିଲେ ଆୟୁ ବଢ଼ିଥାଏ  । 

    କ୍ଷୀରରେ ପ୍ରସ୍ତୁତ ଭୋଗ : ନବରାତ୍ରୀର ତୃତୀୟ ଦିନରେ ମା’ ଚନ୍ଦ୍ରଘଣ୍ଟା ରୂପ ଧାରଣ କରିଥାନ୍ତି  । ଏହି ଦିନ କ୍ଷୀରରେ ପ୍ରସ୍ତୁତ ଖିରି କିମ୍ବା ମିଠା ଭୋଗ ଲଗାଯାଇଥାଏ  । ଏହି ଭୋଗ ବ୍ରାହ୍ମଣଙ୍କୁ ଦାନ କଲେ ଶୁଭଫଳ ମିଳେ  । ମା’ଙ୍କୁ କ୍ଷୀରରେ ପ୍ରସ୍ତୁତ ମିଠା ଭୋଗ ଲଗାଇଲେ ସମସ୍ତ ଦୁଃଖ ଦୁର ହୋଇଥାଏ  ।

    ମାଲପୁଆ : ଚତୁର୍ଥ ଦିନ ମା’ କୁଷ୍ମାଣ୍ଡାଙ୍କ ଦିନ  । ଏହି ଦିନ ମା’ଙ୍କୁ ମାଲପୁଆ ଭୋଗ ଲଗାଯାଇଥାଏ  । ମା’ଙ୍କୁ ଏହି ଭୋଗ ଲଗାଇବା ପରେ ଉକ୍ତ ଭୋଗୁ ମନ୍ଦିର ବ୍ରାହ୍ମଣଙ୍କ ମଧ୍ୟରେ ବାଣ୍ଟି ଦିଅନ୍ତୁ  । ଏହା କରିବା ଦ୍ୱାର ବୁଦ୍ଧି ବଢ଼ିଥାଏ  ।

    କଦଳୀ : ପଞ୍ଚମ ଦିନ ମା’ ସ୍କନ୍ଦମାତାଙ୍କ ଠାରେ କଦଳୀ ଭୋଗ ଲଗାଯାଇଥାଏ  । ଏହି ଭୋଗ ଲଗାଇଲେ ପରିବାରରେ କେହି ରୋଗରେ ପଡ଼ନ୍ତି ନାହିଁ  । ସମସ୍ତଙ୍କ ସ୍ୱାସ୍ଥ୍ୟ ଭଲ ରୁହେ  ।

    ମହୁ ଓ ମିଠା ପାନ : ଷଷ୍ଠୀ ଦିନ ମା’ କାତ୍ୟାୟିନୀଙ୍କୁ ମହୁ ଓ ମିଠା ପାନ ଭୋଗ ଲଗାଯାଇଥାଏ  । ଏପରି କଲେ ମାନ ସମ୍ମାନ ମିଳେ  ।

    ଗୁଡ଼ : ସପ୍ତମୀ ଦିନ ମା’ କାଳରାତ୍ରୀଙ୍କୁ ଗୁଡ଼ ଭୋଗ ଅର୍ପଣ କରାଯାଇଥାଏ  । ଏପରି କଲେ ସମସ୍ତ ବିପଦରୁ ମୁକ୍ତି ମିଳେ  ।

    ନଡ଼ିଆ : ଅଷ୍ଟମୀ ଦିନ ମା’ ମହାଗୌରୀଙ୍କୁ ନଡ଼ିଆ ଭୋଗ ଲଗାଯାଇଥାଏ  । ମା’ଙ୍କୁ ନଡ଼ିଆ ବହୁତ ପ୍ରିୟ ହୋଇଥାଏ  । ନଡ଼ିଆ ଭୋଗ ଲଗାଇଲେ ଓ ନଡ଼ିଆ ଦାନ କଲେ ମା’ଙ୍କ କୃପା ସବୁବେଳେ ମିଳିଥାଏ  ।

    ରାଶି ଲଡ଼ୁ : ନବରାତ୍ରୀର ଅନ୍ତିମ ଦିନ ଅର୍ଥାତ ନବମୀ ଦିନ ମା’ ସିଦ୍ଧଦାତ୍ରୀଙ୍କୁ ରାଶିରେ ପ୍ରସ୍ତୁତ ଲଡ଼ୁ ଭୋଗ ଲଗାଯାଇଥାଏ  । ଏପରି କଲେ ସମସ୍ତ ବିପଦକୁ ମା’ ହରଣ କରି ନେଇଥାନ୍ତି  ।

    Maximum 500 characters

    ଆମ ଭାଷା ଆମ ସାହିତ୍ୟ View all

    Find Us on Facebook