Odia Spot News | ଓଡିଆ ସ୍ପଟ୍ ନ୍ୟୁଜ୍
BREAKING NEWS

ରାୟଗଡ଼ା ଜିଲ୍ଲା ଗୁଣପୁର ତହସିଲଦାର ଲକ୍ଷ୍ମୀନାରାୟଣ ସାବତ ନିଲମ୍ବିତ

banner

ସଂସ୍କୃତି

ମୁଖ୍ୟ ଖବର

    ନବ ରୂପରେ ପୂଜା ପାଆନ୍ତି ମା’, ଜାଣନ୍ତୁ ସେ ସ୍ୱରୂପ ବିଷୟରେ

    Share on :
    ajab-Image
    Date: Oct 7, 2020    Views: 3322

    ନବରାତ୍ରୀ ଉତ୍ସବ ପ୍ରତି ବର୍ଷ ଦୁଇଥର ପାଳନ କରାଯାଇଥାଏ  । ହିନ୍ଦୁ ପଞ୍ଜିକା ଅନୁଯାୟୀ ପ୍ରଥମ ନବରାତ୍ରୀ ପୂଜା ଚୈତ୍ର ମାସରେ ପାଳନ କରାଯାଉଥିବା ବେଳେ ଦ୍ୱିତୀୟ ନବରାତ୍ରୀ ପୂଜା ଆଶ୍ୱିନ ମାସରେ ପାଳନ କରାଯାଇଥାଏ  । ନବରାତ୍ରୀର ୯ ଦିନ ପୂଜା ପରେ ୧୦ମ ଦିନକୁ ଦଶହରା ରୂପେ ପାଳନ କରାଯାଇଥାଏ  । ନବରାତ୍ରୀ ପୂଜା ୯ ଦିନ ପର୍ଯ୍ୟନ୍ତ ଚାଲିଥାଏ  । ଏହି ସମୟରେ ମା’ ଦୁର୍ଗାଙ୍କ ୯ ଭିନ୍ନ ଭିନ୍ନ ସ୍ୱରୂପକୁ ପୂଜା କରାଯାଇଥାଏ  । ତେଣୁ ଏହି ଉତ୍ସବର ନାମ ନବରାତ୍ରୀ କୁହାଯାଏ  । ମା’ ଦୁର୍ଗାଙ୍କ ୯ ସ୍ୱରୂପ ବିଷୟରେ ଜାଣିବା ଓ କେଉଁ ଦିନ କେଉଁ ସ୍ୱରୂପକୁ ପୂଜା କରାଯାଏ ତାହା ଜାଣିବା  ।

    ଶୈଳପୁତ୍ରୀ : ନବରାତ୍ରୀର ପ୍ରଥମ ଦିନରେ ମା’ଙ୍କ ଶୈଳପୁତ୍ରୀ ରୂପକୁ ପୂଜା କରାଯାଇଥାଏ  । ମା’ ଶୈଳପୁତ୍ରୀଙ୍କୁ ପାହାଡ଼ର ପୁତ୍ରୀ ବି କୁହାଯାଏ  । ମା’ ଶୈଳପୁତ୍ରୀଙ୍କ ପୂଜାରେ ଆମକୁ ଏକ ପ୍ରକାର ଉର୍ଜା ପ୍ରାପ୍ତ ହୋଇଥାଏ  ।

    ବ୍ରହ୍ମଚାରିଣୀ : ନବରାତ୍ରୀର ଦ୍ୱିତୀୟ ଦିନରେ ମା’ଙ୍କୁ ବ୍ରହ୍ମଚାରିଣୀ ରୂପରେ ପୂଜା କରାଯାଇଥାଏ  । ଏହି ରୂପରେ ମା’ଙ୍କୁ ପୂଜା କରି ମା’ଙ୍କ ଅନନ୍ତ ସ୍ୱରୂପକୁ ଜାଣିବାକୁ ଚେଷ୍ଟା କରିଥାଉ  । 

    ଚନ୍ଦ୍ରଘଣ୍ଟା : ତୃତୀୟ ଦିନରେ ମା’ଙ୍କୁ ଚନ୍ଦ୍ରଘଣ୍ଟା ସ୍ୱରୂପରେ ପୂଜା କରାଯାଇଥାଏ  । ଏହି ସ୍ୱରୂପରେ ମା’ ଚନ୍ଦ୍ରମା ପରି ଚମକି ଥାନ୍ତି  । ମା’ଙ୍କ ଏହି ସ୍ୱରୂପରେ ପୂଜା ଅର୍ଚ୍ଚନା କଲେ ମନର ଦ୍ୱେଷ, ଘୃଣା ଓ ନକାରାତ୍ମକ ଶକ୍ତି ଦୂର ହୁଏ  । 

    କୁଷ୍ମାଣ୍ଡା : ଚତୁର୍ଥ ଦିନରେ ମା’ଙ୍କ କୁଷ୍ମାଣ୍ଡା ରୂପକୁ ପୂଜା କରାଯାଇଥାଏ  । ମା’ଙ୍କ ଏପରି ସ୍ୱରୂପକୁ ପୂଜା କରିବା ଦ୍ୱାରା ମସ୍ତିଷ୍କର ଚିନ୍ତା କରିବାର ଶକ୍ତି ବଢେ଼  । ଜୀବନରେ ଉନ୍ନତି ମିଳେ  ।

    ସ୍କନ୍ଦମାତା : ପଞ୍ଚମ ଦିନରେ ମା’ଙ୍କ ସ୍କନ୍ଦମାତା ସ୍ୱରୂପକୁ ପୂଜାର୍ଚ୍ଚନା କରାଯାଇଥାଏ  । ସ୍କନ୍ଦମାତାଙ୍କୁ ଭଗବାନ କାର୍ତ୍ତିକେୟଙ୍କ ମାତା ମଧ୍ୟ କୁହାଯାଏ  । ଏହି ପୂଜା କରିବା ଦ୍ୱାରା ଆମର ବ୍ୟବହାରିକ ଜ୍ଞାନ ବଢେ଼  । 

    କାତ୍ୟାୟନି : ଷଷ୍ଠୀ ଦିନ ମା’ଙ୍କ କାତ୍ୟାୟନି ସ୍ୱରୂପକୁ ପୂଜା କରାଯାଇଥାଏ  । ମା’ଙ୍କ ଏହି ସ୍ୱରୂପକୁ ପୂଜା କଲେ ନକାରାତ୍ମକ ଶକ୍ତି ନଷ୍ଟ ହୋଇଥାଏ  । ମା’ଙ୍କ ଆର୍ଶୀବାଦରେ ସକରାତ୍ମକ ମାର୍ଗରେ ଆମେ ଚାଲିବାକୁ ଲାଗୁ  ।

    କାଳରାତ୍ରୀ : ସପ୍ତମୀ ଦିନ ମା’ଙ୍କ କାଳରାତ୍ରୀ ରୂପକୁ ପୂଜା କରାଯାଇଥାଏ  । କାଳରାତ୍ରୀ ରୂପରେ ମା’ଙ୍କୁ କାଳକୁ ବଧ କରିବା ଦେବୀ ରୂପରେ ପୂଜା କରାଯାଇଥାଏ  । ଏହି ପୂଜା କରିବା ଦ୍ୱାରା ଯଶ ଓ ବୈଭବ ମିଳେ  । 

    ମହାଗୌରୀ : ଅଷ୍ଟମୀ ଦିନ ମା’ଙ୍କୁ ମହାଗୌରୀ ରୂପରେ ପୂଜା କରାଯାଇଥାଏ  । ମା’ ମହାଗୌରୀଙ୍କୁ ଧଳା ରଙ୍ଗର ଦେବୀ ରୂପେ ପୂଜା କରାଯାଇଥାଏ  । ଏହି ପୂଜା କଲେ ସମସ୍ତ ମନୋକାମନା ପୂରଣ ହୋଇଥାଏ  ।

    ସିଦ୍ଧିଦାତ୍ରୀ : ନବରାତ୍ରୀ ତଥା ନବମୀ ଦିନ ମା’ଙ୍କ ସିଦ୍ଧିଦାତ୍ରୀ ରୂପକୁ ପୂଜା କରାଯାଇଥାଏ  । ଏହି ପୂଜା କରିବା ଦ୍ୱାରା ଆମ ଭିତରେ ଏପରି କ୍ଷମତା ଉପôନ୍ନ ହୋଇଥାଏ ଯାହା ଫଳରେ ଆମେ ସମସ୍ତ କାର୍ଯ୍ୟ ସହଜରେ ପୂର୍ଣ୍ଣ କରିଦେଇଥାନ୍ତି  ।

    Maximum 500 characters

    ସଂସ୍କୃତି View all

    Find Us on Facebook