Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ରାଜନୀତି ତଡ଼କା

ମୁଖ୍ୟ ଖବର

    ବିଧାନସଭା ଇତିହାସର ଅମାବାସ୍ୟାର ଦିନ: ନରସିଂହ

    Share on :
    ajab-Image
    Date: Oct 6, 2020    Views: 5119

    ଭୁବନେଶ୍ୱର:   ଆଜିର ଦିନ ବିଧାନସଭା ଇତିହାସର ଅମାବାସ୍ୟାର ଦିନ ବୋଲି କଂଗ୍ରେସ ବିଧାୟକ ନରସିଂହ ମିଶ୍ର କହିଛନ୍ତି । ବିଶ୍ୱବିଦ୍ୟାଳୟ ସଂଶୋଧନ ବିଲ ପାସ ପ୍ରସଙ୍ଗରେ  ନିଜର ପ୍ରତିକ୍ରିୟା ରଖି ଶ୍ରୀ ମିଶ୍ର ଏହା କହିଛନ୍ତି ।  ସେ କହିଛନ୍ତି ଯେ, ଆଜିର ଦିନ ଏକ କଳା ଦିନ । ଏହି ଆଇନ ଏକ କଳା ଆଇନ ହେବ ।  ନୂଆ ବିଲ ଦ୍ୱାରା ବିଶ୍ୱବିଦ୍ୟାଳୟର ଅଟୋନୋମି ନଷ୍ଟ ହେବ ବୋଲି ନରସିଂହ ମିଶ୍ର କହିଛନ୍ତି । 
    ପ୍ରକାଶ ଯେ, ମଙ୍ଗଳବାର ବିଧାନସଭାରେ ବିଶ୍ୱବିଦ୍ୟାଳୟ ସଂଶୋଧନ ବିଲ -୨୦୨୦ ପାରିତ ହୋଇଛି ।  ବିରୋଧୀଙ୍କ ହୋହାଲ୍ଲା ଭିତରେ ବିଲ ପାରିତ ହୋଇଯାଇଛି ।  ୪ ଦିନର ଆଲୋଚନା ପରେ ଆଜି ବିଶ୍ୱବିଦ୍ୟାଳୟ ସଂଶୋଧନ ବିଲ -୨୦୨୦  ଗୃହରେ ପାରିତ ହୋଇଯାଇଛି ।  ତେବେ  ଉକ୍ତ ବିଲକୁ କଳା ଆଇନ କହି କଂଗ୍ରେସ ବିଧାୟକ ନରସିଂହ ମିଶ୍ର ବିରୋଧ କରିଛନ୍ତି ।  ଅନ୍ୟପକ୍ଷରେ ଆଜିର ଆଲୋଚନାରେ ବିଜେପି ଭାଗ ନେଇନଥିଲେ । 

    ଏହା ପୂର୍ବରୁ  ବିଶ୍ୱବିଦ୍ୟାଳୟ ସଂଶୋଧନ ବିଲକୁ ନେଇ ଆଜି ଗୃହରେ ନିଜର ବିବୃତି ରଖିବା ଅବସରରେ ମନ୍ତ୍ରୀ ଶ୍ରୀ ସାହୁ କହିଥିଲେ  ଯେ, ଅନ୍ୟ ରାଜ୍ୟରେ ଭିସି ଚୟନରେ ସରକାର ହସ୍ତକ୍ଷେପ କରୁଛନ୍ତି । କିନ୍ତୁ ଓଡ଼ିଶାରେ ନିରପେକ୍ଷତା ଓ  ସ୍ୱଚ୍ଛତାରେ ଭିସି ଚୟନ ହୋଇଥାଏ । ନିଯୁକ୍ତି ରାଜ୍ୟପାଳ କରନ୍ତି, ସ୍ୱାୟତ୍ତତା ନଷ୍ଟ ହେଉନାହିଁ ।  ଅଧ୍ୟାପକ ନିଯୁକ୍ତି ଓପିଏସସି ଦ୍ୱାରା କରିବାକୁ ରାଜ୍ୟପାଳ ପ୍ରସ୍ତାବ ଦେଇଥିଲେ ।  ସଂଶୋଧିତ ବିଲରେ ସିନେଟର ଉଚ୍ଛେଦ ଓ ସିଣ୍ଡିକେଟକୁ ମଜଭୂତ କରାଯାଇଛି ।  ଜାତୀୟ ଶିକ୍ଷା ନୀତିକୁ ଅଧିକ ତର୍ଜମା ପାଇଁ କମିଟି ଗଠନ କରାଯାଇଛି ବୋଲି    ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ କହିଥିଲେ । 

    Maximum 500 characters

    ରାଜନୀତି ତଡ଼କା View all

    Find Us on Facebook