Odia Spot News | ଓଡିଆ ସ୍ପଟ୍ ନ୍ୟୁଜ୍
BREAKING NEWS

ଗ୍ରୁପ-୩ କର୍ମଚାରୀଙ୍କ ପଦୋନ୍ନତି ପାଇଁ ସିସିଆର ଦରକାର ପଡ଼ିବନି: ମୁଖ୍ୟ ଶାସନ ସଚିବ

banner

ରାଜନୀତି ତଡ଼କା

ମୁଖ୍ୟ ଖବର

    ବିରୋଧୀଙ୍କୁ ଏମିତି କହିଲେ ମୋଦି

    Share on :
    ajab-Image
    Date: Feb 6, 2020    Views: 3443

    ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ବିରୋଧୀଙ୍କୁ କଡ଼ା ଭାଷାରେ ସମାଲୋଚନା କରିଛନ୍ତି ।  ଲୋକସଭାରେ  ରାଷ୍ଟ୍ରପତିଙ୍କୁ ଧନ୍ୟବାଦ ଦେବା ଅବସରରେ ମୋଦି ନିଜ ବକ୍ତବ୍ୟ ରଖିବା ସହ ବିଭିନ୍ନ ପ୍ରସଙ୍ଗରେ ବିରୋଧୀଙ୍କୁ ସମାଲୋଚନା କରିଛନ୍ତି । 

    ସେ କହିଛନ୍ତି ଯେ,  ଯଦି ଆପଣଙ୍କ ହିସାବରେ ଯାଇଥାନ୍ତୁ ତେବେ ଆଜି ବି ତିନି ତଲାକ ଡରାଉଥାନ୍ତା ।  ଆପଣଙ୍କ ହିସାବରେ ଯାଇଥିଲେ ଦୁଷ୍କର୍ମୀଙ୍କୁ ଫାଶି ଓ ରାମ ମନ୍ଦିର ସ୍ୱପ୍ନ ହୋଇଥାନ୍ତା ।  କଂଗ୍ରେସ ଭଳି କାମ କରିଥିଲେ କାଶ୍ମୀରରୁ କେବେ ବି ୩୭୦ ହଟି ନଥାନ୍ତା ।  ଆମେ ହିମ୍ମତ ଦେଖାଇନଥିଲେ, ଦେଶକୁ ଅନେକ ସମସ୍ୟା ଯୁଝିବାକୁ ପଡ଼ିଥାନ୍ତା ।  କଂଗ୍ରେସ ଭଳି ଶାସନ କରିଥିଲେ, ଦେଶ ସେମିତି ପଛରେ ପଡ଼ି ରହିଥାନ୍ତା ।  ସରକାରଙ୍କ ଗତି ବଢିନଥିଲେ ୩୬କୋଟି ଲୋକଙ୍କ ବ୍ୟାଙ୍କ ଖାତା ଖୋଲିନଥାନ୍ତା ।  ଗତି ବଢିନଥିଲେ ୧୩ କୋଟି ଗରିବଙ୍କ ଘରେ ଗ୍ୟାସ ଚୁଲା ପହଞ୍ଚିନଥାନ୍ତା ।  

    ସେହିପରି ଗାନ୍ଧିଜୀଙ୍କ ପ୍ରସଙ୍ଗରେ ମୋଦି କଂଗ୍ରେସକୁ କଡ଼ା ସମାଲୋଚନା କରିଛନ୍ତି ।  ଗାନ୍ଧିଜୀ ଆପଣଙ୍କ  ପାଇଁ ଟ୍ରେଲର ହୋଇପାରନ୍ତି, କିନ୍ତୁ ଆମ ପାଇଁ ଜୀବନ ବୋଲି ମୋଦି କହିଛନ୍ତି । 
    ସେହିପରି କୃଷି ଓ କୃଷଙ୍କ ଉନ୍ନତି ପାଇଁ ଆମେ ସଦାସର୍ବଦା ଚେଷ୍ଟା କରିଆସିଛୁ ବୋଲି ମୋଦି କହିଛନ୍ତି ।  ସେ କହିଛନ୍ତି ଯେ, ଆମ ପୂର୍ବରୁ କୃଷି ପାଇଁ ବଜେଟ ବ୍ୟୟବରାଦ ୨୭ ହଜାର କୋଟି ଥିଲା ।  ଏବେ କୃଷି ବ୍ୟୟବରାଦ ୫ ଗୁଣ ବଢି ଦେଢ ଲକ୍ଷ କୋଟିରେ ପହଞ୍ଚିଛି ।  ପିଏମ କିଷାନ ଯୋଜନାରେ ଚାଷୀଙ୍କୁ ଖାତାକୁ ୪୫ ହଜାର କୋଟି ଦିଆଯାଇଛି ।  କିଛି ରାଜ୍ୟ ଏଯାଏଁ ପିଏମ କିଷାନ ପାଇଁ ଚାଷୀଙ୍କ ତାଲିକା ଦେଇନାହାନ୍ତି ।  ତେବେ ସେମାନେ କାହିଁକି ଦେଉନାହାନ୍ତି ଓ ଚାଷୀଙ୍କୁ ହକ ପାଇବାରୁ ସେମାନେ କାହିଁକି ବଞ୍ଚିତ କରୁଛନ୍ତି  ବୋଲି ମୋଦି ପ୍ରଶ୍ନ କରିଛନ୍ତି । 

    ଆମର ଲକ୍ଷ୍ୟ ଅଧିକ ନିବେଶ, ଅଧିକ ନିଯୁକ୍ତି ସୁଯୋଗ ସୃଷ୍ଟି କରିବା ।  ମୁଦ୍ରା, ଷ୍ଟାର୍ଟଅପ, ଷ୍ଟାଣ୍ଡଅପ ଯୋଜନା ଅନେକଙ୍କୁ ସ୍ୱାବଲମ୍ବୀ କରିଛି ବୋଲି ମୋଦି କହିଛନ୍ତି ।

    Maximum 500 characters

    ରାଜନୀତି ତଡ଼କା View all

    Find Us on Facebook