Tags : LION

ରାଜକୋଟ: ପ୍ରେମିକାକୁ ଭେଟିବାକୁ ପ୍ରେମିକ କେତେ ବାଟ ଯାଇପାରିବ? କୁହାଯାଏ ଆବଶ୍ୟକ ପଡ଼ିଲେ ପ୍ରେମିକ ଜଣକ ସାତ ସମୁଦ୍ର ପାରି ହେବାକୁ ପଛାଇ ନଥାଏ । ହେଲେ ଗୋଟିଏ ସିଂହ ନିଜର ପ୍ରେମିକା ସିଂହୀକୁ ଭେଟିବାକୁ ୬୦ କି.ମି ଯାତ୍ରା କରୁଥିବା ଶୁଣିଲେ ଆଶ୍ଚର୍ଯ୍ୟ ଲାଗିବ । କିନ୍ତୁ ଏହା ସତ । ସିଂହଟି ଗତ ୧ ବର୍ଷ ହେଲା ପ୍ରତି ୧୫ ଦିନରେ ଥରେ ପ୍ରେମିକାକୁ ଭେଟିବାକୁ ଯାଉଛି । ଏଭଳି ଏକ ଘଟଣା ଦେଖିବାକୁ ମତିଛି ଗୁଜରାଟର ଆମ୍ରେଲି ଜିଲ୍ଲାରେ । ରାଜୁଲା ନିକଟସ୍ଥ ଡୁଙ୍ଗର ଗ୍ରାମ ଜଙ୍ଗଲରୁ ଏହି ସିଂହଟି ନିଜର ୩ ଜଣ ସାଥୀ ସିଂହଙ୍କ ସହିତ ବାହାରି ୬୦ କି.ମି ଦୂର ସଭରକୁଣ୍ଡଲା ନିକଟ ଅମ୍ବରଡ଼ି ଜଙ୍ଗଲକୁ ଯାଉଛି ଓ ସେଠାରେ ସିଂହୀ ସହିତ ବେଶ୍ କିଛି ଘଣ୍ଟା ବିତାଇବା ପରେ ପୁଣି ସେଠାରୁ ନିଜ ସାଥୀଙ୍କ ସହ ଫେରି ଆସୁଛି । ସବୁଠାରୁ ଆଶ୍ଚର୍ଯ୍ୟର କଥା ହେଉଛି ଏହି ସିଂହଟି ସିଂହୀ ସହିତ ସମୟ ବିତାଇବା ବେଳେ ତାର ଅନ୍ୟ ୩ ଜଣ ସାଥୀ ସିଂହ ତାକୁ ଆଦୌ ଏଥିରେ ବାଧା ଦେଉନାହାନ୍ତି । ଏହି ୪ଟି ଯାକ ସିଂହଙ୍କର ବୟସ ୪-୫ ବର୍ଷ ହେବ । ସେତରୁଞ୍ଜି ରେଞ୍ଜର ଉପଜଙ୍ଗଲ ସଂରକ୍ଷକ ସନ୍ଦୀପ କୁମାର କହିଛନ୍ତି ୪ଟି ଯାକ ସିଂହଙ୍କ ମଧ୍ୟରେ ଉତ୍ତମ ବନ୍ଧୁତା ରହିଛି । ଏମାନେ ପ୍ରଥମେ ଗିର ଅଭ୍ୟୟାରଣ୍ୟର ପୂର୍ବାଞ୍ଚଳ ଧରି ରେଞ୍ଜର ପତଡ଼ା ଜଙ୍ଗଲରେ ରହୁଥିଲେ । କିନ୍ତୁ ପ୍ରାୟ ୧ ବର୍ଷ ହେବ ଏମାନେ ଡୁଙ୍ଗରକୁ ଚାଲି ଆସିଛନ୍ତି । ସ୍ଥାନୀୟ ଅଞ୍ଚଳର ଲୋକମାନେ ଏହି ସିଂହକୁ ୧ ବର୍ଷ ହେବ ସେଠାରେ ଦେଖୁଛନ୍ତି । ଏହି ସିଂହଙ୍କ ପ୍ରଭାବ ଭାବନଗର ଜିଲ୍ଲା ମହୁଆ ଉପକୂଳ ପର୍ଯ୍ୟନ୍ତ ଅର୍ଥାତ ୨୦୦ ବର୍ଗ କି.ମି ଅଞ୍ଚଳରେ ରହିଛି ବୋଲି ବନ୍ୟପ୍ରାଣୀ ସଂରକ୍ଷକ ହିମାଂଶୁ ଭଟ୍ଟ କହିଛନ୍ତି ।ଈ