ନୂଆଦିଲ୍ଲୀ: ମୌସୁମୀ ଅଧିବେଶନ ଆରମ୍ଭରୁ ବଲିଉଡ଼ର ଡ୍ରଗ୍ସ ଲିଙ୍କ ମାମଲାଟି ଏପରି ଆଲୋଚନା ଚାଲିଛି ଯେ ଏହାକୁ ନେଇ ପ୍ରତିଦିନ ନୂଆ ନୂଆ ତଥ୍ୟ ସାମନାକୁ ଆସିଛି  । ପ୍ରଥମେ ବିଜେପି ସାଂସଦ ରବିକିଶନ ବଲିଉଡ଼ ଡ୍ରଗ୍ସ ମାମଲାରେ କଡା କାର୍ଯ୍ୟାନୁଷ୍ଠାନ ନେବା  ପ୍ରସଙ୍ଗ ଉଠାଇବା ପରେ ସମାଜପାର୍ଟି ସାଂସଦ ଜୟା ବଚ୍ଚନ ଏହାକୁ ବିରୋଧି କରି କହିଥିଲେ ଯେଉଁ ପତ୍ରରେ ଖାଉଛ ସେଥିରେ କଣା କରିବା ଉଚିତ୍ ନୁହେଁ  । ଯାହାକୁ ସମର୍ଥ କରିଛନ୍ତି ବଲିଉଡର ନାମୀ କଳାକାର ହେମାମାଲିନୀ  । ସେ କହିଛନ୍ତି ଯେ ଏହି ବଲିଉଡ଼ ଆମକୁ ନାଁ, ସମ୍ମାନ, ପଇସା ସବୁକିଛି ଦେଇଛି ଏହାକୁ ବାଦ୍ ଦେଲେ ପ୍ରଚୁର ଭଲପାଇବା ମଧ୍ୟ ପାଇପାରିଛୁ  । ତେଣୁ ବଲିଉଡ଼କୁ ଏପରି ଟାର୍ଗେଟ କରୁଥିବା ଲୋକଙ୍କ କଦର୍ଯ୍ୟ ଭାଷାକୁ ସେ ଆଦୌ ସହିପାରୁନାହାନ୍ତି  । କାରଣ ଏପରି ଲୋକ ବଲିଉଡ଼କୁ କଳାକନା ବୁଲାଇ ସବୁଦିନ ଲାଗି ବନ୍ଦ କରିଦେବାକୁ ଚାହୁଁଛନ୍ତି  । ବଲିଉଡ଼ ଏକ ସୁନ୍ଦର ପରିବେଶ, କଳାର ଗନ୍ତାଘର  । ତେଣୁ ଏହାକୁ ସମ୍ମାନ ଦିଆଯିବା ଉଚିତ । 

ସେହିପରି ଶିବସେନା ମୁଖ୍ୟ ଜୟାଙ୍କୁ ସମର୍ଥନ କରି କହିଛନ୍ତି ଯେଉଁମାନେ ବଲିଉଡ଼କୁ ସମାଲୋଚନା କରୁଛନ୍ତି ଡ୍ରଗ୍ସ ମାମଲାକୁ ନେଇ ନର୍କ ସହିତ ତୁଳନା କରିବାକୁ ପଛାଉନାହାନ୍ତି ସେମାନେ ପ୍ରଥମେ ନିଜକୁ ଦେଖନ୍ତୁ । କାରଣ ଜୟା ସବୁବେଳେ ସାମଜିକ ଓ ରାଜନୈତିକ ହିତ ଲାଗି ପ୍ରସଙ୍ଗ ଉଠାଇ ଥାଆନ୍ତି  । ତେଣୁ ଫିଲ୍ମ ଇଣ୍ଡଷ୍ଟ୍ରି ଗଙ୍ଗା ପରି ପବିତ୍ର  । ଯେଉଁମାନେ ଏହାକୁ ବିରୋଧ କରି ନାରାବାଜି ଚଲାଉଛନ୍ତି ସେମାନ ନିଜର ସମ୍ମାନ ହରାଉଛନ୍ତି  । ସୂଚନାଯାୟୀ ମଙ୍ଗଳବାର ଲୋକସଭାରେ ସାଂସଦ ଜୟା ଏହି ପ୍ରସଙ୍ଗ ଉଠାଇବା  ପରେ କଙ୍ଗନା ଲଗାତାର ଟ୍ୱିଟ କରି ଜୟାଙ୍କୁ ଟାର୍ଗେଟ କରିଥିଲେ । ସେ କହିଥିଲେ ଜୟା ମାମ ଯଦି ମୋ ସ୍ଥାନରେ ଆପଣଙ୍କ ପୁଅ କି ଝିଅ ଏପରି କାର୍ଯ୍ୟରେ ଫଶି ରହିଥାନ୍ତେ ଆପଣ କ’ଣ ଏପରି ମନ୍ତବ୍ୟ ଦେଇଥାନ୍ତେ  ।