Tags : Maoist

ରାୟପୁର : ମାଓବାଦୀମାନେ ପଣବନ୍ଦୀ କରି ରଖିଥିବା ସିଆରପିଏଫ ଯବାନ ରାକେଶ୍ୱର ସିଂହଙ୍କୁ ଛାଡ଼ିଦେଇଛନ୍ତି  । ଆଜି ସଂଧ୍ୟା ପ୍ରାୟ ୫ଟା ବେଳେ ତାଙ୍କୁ ଜଙ୍ଗଲରେ ଛାଡ଼ି ଦିଆଯାଇଥିଲା  । ପରେ ସେଠାରୁ ତାଙ୍କୁ ଟେରେମ କ୍ୟାମ୍ପକୁ ଅଣାଯାଇଥିବା ନେଇ ସିଆରପିଏଫ ପକ୍ଷରୁ ସୂଚନା ଦିଆଯାଇଛି  ।

ଛତିଶଗଡ଼ରେ ମାଓବାଦୀ ଓ ସିଆରପିଏଫ ଯବାନ ମୁହାଁମୁହିଁ ହୋଇଥିଲେ  । ଫଳରେ ୨୧ ଯବାନ ସହିଦ ମଧ୍ୟ ହୋଇଛନ୍ତି । ତେବେ ମାଓବାଦୀମାନେ ଯବାନ ଶ୍ରୀ ସିଂହଙ୍କୁ ନିଜ ସାଥିରେ ଜଙ୍ଗଲ ଭିତରକୁ ନେଇଯାଇଥିଲେ । ପରେ ସେମାନେ ପଣବନ୍ଦୀ କରି ରଖିଥିବା ନେଇ ସ୍ୱୀକାର କରିବା ସହ ତାଙ୍କର ଫଟୋଗ୍ରାଫ ବି ଜାରି କରିଥିଲେ  । ଅପରପକ୍ଷରେ ତାଙ୍କ ପରିବାର ଲୋକେ ତାଙ୍କୁ ଛାଡ଼ିଦେବା ପାଇଁ ମାଓବାଦୀଙ୍କୁ ନିବେଦନ କରିବା ସହ ପ୍ରଧାନମନ୍ତ୍ରୀ ଓ ଛତିଶଗଡ଼ ମୁଖ୍ୟମନ୍ତ୍ରୀ ଏନେଇ ପଦକ୍ଷେପ ଗ୍ରହଣ କରିବାକୁ ଅନୁରୋଧ କରିଥିଲେ  । 

ସେ ମୁକ୍ତ ହେବା ପରେ ତାଙ୍କ ପନôୀ ମୀନୁ ସରକାରଙ୍କୁ କୃତଜ୍ଞତା ଜଣାଇଛନ୍ତି  । ଏହା ତାଙ୍କ ଜୀବନର ସବୁଠାରୁ ଆନନ୍ଦମୟ ଦିନ  । ସେ ସବୁଦିନ ଏହାକୁ ମନେରଖିବେ ବୋଲି କହିଛନ୍ତି ।