Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ଖେଳ ଖବର

ମୁଖ୍ୟ ଖବର

    ହକି: ଭାରତୀୟ ମହିଳାଙ୍କ ରାସ୍ତାରେ ଆମେରିକା କଣ୍ଟା

    Share on :
    ajab-Image
    Date: Nov 1, 2019    Views: 496

    ଭୁବନେଶ୍ୱର: କଳିଙ୍ଗ ଷ୍ଟାଡିୟମରେ ଆଉ ମାତ୍ର ଗୋଟିଏ ଦିନ ପରେ ଅଲମ୍ପିକସ୍ ଯୋଗ୍ୟତା ହକି ମ୍ୟାଚ ଖେଳାଯିବ । ଏଫ୍ଆଇଏଚ୍ ହକି ସିରିଜ ଫାଇନାଲସ ଚମ୍ପିଆନ ଭାରତ ନିଜ ଘରୋଇ ପଡ଼ିଆରେ ଉକ୍ତ ମ୍ୟାଚ୍ ଖେଳିବ । ଭାରତୀୟ ପୁରୁଷ ଦଳ ରୁଷିଆ ଓ ମହିଳା ଦଳ ଆମେରିକା ବିପକ୍ଷରେ ଖେଳିବେ । ଏଥିରୁ ଶ୍ରେଷ୍ଠ ଦଳ ୨୦୨୦ ଟୋକିଓ ଅଲିମ୍ପିକସ ଯୋଗ୍ୟତା ହାସଲ କରିବେ । ଏଥିପାଇଁ ସମସ୍ତ ଦଳ ଜୋରଦାର ଅଭ୍ୟାସ ଚଳାଇଛନ୍ତି । ଭାରତୀୟ ପୁରୁଷ ଦଳ ରୁଷିଆ ବିପକ୍ଷରେ ମ୍ୟାଚ୍ ଖେଳିବା ନେଇ ପ୍ରଶିକ୍ଷକ ଗ୍ରାହାମ ରିଡ୍ଙ୍କ ନେତୃତ୍ୱରେ ସ୍ୱତନ୍ତ୍ର ରଣନୀତି ସହ ଅଭ୍ୟାସ ଚଳାଇଛନ୍ତି ।

    ଏଫଆଇଏଚ ମାନ୍ୟତାରେ ଭାରତ ୫ମ ସ୍ଥାନରେ ଥିବା ବେଳେ ରୁଷିଆ ୨୨ତମ ସ୍ଥାନରେ ରହିଛି । ଉଭୟ ଦଳ ଅଲିମ୍ପିକସ ଯୋଗ୍ୟତା ହାସଲ ନେଇ ଦୃଢ଼ ଆଶାବାଦୀ ଅଛନ୍ତି । ଭାରତୀୟ ପୁରୁଷ ଦଳ ରୁଷିଆକୁ ସହଜରେ ପରାସ୍ତ କରି ଅଲିମ୍ପିକସ ଯୋଗ୍ୟତା ହାସଲ ନେଇ ଆଶା କରାଯାଉଥିବା ବେଳେ ମହିଳା ଦଳ ପାଇଁ ଆମେରିକା କଣ୍ଟା ସାଜିଛି । ଗତ ଜୁନ୍ରେ କଳିଙ୍ଗ ଷ୍ଟାଡିୟମରେ ଖେଳା ଯାଇଥିବା ଏଫଆଇଏଚ୍ ହକି ସିରିଜ ଫାଇନାଲର ଲିଗ୍ ମ୍ୟାଚ୍ରେ ଭାରତୀୟ ପୁରୁଷ ଦଳ ଓ ୧୦-୦ ଗୋଲରେ ରୁଷିଆକୁ ପରାସ୍ତ କରିଥିଲେ । ବର୍ତ୍ତମାନ ମନପ୍ରୀତ ସିଂହଙ୍କ ଦଳ ଭଲ ପ୍ରଦର୍ଶନ କରୁଥିବାରୁ ରୁଷିଆକୁ ପରାସ୍ତ କରିବା ଦଳ ପାଇଁ ସେଭଳି କଷ୍ଟକର ହେବ ନାହିଁ । ନିକଟରେ ଭାରତୀୟ ଦଳ ବେଲଜିୟମ ଓ ସ୍ପେନ ବିପକ୍ଷରେ ଚମକ୍ରାର ପ୍ରଦର୍ଶନ କରି ଅଲିମ୍ପିକସ ଯୋଗ୍ୟତା ମ୍ୟାଚ୍ ଲାଗି ମନୋବଳ ବୃଦ୍ଧି କରିଥିବାରୁ ସୁଦୃଢ଼ ରୁଷିଆ ଦୁର୍ଗକୁ ଭେଦ କରିବା ପାଇଁ ଭାରତ ପାଇଁ ସେଭଳି କଷ୍ଟକର ହେବ ନାହିଁ । ଅନ୍ୟ ପକ୍ଷରେ ଭାରତୀୟ ମହିଳା ଦଳ ପାଇଁ ଅଲିମ୍ପିକସ ଯୋଗ୍ୟତା ହାସଲ କରିବା ଏତେ ସହଜ ହେବ ନାହିଁ । ଭାରତ ଏଫଆଇଏଚ ମାନ୍ୟତାର ୯ ଓ ଆମେରିକା ୧୩ତମ ସ୍ଥାନରେ ଅଛନ୍ତି । ଉଭୟ ଦଳଙ୍କର ବିଶ୍ୱ ହକିରେ ସ୍ୱତନ୍ତ୍ର ମାନ୍ୟତା ରହିଛି । ଭାରତକୁ ଅଲିମ୍ପିକସ ଯୋଗ୍ୟତା ହାସଲ ପାଇଁ ଆମେରିକାକୁ ପରାସ୍ତ କରିବାକୁ ପଡ଼ିବ । ଆମେରିକା ମଧ୍ୟ ଭାରତକୁ ସହଜରେ ଯୋଗ୍ୟତା ହାସଲ ନେଇ ଦୃଢ଼ ଆଶାବାଦୀ ଥିବା ବେଳେ ଭାରତକୁ କଡ଼ା ଟକ୍କରର ସମ୍ମୁଖୀନ ହେବାକୁ ପଡ଼ିବ । ସେହିପରି ରାଣୀ ରାମପାଲଙ୍କ ନେତୃତ୍ୱରେ ବିଦେଶୀ ପ୍ରଶିକ୍ଷକ ସୋଏଡ ମାରିଏନେଙ୍କ ପ୍ରଶିକ୍ଷଣ ପ୍ରାପ୍ତ ଭାରତ କ୍ରମାଗତ ୨ୟ ଥର ଅଲିମ୍ପିକସ ଯୋଗ୍ୟତା ହାସଲ ଲକ୍ଷ୍ୟରେ ରହିଛି । ଉଭୟ ଭାରତୀୟ ପୁରୁଷ ଓ ମହିଳା ଦଳଙ୍କ ସହ ଭ୍ରମଣକାରୀ ଆମେରିକା ଓ ରୁଷିଆ ଦଳ ମଧ୍ୟ ଜୋରଦାର ଅଭ୍ୟାସ ଚଳାଇଛନ୍ତି ।

    Maximum 500 characters

    ଖେଳ ଖବର View all

    Find Us on Facebook