Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ବିଶେଷ

ମୁଖ୍ୟ ଖବର

    ସୁଖମୟ ଦାମ୍ପତ୍ୟ ଜୀବନ ଚାହୁଁଛନ୍ତି କି, ଏ ଦିଗ ପ୍ରତି ଦୃଷ୍ଟି ଦିଅନ୍ତୁ

    Share on :
    ajab-Image
    Date: Nov 21, 2020    Views: 3028

    ଯଦି ନାରୀଟିଏ ନିଜ ହାତରେ ସବୁଜ ରଙ୍ଗର ଛୁଡ଼ି ପିନ୍ଧେ, ତେବେ ଦାମ୍ପତ୍ୟ ଜୀବନରେ ଭଲ ପାଇବା ବୃଦ୍ଧି ହୋଇଥାଏ। ନିଜ ଶୋଇବା ଘରର କାନ୍ଥ ଗୋଲାପି କିମ୍ବା ଫିକା ହଳଦିଆ ରଙ୍ଗର ହେଲେ ବହୁତ ଭଲ ହୋଇଥାଏ। ପତ୍ନୀ, ପତିର ସର୍ବଦା ବାମ ପଟେ ଶୋଇବା ଉଚିତ। ଏହା ଦ୍ୱାରା ସଂପର୍କ ସୁଦୃଢ ହୋଇଥାଏ। ଶୋଇବା ଘରେ ଠାକୁରଙ୍କ ଫଟୋ ରଖିବା ଉଚିତ ନୁହେଁ। ଏହା ଦ୍ୱାରା ଅଶାନ୍ତି ଲାଗି ରହିଥାଏ।
    ପତିପତ୍ନୀ ନିଜ ଖାଦ୍ୟ ଖାଇବା ପୂର୍ବରୁ ସେଥିରୁ କିଛି କାଢି ଚଢେଇଙ୍କୁ ଖାଇବାକୁ ଦିଅନ୍ତୁ। ଏପରି କରିବା ଦ୍ୱାରା ପରସ୍ପର ମଧ୍ୟରେ ଭଲ ପାଇବା ବୃଦ୍ଧି ହୋଇଥାଏ।
    ଘର ପାଇଁ ଅଟା କେବଳ ସୋମବାର ପେଷିବାକୁ ଦିଅନ୍ତୁ। ପେଷିବା ପରେ ଏଥିରେ କିଛି ଚଣା ମିଶାଇ ଦିଅନ୍ତୁ। ଏପରି କରିବା ଦ୍ୱାରା ଦାମ୍ପତ୍ୟ ଜୀବନ ସୁଖମୟ ହୋଇଥାଏ। ପରିବାର ସଦସ୍ୟଙ୍କ ମଧ୍ୟରେ ସୁସଂପର୍କ ରହିଥାଏ।
    ବଂଶୀ ବଜାଉଥିବା ପ୍ରଭୁ ଶ୍ରୀକୃଷ୍ଣ ଓ ରାଧାଙ୍କ ଯୁଗଳ ମୂର୍ତ୍ତି କିମ୍ବା ଫଟୋ ଗୃହର ଦକ୍ଷିଣ-ପଶ୍ଚିମ କୋଣରେ ଲଗାନ୍ତୁ। ପ୍ରଭୁ ଶ୍ରୀକୃଷ୍ଣଙ୍କ ମୁକୁଟ ଓ ମୟୂର ପୁଚ୍ଛ ମଧ୍ୟ ରଖନ୍ତୁ। ଏପରି କରିବା ଦ୍ୱାରା ଦାମ୍ପତ୍ୟ ଜୀବନରେ ସର୍ବଦା ହସଖୁସି ରହିବା ସହ କୌଣସି ସମସ୍ୟା ସୃଷ୍ଟି ହୋଇନଥାଏ।

    ଗୃହର ଅଗଣାରେ ତୁଳସୀ ଲଗାଇ ପତିପତ୍ନୀ ଶ୍ରଦ୍ଧା ପୂର୍ବକ ନିୟମିତ ବୃନ୍ଦାବତୀଙ୍କୁ ପୂଜା କରନ୍ତୁ।

    ଭଗବାନ ଶ୍ରୀରାଧା-କୃଷ୍ଣଙ୍କୁ ପ୍ରେମର ଆଦର୍ଶ ବୋଲି କୁହାଯାଏ। ନବଦମ୍ପତି ନିଜ ଶୟନ କକ୍ଷରେ ଶ୍ରୀରାଧା-କୃଷ୍ଣଙ୍କ ଫଟୋ ଲଗାନ୍ତୁ।

    ଏହି ଫଟୋଟି ଲାଲ ରଙ୍ଗର ଫ୍ରେମର ହୋଇଥିବା ଆବଶ୍ୟକ। ଲାଲ ରଙ୍ଗକୁ ପବିତ୍ରତା ଓ ଭଲ ପାଇବାର ପ୍ରତୀକ ବୋଲି କୁହାଯାଏ।

    ଫଟୋଟିକୁ କକ୍ଷରେ ଏଭଳି ସ୍ଥାନରେ ଲଗାନ୍ତୁ, ଯେପରି ଏହା ନିୟମିତ ଆପଣଙ୍କ ନଜରରେ ଆସୁଥିବ। ଏହା ଦ୍ୱାରା ପତି-ପତ୍ନୀଙ୍କ ମଧ୍ୟରେ ସର୍ବଦା ଭଲ ପାଇବା ରହିଥାଏ।

    ପତିପତ୍ନୀ ସର୍ବଦା ଏକତ୍ରିତ ହୋଇ ପୂଜା କରନ୍ତୁ। ନିଜ ଶୋଇବା କକ୍ଷରେ ଶାମୁକା ରଖନ୍ତୁ।

    ଶୁକ୍ରବାର ପତିପତ୍ନୀ ପରସ୍ପରଙ୍କୁ ପରଫ୍ୟୁମ ଉପହାର ଦିଅନ୍ତୁ।

    ନିଜ ଶୋଇବା କକ୍ଷରେ ଖଟ ତଳେ କୌଣସି ଦ୍ରବ୍ୟ ରଖନ୍ତୁ ନାହିଁ।

    ଶୟନ କକ୍ଷରେ ପରଲୋକଙ୍କ ଚର୍ଚ୍ଚା କରିବା ଉଚିତ ନୁହେଁ।

    ନିଜ ବିବାହ ସମୟର ଫଟୋ ଶୟନ କକ୍ଷରେ ପୂର୍ବ ଦିଗରେ ଲଗାନ୍ତୁ। ମାତ୍ର ଦକ୍ଷିଣ ଦିଗରେ ଲଗାନ୍ତୁ ନାହିଁ।

    ପତି-ପତ୍ନୀ ଦକ୍ଷିଣ ଦିଗକୁ ମୁଣ୍ଡ କରି ଶୁଅନ୍ତୁ ନାହିଁ।

    ପତି-ପତ୍ନୀ ବ୍ୟବହାର କରୁଥିବା ଖଟ କାଠରେ ନିର୍ମିତ ହେବା ଆବଶ୍ୟକ।

    ଠାକୁରଙ୍କ ଘରେ ଶିବ-ପାର୍ବତୀଙ୍କ ସମ୍ପୂର୍ଣ୍ଣ ପରିବାରର ଫଟୋ ରଖି ପୂଜା କରନ୍ତୁ।

    ଠାକୁର ଘରେ ବଂଶୀ ନିଶ୍ଚୟ ରଖନ୍ତୁ। ଏହା ଦ୍ୱାରା ପରିବାରର ସୁଖଶାନ୍ତିର ବାତାବରଣ ଓ ମା’ଲକ୍ଷ୍ମୀଙ୍କ କୃପା ସର୍ବଦା ରହିଥାଏ।

    Maximum 500 characters

    ବିଶେଷ View all

    Find Us on Facebook