Odia Spot News | ଓଡିଆ ସ୍ପଟ୍ ନ୍ୟୁଜ୍
BREAKING NEWS

ରାଜ୍ୟରେ ଆଉ ୧୦୩ ଜଣ କରୋନା ଆକ୍ରାନ୍ତ ଚିହ୍ନଟ

ଭାରତରେ ୪ ହଜାର ଟପିଲା ମୃତ୍ୟୁ ସଂଖ୍ୟା

ରାଜ୍ୟପାଳ ଓ ମୁଖ୍ୟମନ୍ତ୍ରୀଙ୍କ ଇଦ ଶୁଭେଚ୍ଛା

କାମାକ୍ଷାନଗର: ଭୁଜାଲି ଦେଖାଇ ୩ ଲକ୍ଷ ଲୁଟ

ଶୀଘ୍ର ଚାଲିବ ‘ମୋ ବସ’, କେଉଁ ରୁଟରେ କେତେ ବସ ଚାଲିବ ମଙ୍ଗଳବାର ନିଷ୍ପତ୍ତି

banner

ବିଶେଷ

ମୁଖ୍ୟ ଖବର

    ଗରମ ପାଣିରେ ଧୁଅନ୍ତୁ ଫଳ ଓ ପନିପରିବା

    Share on :
    ajab-Image
    Date: May 21, 2020    Views: 3059

    ଭୁବନେଶ୍ୱର: କରୋନା ମହାମାରୀ ସମୟରେ ଲୋକମାନଙ୍କର ମନରେ ଜରୁରୀ ସାମଗ୍ରୀ ଘରକୁ ଆଣିବା ସମୟରେ କରୋନା ଭୂତାଣୁର ଶିକାର ହେବାର ଭୟ ସୃଷ୍ଟି ହୋଇଛି । କିଛି ଲୋକ ଭୟରେ ପନିପରିବା ଓ ଫଳକୁ ସାନିଟାଇଜର ସହାୟତାରେ ସଫା କରୁଥିବା ଦେଖିବାକୁ ମିଳୁଛି । ତେବେ ପନିପରିବା ଓ ଫଳକୁ ସାନିଟାଇଜରରେ ସଫା କରିବା ଉଚିତ ନୁହେଁ ବୋଲି କହିଛନ୍ତି ପିଜିଆଇ ଚଣ୍ଡୀଗଡ଼ର କମୁ୍ୟନିଟି ମେଡିସିନ ଡାକ୍ତର ସୋନୁ ଗୋୟଲ ।

    ଡା.ଗୋୟଲଙ୍କ ମତରେ ପନିପରିବା ଓ ଫଳରେ ଭୂତାଣୁ ୬-୮ ଘଣ୍ଟା ପର୍ଯ୍ୟନ୍ତ ରହିଥାଏ । ଯଦି ଏହା କୌଣସି ଉତ୍ତାପର ସମ୍ମୁଖୀନ ହୁଏ ତାହା ହେଲେ ୪ ଘଣ୍ଟାରୁ ବି କମ୍‍ ସମୟ ଜୀବିତ ରହିଥାଏ । ତେବେ ବାହାରୁ ପନିପରିବା କିମ୍ବା ଫଳକୁ ଆଣିଲେ ତାହାକୁ ସେହିଭଳି ପ୍ୟାକେଟରେ ୪ ଘଣ୍ଟା ପାଇଁ ଛାଡ଼ି ଦେବା ଜରୁରୀ  । ପରେ ଏହାକୁ ଗରମ ପାଣି କିମ୍ବା ଖାଇବା ସୋଡ଼ାରେ ସଫା କରିବା ଉଚିତ । ଫଳରେ ସେଥିରେ ଭୂତାଣୁ ଭୟ ରହିନଥାଏ । ମାତ୍ର ପନିପରିବା ଓ ଫଳରେ ସାନିଟାଇଜର ବ୍ୟବହାର କରିବା ଉଚିତ ନୁହେଁ । ସାନିଟାଇଜରରେ ରହିଥିବା ରାସାୟନିକ ପଦାର୍ଥର ଉପସ୍ଥିତି କାରଣରୁ ଏହା କ୍ଷତିକାରକ ହୋଇଥାଏ । ଏହା ସହ ପନିପରିବା ଓ ଫଳରେ ସାନିଟାଇଜର ଲଗାଇଲେ ଏହା କାମ ଦେଉଥିବାର କୌଣସି ପ୍ରମାଣ ନାହିଁ । ସାନିଟାଇଜର ହାଜ, ଦେହ, ଧାତବ ପଦାର୍ଥ କିମ୍ବା ଷ୍ଟିଲରେ କାମ ଦେଇଥାଏ । କଦଳୀ ଓ ପିଆଜକୁ ୩-୪ ଘଣ୍ଟା ବାହାରେ ରଖିବା ପରେ ହିଁ ଖାଇବା ଜରୁରୀ । ସେହିପରି ଔଷଧ ଷ୍ଟି୍ରପକୁ କିଣିବା ପରେ ସଙ୍ଗେ ସଙ୍ଗେ ଏହାକୁ ବ୍ୟବହାର ନ କରି କିଛି ଘଣ୍ଟା ପାଇଁ ଏକ ବାକ୍ସ ଭିତରେ ରଖିଦେବା ଭଲ । ମାତ୍ର ଏହାକୁ ସିଧାସଳଖ ଖରାରେ ରଖିବା ଉଚିତ ନୁହେଁ । ଛେନା ଓ କ୍ଷୀର ପ୍ୟାକେଟ ଘରକୁ ଆଣିବା ପରେ ଏହାକୁ ସାବୁନ ପାଣିରେ ଧୋଇବା ସହିତ ପ୍ୟାକେଟକୁ ନଷ୍ଟ କରିବା ଜରୁରୀ । ମାତ୍ର ଏହି ସମୟରେ ମାସ୍କ ପିନ୍ଧିବାକୁ ଭୁଲିଯିବା ଉଚିତ ନୁହେଁ । ପ୍ଲାଷ୍ଟିକ, ଧାତବ ପଦାର୍ଥ ଓ ଥଣ୍ଡାପାନୀୟ କ୍ୟାନରେ ୨୪-୪୮ ଘଣ୍ଟା ପର୍ଯ୍ୟନ୍ତ ଭୂତାଣୁ ବଞ୍ଚିପାରେ । ତେଣୁ ଏହାକୁ ଫି୍ରଜରେ ନ ରଖି ଘରେ ଚଳାଚଳ କରୁନଥିବା ସ୍ଥାନରେ ସାଧାରଣ ତାପମାତ୍ରାରେ ରଖିବା ଉଚିତ ।

    Maximum 500 characters

    ବିଶେଷ View all

    Find Us on Facebook