Odia Spot News | ଓଡିଆ ସ୍ପଟ୍ ନ୍ୟୁଜ୍
BREAKING NEWS

ଛାତିରେ ଯନ୍ତ୍ରଣା ଯୋଗୁଁ କ୍ରିକେଟର କପିଳ ଦେବ ଦିଲ୍ଲୀ ଓଖାଲ ରୋଡ ସ୍ଥିତ ଫରଟିସ ଏସକର୍ଟସ ହାର୍ଟ ଇନଷ୍ଟିଚୁ୍ୟଟରେ ଭର୍ତ୍ତି କରାଯାଇଛି ।

banner

ବିଶେଷ

ମୁଖ୍ୟ ଖବର

    ପୋଷକ ତତ୍ୱରେ ଭରିପୁର ଏହି ଖାଦ୍ୟ

    Share on :
    ajab-Image
    Date: Oct 18, 2020    Views: 2978

    ଉତ୍ତମ ସ୍ୱାସ୍ଥ୍ୟ ପାଇଁ ଉପଯୁକ୍ତ ପରିମାଣରେ ଶୋଇବା ନିତ୍ୟାନ୍ତ ଆବଶ୍ୟକ। ମାତ୍ର କର୍ମକ୍ଷେତ୍ର ଜୀବନରେ ସମୟର ଅଭାବ ହେତୁ ଲୋକେ ସଠିକ ଭାବେ ଶୋଇ ପାରନ୍ତି ନାହିଁ। ବେଳେ ବେଳେ ଏପରି ହୋଇଥାଏ ଯେ, ସମୟ ଥିଲେ ମଧ୍ୟ ଚିନ୍ତା କାରଣରୁ ଭଲ ଭାବେ ନିଦ ହୋଇନଥାଏ। ମାନସିକ ଓ ଶାରିରୀକ ଶାନ୍ତି ପାଇଁ ୬ ରୁ ୭ ଘଣ୍ଟା ଶୋଇବା ନିତ୍ୟାନ୍ତ ଆବଶ୍ୟକ। ଏତଦ ବ୍ୟତୀତ ରାତିରେ ନିଜ ଖାଦ୍ୟରେ ଏପରି କିଛି ଖାଦ୍ୟଦ୍ରବ୍ୟ ସାମିଲ କରନ୍ତୁ ଯେଉଁଥିରେ ଥିବା ପୋଷକ ତତ୍ତ୍ୱ ଭଲ ନିଦ ହେବାରେ ସାହାଯ୍ୟ କରେ। ସ୍ୱାସ୍ଥ୍ୟ ପାଇଁ ମଧ୍ୟ ଲାଭକାରୀ ଅଟେ। ଜାଣନ୍ତୁ ଏ ବିଷୟରେଟ୍ଟ.
    ବାଦାମ –
    ୨୮ ଗ୍ରାମ ବାଦାମରେ ପ୍ରାୟ ୩୨ ଭାଗ ମ୍ୟାଗ୍ନେସିୟମ, ୧୭ ପ୍ରତିଶତ ରାଇବୋଜିୟମ, ୧୪ ପ୍ରତିଶତ ଫସଫରସ ରହିଛି। ଏହି ସମସ୍ତ ତତ୍ତ୍ୱ ଶରୀରରେ ମେଲାଟୋନିନ ନାମକ ହରମୋନକୁ କ୍ଷରଣ କରିଥାଏ। ଫଳରେ ଆପଣଙ୍କୁ ଭଲ ଭାବେ ନିଦ ହୋଇଥାଏ।
    କିୱି –
    ଏକ ମଧ୍ୟମ ଧରଣର କିୱିରେ ପ୍ରାୟ ୫୦ କ୍ୟାଲୋରୀ ଓ ୩୮ ପ୍ରତିଶତ ଭିଟାମିନ କେ ରହିଛି। ଏହାଦ୍ୱାରା ଆପଣଙ୍କୁ ଭଲ ନିଦ ହୋଇଥାଏ। ତେଣୁ ଶୋଇବା ପୂର୍ବରୁ ଗୋଟିଏ କିୱି ଖାଇବା ଦ୍ୱାରା ଅନିଦ୍ରା ସମସ୍ୟା ଦୂର ହୋଇଥାଏ।
    ଫେଟି ମାଛ –
    ଫେଟି ମାଛରେ ଓମେଗା ୩, ଫେଟି ଏସିଡ଼, ଡ଼ିଏଚ୍ଏ୍ ରହିଛି। ଯାହା ମାନସିକ ଅବସ୍ଥାକୁ ସୁସ୍ଥ ରଖେ। ମାନସିକ ସୁସ୍ଥ ରହିବା କାରଣରୁ ଆପଣଙ୍କୁ ଭଲ ନିଦ ହୋଇଥାଏ।
    ଅଖରୋଟ –
    ଅଖରୋଟରେ ପ୍ରୋଟିନ, ମ୍ୟାଗ୍ନେସିୟମ, ଫସଫରସ ଆଦି ରହିଛି। ଯାହା ମେଲାଟୋନିନ ନାମକ ହରମୋନକୁ କ୍ଷରଣ କରିଥାଏ। ଫଳରେ ଆପଣଙ୍କୁ ସହଜରେ ନିଦ ହୋଇଥାଏ।
    କ୍ଷୀର –
    ନିୟମିତ ଶୋଇବା ପୂର୍ବରୁ କ୍ଷୀର ପିଇବା ଦ୍ୱାରା ଏଥିରେ ଥିବା ପୋଷକ ତତ୍ତ୍ୱ ଉତ୍ତମ ନିଦ ହେବାକୁ ସାହାଯ୍ୟ କରିବା ସହ ଅନିଦ୍ରା ସମସ୍ୟାକୁ ଦୂର କରେ।

    Maximum 500 characters

    ବିଶେଷ View all

    Find Us on Facebook