Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ଅର୍ଥନୀତି

ମୁଖ୍ୟ ଖବର

    ପୁଣି ବଢ଼ିଲା ବେକାରି ହାର

    Share on :
    ajab-Image
    Date: Mar 3, 2020    Views: 2997

    ନୂଆଦିଲ୍ଲୀ: ଦେଶରେ ବେକାର ଲୋକମାନଙ୍କ ସଂଖ୍ୟା ବଢ଼ୁଛି । ସେଥିପାଇଁ ଚଳିତ ବର୍ଷର ଫେବ୍ରୁଆରି ମାସରେ ବେକାରି ହାର ୭.୭୮%କୁ ବୃଦ୍ଧି ପାଇଛି । ବିଗତ ଚାରି ମାସ ଭିତରେ ଏହାର ବେକାରି ହାରର ସର୍ବୋଚ୍ଚ ସ୍ତର । ଶେଷ ଥର ଲାଗି ୨୦୧୯ ଅକ୍ଟୋବରରେ ବେକାରି ହାରକୁ ଏଭଳି ଉଚ୍ଚ ସ୍ତରରେ ଦେଖିବାକୁ ମିଳିଥିଲା ବୋଲି ସେଣ୍ଟର ଫର ମନିଟରିଂ ଇଣ୍ଡିଆନ ଇକୋନମି (ସିଏମଆଇଇ) ତରଫରୁ କୁହାଯାଇଛି । 

    ଚଳିତ ବର୍ଷ ଜାନୁଆରିରେ ଦେଶର ବେକାରି ହାର ୫.୯୫% ଥିଲା । ଫେବ୍ରୁଆରିରେ ସେଥିରେ ଉଲ୍ଲେଖନୀୟ ବୃଦ୍ଧି ଘଟିଥିବାରୁ ଏହା ୭.୭୮% ଭଳି ସ୍ତରରେ ପହଞ୍ଚିଛି । ସହରାଞ୍ଚଳରେ କିନ୍ତୁ ବେକାରି ହାର ୮.୬୫%କୁ ହ୍ରାସ ପାଇଛି । ପୂର୍ବରୁ ୯.୭୦ ପ୍ରତିଶତ ଥିଲା । ଦେଶର ଅର୍ଥନୀତିରେ ମାନ୍ଦାବସ୍ଥା ପ୍ରଭାବ ରହିଥିବାରୁ ବେକାରି ହାର ବଢ଼ୁଥିବା ଅନୁମାନ କରାଯାଉଛି । ଚଳିତ ଆର୍ଥିକ ବର୍ଷର ତୃତୀୟ ତ୍ରୟମାସରେ ଦେଶର ଅଭିବୃଦ୍ଧି ହାର ୪.୭% ରହିଛି । କିନ୍ତୁ ସାରା ବିଶ୍ୱରେ କରୋନା ବ୍ୟାପୁଥିବାରୁ ଆଗାମୀ ଦିନରେ ଦେଶର ଅଭିବୃଦ୍ଧି ଆହୁରି କମିବ ବୋଲି ଆକଳନ କରାଯାଇଛି । ବିଶ୍ୱ ସ୍ତରୀୟ ରେଟିଂ ଏଜେନ୍ସି ଫିଚ ଆକଳନ କରିଛି ଯେ ଭାରତର ଅଭିବୃଦ୍ଧି ହାର ୨୦୧୯-୨୦ରେ ୪.୯% ଭଳି ସ୍ତରରେ ରହିବ । ଅର୍ଥନୀତିରେ ଲାଗି ରହିଥିବା ମାନ୍ଦାବସ୍ଥାକୁ ଏହା କାରଣ ଭାବେ ଦର୍ଶାଇଛି ।

    Maximum 500 characters

    ଅର୍ଥନୀତି View all

    Find Us on Facebook