Odia Spot News | ଓଡିଆ ସ୍ପଟ୍ ନ୍ୟୁଜ୍
BREAKING NEWS

ରାୟଗଡ଼ା ଜିଲ୍ଲା ଗୁଣପୁର ତହସିଲଦାର ଲକ୍ଷ୍ମୀନାରାୟଣ ସାବତ ନିଲମ୍ବିତ

banner

ସଂସ୍କୃତି

ମୁଖ୍ୟ ଖବର

    ନବରାତ୍ରୀ ପାଳନର ପୌରାଣିକ କଥାବସ୍ତୁ

    Share on :
    ajab-Image
    Date: Oct 7, 2020    Views: 3149

    ନବରାତ୍ରୀ ଉତ୍ସବ ବୈଦିକ ଯୁଗ ପୂର୍ବରୁ ଆନନ୍ଦ ଉଲ୍ଲାସରେ ପାଳନ କରାଯାଇଆସୁଅଛି  । ଏହି ଉତ୍ସବ ପାଳନ ପଛରେ କିଛି ପୌରାଣିକ କଥା ରହିଛି  । ଯଦ୍ୱାରା ଆମେ ସେବେ ଠାରୁ ନବରାତ୍ରୀ ଉତ୍ସବକୁ ପାଳନ କରିଆସୁଛୁ  । 

    କୁହାଯାଏ ଭଗବାନ ରାମ ଭାଇ ଲକ୍ଷ୍ମଣ, ପ୍ରିୟ ଭକ୍ତ ହନୁମାନ ଓ ପୁରା ବାନର ସେନା ରାବଣ ସହ ଯୁଦ୍ଧ କରିବା ପୂର୍ବରୁ ବିଜୟପ୍ରାପ୍ତି ଓ ମା’ ଦୁର୍ଗାଙ୍କ ଆର୍ଶୀବାଦ ପାଇଁ ୯ ଦିନ ପର୍ଯ୍ୟନ୍ତ ମା’ଙ୍କ ପୂଜାଅର୍ଚ୍ଚନା କରିଥିଲେ  । ୯ ଦିନ ପୂଜା କରିବା ପରେ ଭଗବାନ ରାମ ୧୦ମ ଦିନ ରାବଣର ସେନା ଉପରେ ଆକ୍ରମଣ କଲେ ଓ ରାବଣର ବଧ କରିଥିଲେ  । ସେହିଦିନରୁ ପ୍ରଥମ ୯ ଦିନକୁ ନବରାତ୍ରୀ ରୂପେ ମା’ ଦୁର୍ଗାଙ୍କ ୯ ରୂପକୁ ପୂଜା କରାଯାଇଥାଏ  । ୧୦ମ ଦିନ ରାବଣର ବଧ କରାଯାଇଥାଏ  । ସେଥିପାଇଁ ଏହାକୁ ଦଶହରା ନାମରେ ପାଳନ କରାଯାଏ  । ଦଶହରା ଦିନ ରବଣର ବଧ ହୋଇଥିବାରୁ ଆଜି ବି ଦଶହରା ଦିନ ସାରା ଦେଶରେ ରାବଣର ପୁତ୍ତଳିକାକୁ ଜଳାଯାଇଥାଏ  । ପାପ ଉପରେ ପୂର୍ଣ୍ଣ ବିଜୟ ରୂପରେ ଏହି ଉତ୍ସବକୁ ପାଳନ କରାଯାଇଥାଏ  ।

    ଅନ୍ୟ ଏକ କଥାବସ୍ତୁ ଅନୁଯାୟୀ, ମହିଷାସୁର ନାମ ରାକ୍ଷସ ସୂର୍ଯ୍ୟଦେବ, ଅଗ୍ନିଦେବ, ବାୟୁ ଦେବ, ସ୍ୱର୍ଗର ଦେବତା ଇନ୍ଦ୍ର ଦେବଙ୍କ ସହିତ ସମସ୍ତ ଦେବତାଙ୍କ ଉପରେ ଆକ୍ରମଣ କରି ସେମାନଙ୍କ ସମସ୍ତ ଅଧିକାର ଛଡ଼ାଇ ନେଇଥିଲା  । ଯେହେତୁ ମହିଷାସୁର ଦେବତାଙ୍କ ଉପରେ ବିଜୟ ପାଇବାର ବରଦାନ ପାଇଥିଲା ତେଣୁ ଦେବତାମାନେ କିଛି କରି ପାରିଲେ ନାହିଁ  । ତେଣୁ ସମସ୍ତ ଦେବତା ମା’ ଦୁର୍ଗାଙ୍କୁ ସ୍ମରଣ କଲେ  । ମହିଷାସୁରର ପ୍ରକୋପରୁ ମୁକ୍ତି ପାଇବା ପାଇଁ ମା’ଙ୍କୁ ପ୍ରାର୍ଥନା କଲେ  । ମହିଷାସୁର ସହ ଯୁଦ୍ଧ କରି ତା’ର ବଧ କରିବାକୁ ମା’ଙ୍କୁ ପ୍ରାର୍ଥନା କଲେ  । ଦେବତାଙ୍କ ପ୍ରାର୍ଥନା ଶୁଣି ମା’ ଦୁର୍ଗା ମହିଷାସୁର ସହିତ ୯ ଦିନ ପର୍ଯ୍ୟନ୍ତ ଯୁଦ୍ଧ କଲେ ଓ ମହିଷାସୁରର ବଧ କଲେ  । ସେହିଦିନରୁ ମା’ ଦୁର୍ଗାଙ୍କୁ ୯ ଦିନ ପର୍ଯ୍ୟନ୍ତ ପୂଜାର୍ଚ୍ଚନା କରାଯାଇଥାଏ  । ଏହାକୁ ଆନନ୍ଦ ଉଲ୍ଲାସର ସହ ପାଳନ କରାଯାଇଥାଏ  । ଯେପରି ମା’ ଦୁର୍ଗା ମହିଷାସୁରର ବଧ କରିଥିଲେ ସେହିପରି ଆମ ଜୀବନରେ ଥିବା ଖରାପ ଚିନ୍ତାଧାରାକୁ ମାରି ଆମକୁ ଭଲ ରାସ୍ତାରେ ଯିବାକୁ ପ୍ରେରଣା ଓ ଆର୍ଶୀବାଦ ପ୍ରଦାନ କରିବେ  ।

    Maximum 500 characters

    ସଂସ୍କୃତି View all

    Find Us on Facebook