Jul 1, 2025
ମୁଖ୍ୟ ଖବର
ଭୁବନେଶ୍ୱର : ତମେ କେବେ ବିନ୍ଦୁସାଗର ଯାଇଛ କି ? ନୂଆ ନୂଆ ବିଧାୟକ ଥିବାବେଳେ ଧର୍ମେନ୍ଦ୍ର ପ୍ରଧାନଙ୍କୁ ଏମିତି କହିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସ୍ୱଚ୍ଛ ବିନ୍ଦୁସାଗର ପ୍ରକଳ୍ପର ଶୁଭାରମ୍ଭ କରିବା ଅବସରରେ ଏକଥା କହିଛନ୍ତି ଧର୍ମେନ୍ଦ୍ର ।
ଧର୍ମେନ୍ଦ୍ର କହିଲେଯେ, ଓଡ଼ିଶା ଓ ଭାରତ ସରକାରଙ୍କ ମିଳିତ ଉଦ୍ୟମରେ ବିକାଶ ପ୍ରକଳ୍ପ ଆରମ୍ଭ ହୋଇଛି । ଆଇଓସିଏଲକୁ ଗୁଣ୍ଡୁଚିମୂଷାର ସୌଭାଗ୍ୟ ମିଳିଛି । ଓଡ଼ିଶାର ଗୌରବ ବୃଦ୍ଧି ପାଇଁ ଆମେ ଏମିତି କରୁଛୁ । ହଜାର ବର୍ଷ ପୂର୍ବେ ଏହି ଲିଙ୍ଗରାଜ ମନ୍ଦିର ଭଳି କୀର୍ତି ସ୍ଥାପନ କରିଥିଲେ ।
ସେ କହିଲେଯେ, ଇନଟାକ କ’ଣ ମୁଁ ଜାଣିନଥିଲି । ମୁଖ୍ୟମନ୍ତ୍ରୀ କହିଲେ, ଧର୍ମେନ୍ଦ୍ର ତୁମେ ବିନ୍ଦୁସାଗର କେବେ ଯାଇଛ କି ? ଲିଙ୍ଗରାଜ ମନ୍ଦିର ଦର୍ଶନ ବେଳେ ମୁଁ ବିନ୍ଦୁସାଗର ଯାଇଥିଲି ବୋଲି କହିଥିଲି । ମୁଖ୍ୟମନ୍ତ୍ରୀ କହିଲେ ମୁଁ ଇନଟାକ ସହ କଥା ହୋଇଛି । ଏକ ଉଦ୍ୟାନ ପାଇଁ କଥା ହୋଇଛି । ତୁମେ ଟିକେ ଦେଖିକି ଆସ । ଇନଟାକକୁ ପୁନରୁଦ୍ଧାର ପାଇଁ କାର୍ଯ୍ୟ ମିଳିଥିଲା । ଏବେ ସମସ୍ତଙ୍କ ପ୍ରଚେଷ୍ଟାରେ ଏହା ବଡ଼ ହେବା ଆରମ୍ଭ ହୋଇଛି ।
ଏହି ଅବକାଶରେ ଧର୍ମେନ୍ଦ୍ର କହିଥିଲେଯେ, ଲିଙ୍ଗରାଜ ମନ୍ଦିର ଓ ବିନ୍ଦୁସାଗରର ବିକାଶ ପାଇଁ ଆମେ ସଂକଳ୍ପବଦ୍ଧ । ରାଜ୍ୟ ଓ କେନ୍ଦ୍ର ମିଶି ଏହାକୁ ଆକର୍ଷଣୀୟ କରିବେ । ଲିଙ୍ଗରାଜ ମନ୍ଦିରର ବିକାଶ କଥା ଚିନ୍ତା କରିବା ବେଳେ ସୁର ରାଉତରାୟ ଓ ସମୀର ମହାନ୍ତିଙ୍କୁ ବି ମନେ ପକାଇବାକୁ ପଡ଼ିବ । ନହେଲେ ଭୁଲ ହୋଇଯିବ । ସେହିପରି ଅପରାଜିତା ଦିଲ୍ଲୀରେ ବିଜେପିରେ ଯୋଗଦେଇ ଭୁବନେଶ୍ୱର ଫେରିବା ପରେ ବିନ୍ଦୁ ସାଗରର ପାଣିକୁ ଧରି ଏହାକୁ ସ୍ୱଚ୍ଛ କରିବା ପାଇଁ ସଂକଳ୍ପ ନେଇଥିଲେ ।
ମହାପ୍ରଭୂ ଜଗନ୍ନାଥ ଦର୍ଶନ ସହ ଲିଙ୍ଗରାଜଙ୍କ ଦର୍ଶନ କରାଯାଇଥାଏ । ମନ୍ଦିର ଖୋଲିସାରିଛି । ଟୀକାକରଣକୁ ନେଇ ପ୍ରଧାନମନ୍ତ୍ରୀ ଆମ ମୁଖ୍ୟମନ୍ତ୍ରୀଙ୍କ ସହ କଥା ହେବେ ବୋଲି ସେ କହିଥିଲେ ।
Comments ସମସ୍ତ ମତାମତ