Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ରାଜ୍ୟ ଖବର

ମୁଖ୍ୟ ଖବର

    ନକ୍ସଲ ମୁକାବିଲା ପାଇଁ ପ୍ରତିବଦ୍ଧ: ଡିଜିପି

    Share on :
    ajab-Image
    Date: Apr 4, 2021    Views: 4812

    ଭୁବନେଶ୍ୱର:  ନକ୍ସଲ ମୁକାବିଲା ପାଇଁ ଆମେ ପ୍ରତିବଦ୍ଧ ବୋଲି ଡିଜିପି ଅଭୟ କହିଛନ୍ତି ।  ଛତିଶଗଡ଼ ସୁକମାରେ ୨୨ ଯବାନ ସହିଦ ଘଟଣାକୁ ନେଇ ସମବେଦନା ଜଣାଇବା ସହ ଡିଜିପି ଅଭୟ ଏହା କହିଛନ୍ତି ।  ସେ କହିଛନ୍ତି ଯେ, ସମସ୍ତେ ମିଶି ନକ୍ସଲଙ୍କ ମୁକାବିଲା କରିବୁ । ନକ୍ସଲଙ୍କ ମୁକାବିଲା କରିବାକୁ ପ୍ରତିବଦ୍ଧ ।  ଓଡ଼ିଶା ଓ ଛତିଶଗଡ଼ ପୁଲିସ  ଏବଂ ସିଆରପିଏଫ ମିଶି ମୁକାବିଲା କରିବୁ ବୋଲି ଡିଜିପି ଅଭୟ କହିଛନ୍ତି । ଏଥିସହ ଓଡ଼ିଶାରେ ମାଓବାଦୀଙ୍କ ସଂଖ୍ୟା ଓ ପ୍ରଭାବ କମିଛି ବୋଲି ଅଭୟ କହିଛନ୍ତି । 
    ପ୍ରକାଶ ଯେ,  ଛତିଶଗଡ଼ ସୁକମାରେ ସୁରକ୍ଷାକର୍ମୀ-ମାଓବାଦୀଙ୍କ ମଧ୍ୟରେ ଗତକାଲି ସଂଗଠିତ ଗୁଳିବିନିମୟ ଘଟଣାରେ ଆଜି ଏକ ବଡ଼ ଖବର ସାମନାକୁ ଆସିଛି ।   ଗୁଳିବିନିମୟରେ ମୋଟ ୨୨ ଜଣ ଯବାନ ସହିଦ ହୋଇଥିବା ଜଣାଯାଇଛି ।  ୨୨ ଯବାନ ସହିଦ ନେଇ ବିଜାପୁର ଏସପି ସୂଚନା ଦେଇଛନ୍ତି ।  ସୂଚନା ମୁତାବକ, ବିଜାପୁର ତେରମ ଥାନା ଜୋନାଗୁଡା ଜଙ୍ଗଲରେ ମାଓବାଦୀ ଓ ସୁରକ୍ଷାକର୍ମୀ ମୁହାମୁହିଁ ହୋଇଥିଲେ । ଆଉ ଏହି ଘଟଣାରେ ୨୨ ଜଣ ଯବାନ ସହିଦ ହୋଇଥିବା ସୂଚନା ମିଳିଥିବା ବେଳେ ୩୦ଜଣ ଯବାନ ଆହତ ହୋଇଥିବା ବେଳେ ତାଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି ।
    ଗତକାଲିର ନକ୍ସଲଙ୍କ ଆମ୍ବୁସ ପରଠାରୁ କିଛି ଯବାନ ନିଖୋଜ ରହିଛନ୍ତି । ସେମାନଙ୍କ ୁଠାବ କରିବାକୁ ବିଜାପୁରରେ ବଡ ଧରଣର ସର୍ଚ ଅପରେସନ୍ ଆରମ୍ଭ ହୋଇଛି । ଛତିଶଗଡରେ ନକ୍ସଲ ବିରୋଧି ଅଭିଯାନ ପାଇଁ ଗତକାଲି ବିଜାପୁର ଏବଂ ସୁକମା ଜିଲ୍ଲାର କେନ୍ଦିୀୟ ପୁଲିସ ବଳ, କୋବ୍ରା ବାଟାଲିଆନ, ଡ଼ିଆରଜି ଏବଂ ଏସଟିଏଫର ମିଳିତ ଟିମ୍ ଚଢଉ କରିଥିଲେ । ଏହି ସମୟରେ ନକ୍ସଲ ଏବଂ ସୁରକ୍ଷାକର୍ମୀଙ୍କ ମଧ୍ୟରେ ମୁହାଁମୁହିଁ ପରସ୍ଥିତି ସୃଷ୍ଟି ହେବା ସହ ଗୁଳି ବିନିମୟ ହୋଇଥିଲା ।  ଶେଷ ଖବର ସୁଦ୍ଧା ୨୨ ଯବାନ ସହିଦ ହୋଇଥିବା ସୂଚନା ମିଳିଛି ।

    Maximum 500 characters

    ରାଜ୍ୟ ଖବର View all

    Find Us on Facebook