Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ରାଜନୀତି ତଡ଼କା

ମୁଖ୍ୟ ଖବର

    ତୁଣ୍ଡ ଖୋଲିଲେ ଦାମ

    Share on :
    ajab-Image
    Date: Jun 21, 2020    Views: 3981

    ଭୁବନେଶ୍ୱର:  ଦୀର୍ଘ ଦିନ ଧରି ବନ୍ଦ ଥିବା ବରିଷ୍ଠ  ରାଜନେତା ଡ.ଦାମୋଦର ରାଉତଙ୍କ ତୁଣ୍ଡ ଫିଟିଛି । ଦୀର୍ଘ ଦିନ ଧରି ଗଣମାଧ୍ୟମରୁ ଦୂରେଇ ରହିଥିବା ଶ୍ରୀ ରାଉତ ରବିବାର ରଥଯାତ୍ରା ପ୍ରସଙ୍ଗରେ ବିବୃତି ଦେଇଛନ୍ତି । ଗତ କିଛି ମାସ  ଧରି ରାଜ୍ୟ ରାଜନୀତିରେ ବହୁ କିଛି ଘଟିଯାଇଥିଲେ ମଧ୍ୟ କୌଣସି ପ୍ରସଙ୍ଗରେ ସେ ମୁହଁ ଖୋଲୁନଥିଲେ । ତେବେ ରଥଯାତ୍ରା ବନ୍ଦ ପ୍ରସଙ୍ଗରେ ସେ ମୁହଁ ଖୋଲିଛନ୍ତି । 

    ସେ କହିଛନ୍ତି ଯେ, ରଥଯାତ୍ରା ଏକ ପରମ୍ପରା ନୁହେଁ, ବିଧି ବନ୍ଦ ହୋଇପାରେନା । ମହାପ୍ରଭୁଙ୍କ ସେବାପୂଜା ଶଙ୍କରାଚାର୍ଯ୍ୟ ଓ ଗଜପତି ମହାରାଜାଙ୍କର ।  ସେଠି ପ୍ରଶାସନ କିମ୍ବା ସରକାର କିଛି କରିପାରିବେ ନାହିଁ ।  ସେମାନଙ୍କର ଯାହା ଆବଶ୍ୟକ ସରକାର ଯୋଗାଇ ଦେବା କଥା ।  ସରକାର ଗଜପତି ଓ ଶଙ୍କରାଚାର୍ଯ୍ୟଙ୍କ ପରାମର୍ଶ ନେବା କଥା ।  କିନ୍ତୁ ନେଲେନାହିଁ ।  ରଥ ବନ୍ଦ ନହେଉ । ସଂକ୍ଷିପ୍ତ ହେଉ ପଛେ ବିଧି ରକ୍ଷାହେଉ ବୋଲି  ଡ.ଦାମୋଦର ରାଉତ କହିଛନ୍ତି । 

    ପ୍ରକାଶ ଯେ, ପୁରୀ କ’ଣ ସାରା ଓଡ଼ିଶାରେ ରଥଯାତ୍ରା ବନ୍ଦ ପାଇଁ ରାୟ ଶୁଣାଇଛନ୍ତି ସୁପ୍ରିମକୋର୍ଟ  । ତେବେ ସୁପ୍ରିମକୋର୍ଟଙ୍କ ରାୟକୁ ସହଜରେ ଗ୍ରହଣ କରିପାରିନାହାନ୍ତି ଜଗନ୍ନାଥ ପ୍ରେମୀ  । ରଥଯାତ୍ରା କରିବା ପାଇଁ ବିଭିନ୍ନ ମହଲରେ ଦାବି ହୋଇଆସୁଥିବାବେଳେ  ସୁପ୍ରିମକୋର୍ଟରେ ବହୁ ମଡିଫିକେସନ ପିଟିସନ ଦାୟର କରାଯାଇଛି ।  

    ଏଠାରେ ଉଲ୍ଲେଖ ଯୋଗ୍ୟ ଯେ, ଚଳିତ ବର୍ଷ ପୁରୀ ରଥଯାତ୍ରା ନେଇ ସୁପ୍ରିମକୋର୍ଟ ଗୁରୁବାର ଏକ ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି ।   ଏ ବର୍ଷ  ପାଇଁ ରଥଯାତ୍ରାକୁ ସୁପ୍ରିମକୋର୍ଟ ବନ୍ଦ କରିଛନ୍ତି ।  ଏ ବର୍ଷ ରଥଯାତ୍ରା ହୋଇପାରିବ ନାହିଁ ବୋଲି ସୁପ୍ରମିକୋର୍ଟ କହିଛନ୍ତି ।  ଲୋକଙ୍କ ସୁରକ୍ଷା ଓ ଜନସ୍ୱାର୍ଥ ପାଇଁ ପାଇଁ ରଥଯାତ୍ରାକୁ ବନ୍ଦ ରଖାଯାଇଥିବା ସୁପ୍ରମିକୋର୍ଟ କହିଛନ୍ତି ।   କେବଳ ପୁରୀ ନୁହେଁ ଓଡ଼ିଶାର କେଉଁ ସ୍ଥାନରେ ବି ରଥଯାତ୍ରା ହୋଇପାରିବ ନାହିଁ ବୋଲି ସୁପ୍ରିମକୋର୍ଟ କହିଛନ୍ତି ।

    Maximum 500 characters

    ରାଜନୀତି ତଡ଼କା View all

    Find Us on Facebook