Tags : brahmapur boarder seal

ଗଞ୍ଜାମ: ବ୍ରହ୍ମପୁର ସୀମା ସିଲ ରହିଥିବାବେଳେ ଅତି ଆବଶ୍ୟକ ଲୋକଙ୍କୁ ଛଡ଼ାଯାଉଥିବା ନେଇ ଏସପି ପିନାକ ମିଶ୍ର ସୂଚନା ଦେଇଛନ୍ତି । ବ୍ରହ୍ମପୁରରେ କରୋନା କଟକଣା ନେଇ ଏସପି  ପିନାକ ମିଶ୍ର ଏକ ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି ।

ତାଙ୍କ ସୂଚନା ଅନୁଯାୟୀ ବ୍ରହ୍ମପୁର ସୀମା ସିଲ ଥିବାବେଳେ ଡାଏଲ ୧୦୦କୁ କହିଲେ ଜିଲ୍ଲା ବାହାରକୁ ଯିବା ପାଇଁ ଇ-ପାସ ମିଳିବ ।  ବର୍ତ୍ତମାନ ସୁଦ୍ଧା ୨ଶହରୁ ଅଧିକ ପାସ ମଧ୍ୟ ଦିଆଯାଇଛି ।  ବାହାର ଜିଲ୍ଲାରେ କାମ କରୁଥିବା ଲୋକ ପରିଚୟପତ୍ର ଦେଖାଇ ଯିବେ ବୋଲି ଏସପି ଶ୍ରୀ ମିଶ୍ର କହିଛନ୍ତି ।  

ଅନ୍ୟପକ୍ଷରେ କରୋନା ସଂକ୍ରମଣକୁ ଦୃଷ୍ଟି ରଖି ଗଞ୍ଜାମରେ ସବୁ ପ୍ରବେଶ, ପ୍ରସ୍ଥାନ ପଥ ବନ୍ଦ ରହିବ  ବୋଲି ଜିଲ୍ଲାପାଳ କହିଛନ୍ତି ।  ବ୍ରହ୍ମପୁରରେ ବି ସବୁ ପ୍ରବେଶ/ପ୍ରସ୍ଥାନ ପଥ ଉପରେ କଟକଣା ଲାଗିବ ବୋଲି ଜିଲ୍ଲାପାଳ କହିଛନ୍ତି । 
ଏହାଛଡ଼ା ସେ କହିଛନ୍ତି ଯେ, ଗ୍ରାମାଞ୍ଚଳରୁ ସହରାଞ୍ଚଳକୁ ପ୍ରବେଶ ଉପରେ କଟକଣା ରହିବ ।  ସକାଳ ୫ଟାରୁ ଅପରାହ୍ନ ୪ଟା ଯାଏଁ ଦୋକାନ ବଜାର ଖୋଲା ରହିବ ।  ୫ ସୂତ୍ରୀ କାର୍ଯ୍ୟକ୍ରମ ଅନୁସାରେ ନିୟମ ମାନି ଦୋକାନ ଖୋଲିବାକୁ ଅନୁମତି ମିଳିବ ।  ଦୋକାନୀମାନେ ସାମାଜିକ ଦୂରତ୍ୱ ମାନିବେ, ମାସ୍କ ପିନ୍ଧିବେ ।  ଦୋକାନକୁ ଆସୁଥିବା ସମସ୍ତ ଗ୍ରାହକଙ୍କ କଣ୍ଟାକ୍ଟ ଡିଟେଲ ଦୋକାନୀ ରଖିବେ ।  ଦୋକାନ ଆଗରେ ଦୋକାନୀମାନେ ସର୍କଲ ଓ ବ୍ୟାରିକେଡ କରିବେ ।  ରାଜ୍ୟ ସରକାରଙ୍କ ନିୟମ ଅନୁସାରେ ସପ୍ତାହାନ୍ତ ସଟଡାଉନ ଜାରି ରହିବ ।  ମୁହଁରେ ମାସ୍କ ଠିକରେ ନପିନ୍ଧିଲେ  ଜୋରିମାନା ଆଦାୟ ହେବ  ।  ଗଞ୍ଜାମରେ ଏବେ ଡୋର ଟୁ ଡୋର କଣ୍ଟାକ୍ଟ ଟ୍ରେସିଂ ଜାରି ରହିଛି ।  ଲକଡାଉନ ଓ ଅନ୍ୟ କଟକଣା ଯୋଗୁଁ କରୋନା ସଂକ୍ରମଣ କମିଛି ବୋଲି ଜିଲ୍ଲାପାଳ କହିଛନ୍ତି ।
 ସେହିପରି ଅମ୍ଳଜାନ ସ୍ତର କମିବା ଯୋଗୁଁ ଅଧିକାଂଶ ଆକ୍ରାନ୍ତଙ୍କ ମୃତୁ୍ୟ ହେଉଛି ।  କୌଣସି ଲକ୍ଷଣକୁ ନଲୁଚାଇ ଦେହ ଖରାପ ହେଲେ ଡାକ୍ତରଙ୍କୁ ଦେଖାନ୍ତୁ ।  ଅଗଷ୍ଟରେ ଆମକୁ ଆହୁରି ସତର୍କ ହେବାକୁ ପଡ଼ିବ ବୋଲି ଜିଲ୍ଲାପାଳ କହିଛନ୍ତି ।