Tags : Banana halwa

ନବରାତ୍ରୀର ୯ ଦିନ ପର୍ଯ୍ୟନ୍ତ ଉପବାସ ଓ ବ୍ରତ କରାଯାଇଥାଏ  । ଏହି ଦିନମାନଙ୍କରେ ଫଳ, ହାଲୱା କିମ୍ବା ଖିଚୁଡ଼ି ସେବନ କରାଯାଇଥାଏ  । ନବରାତ୍ରୀରେ ଗୋଟିଏ ପ୍ରକାର ହାଲୱା ଖାଇ ବିରକ୍ତ ଲାଗିଥାଏ  । ତେବେ ଆଜି ଆପଣଙ୍କୁ ଏକ ଏପରି ହାଲୱା ବିଷୟରେ କହିବୁ ଯାହା ଆପଣଙ୍କ ପୂର୍ବରୁ ଶୁଣିନଥିଲେ  । ଚଳିତ ବର୍ଷ ନବରାତ୍ରୀରେ ଏହାକୁ ପ୍ରସ୍ତୁତ କରି ସେବନ କରିପାରିବେ  । ଏହାଛଡ଼ା ଏହାକୁ ମା’ ଦୁର୍ଗାଙ୍କ ପାଖରେ ଭୋଗ ମଧ୍ୟ ଲଗାଇ ପାରିବେ  । କାରଣ ନବରାତ୍ରୀର ପଞ୍ଚମ ଦିନ ମା’ ସ୍କନ୍ଦମାତାଙ୍କ ଠାରେ କଦଳୀ ଭୋଗ ଲଗାଯାଇଥାଏ  । ତେବେ ଜାଣିବା କିପରି ପ୍ରସ୍ତୁତ କରିବେ କଞ୍ଚା କଦଳୀ ହାଲୱା  ।

ଆକଶ୍ୟକ ସାମଗ୍ରୀ : ୩ଟି କଞ୍ଚା କଦଳୀ, ୩ରୁ ୪ କପ ଚିନି, ୫ ଚାମଚ ଘିଅ, ୨ କପ କ୍ଷୀର, ୧୦ରୁ ୧୨ଟି କାଜୁ, ୧୦ରୁ ୧୨ଟି ବାଦାମ, ୨୫ଟି କିସମିସ ଓ ଅଧା ଚାମଚ ଗୁରୁରାତି ଗୁଣ୍ଡ  ।

ପ୍ରସ୍ତୁତ ପ୍ରଣାଳୀ : ପ୍ରଥମେ କଞ୍ଚା କଦଳୀକୁ ସିଝାଇ ଦିଅନ୍ତୁ  । କଦଳୀ ସିଝି ଗଲେ କଦଳୀରୁ ଚୋପା ବାହାର କରି ତାହାକୁ ଭଲ ଭାବରେ ଚକଟି ଦିଅନ୍ତୁ  । ଏବେ ଗ୍ୟାସରେ କଡ଼ÿାଇ ବସାଇ ଗରମ କରି ନିଅନ୍ତୁ  । ଉକ୍ତ କଡ଼ÿାଇରେ ୫ ଚାମଚ ଦେଶୀ ଘିଅ ଦିଅନ୍ତୁ  । ଘିଅ ଗରମ ହୋଇଗଲେ ସେଥିରେ ଚକଡ଼ା ହୋଇଥିବା କଦଳୀକୁ ପକାଇ ମଧ୍ୟମ ଆଞ୍ଚରେ ଘାଣ୍ଟନ୍ତୁ  । କଦଳୀର ରଙ୍ଗ ବାଦାମୀ ଆସିଗଲେ ଓ ଘିଅ କଦଳୀରୁ ଅଲଗା ହୋଇଗଲେ ସେଥିରେ ଚିନି ଓ କ୍ଷୀର ପକାନ୍ତୁ  । କ୍ଷୀର ଦୁଇ ଥର ଉତୁରିଲା ପର୍ଯ୍ୟନ୍ତ ଏହାକୁ ଘାଣ୍ଟନ୍ତୁ  । ପରେ ସେଥିରେ କାଜୁ, ବାଦାମ, କିସମିସ ପକାନ୍ତୁ  । ଏହାକୁ ସେତେବେଳେ ପର୍ଯ୍ୟନ୍ତ ଘାଟନ୍ତୁ ଯେପର୍ଯ୍ୟନ୍ତ ମିଶ୍ରଣ ମୋଟା ହୋଇନଯିବ  । ଏହା ପରେ ସେଥିରେ ଗୁଜୁରାତି ଗୁଣ୍ଡ ପକାନ୍ତୁ  । ଏହା ପରେ ଗ୍ୟାସ ବନ୍ଦ କରି ଦିଅନ୍ତୁ  । ପ୍ରସ୍ତୁତ ହୋଇଗଲା ଆପଣଙ୍କ କଦଳୀ ହାଲୱା  ।