Odia Spot News | ଓଡିଆ ସ୍ପଟ୍ ନ୍ୟୁଜ୍
BREAKING NEWS

ଭଦ୍ରକ: ଜାଗରରୁ ଫେରୁଥିବାବେଳେ ମହିଳାଙ୍କୁ ଗଣଦୁଷ୍କର୍ମ

ପୁରୀ: କନକଦୁର୍ଗା ହାଇସ୍କୁଲରେ ଧରାପଡ଼ିଲା ନକଲି ପରୀକ୍ଷାର୍ଥୀ

banner

ତାଜା ଖବର

ମୁଖ୍ୟ ଖବର

    ବିଜେଡ଼ିରୁ ବହିଷ୍କୃତ ହେଲେ ଅନୁପ ସାଏ

    Share on :
    ajab-Image
    Date: Feb 13, 2020    Views: 3940

    ଭୁବନେଶ୍ୱର: ଛଅ ବର୍ଷ ତଳେ କଂଗ୍ରେସ ଛାଡ଼ି ବିଜେଡ଼ିରେ ଯୋଗ ଦେଇଥିବା ପୂର୍ବତନ ବିଧାୟକ ଅନୁପ କୁମାର ସାଏ ବିଜେଡ଼ିରୁ ବହିଷ୍କୃତ ହୋଇଛନ୍ତି  । ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ତାଙ୍କୁ ଦଳରୁ ବହିଷ୍କାର କରିଛନ୍ତି  । ଏକ ହତ୍ୟା ମାମଲାରେ ତାଙ୍କର ସଂପୃକ୍ତି ଥିବା ନେଇ ଅଭିଯୋଗ ରହିଥିବାବେଳେ ଗତକାଲିଠାରୁ ଛତିଶଗଡ଼ ପୁଲିସ ତାଙ୍କୁ ଅଟକ ରଖି ଜେରା କରୁଛି  । ଫଳରେ ଅନୁପ ସାଏ ଗିରଫ ହେବାର ଯଥେଷ୍ଟ ସମ୍ଭାବନା ରହିଛି  । 

    ବିଜେଡି ନେତା ତଥା ପୂର୍ବତନ ବିଧାୟକ ଅନୁପ ସାଏ ଗିରଫ । ଏକ ଡବଲ ମର୍ଡର ମାମଲାରେ ତାଙ୍କୁ ଅଟକ ରଖାଯାଇଛି ।  ୨୦୧୬ରେ ମା ଓ ଝିଅଙ୍କ ହତ୍ୟା ମାମଲାରେ ତାଙ୍କୁ  ଅଟକ ରଖାଯାଇଛି ।   ୨୦୧୬ ମସିହାରେ  ୩୨ ବର୍ଷିୟା କଳ୍ପନା ଦାସ ଓ ତାଙ୍କ ୧୪ ବର୍ଷିଆ ଝିଅ ପ୍ରଭାତୀ ଦାସଙ୍କୁ ହତ୍ୟା କରାଯାଇଥିଲା । ଉଭୟଙ୍କୁ ବୀଭତ୍ସ ହତ୍ୟା ପରେ ଛତିଶଗଡ଼ ସୀମାରେ ଫିଙ୍ଗି ଦିଆଯାଇଥିଲା । ଛତିଶଗଡ଼ର ରାୟଗଡ଼ା ଜିଲ୍ଲାର ଏକ ଜଙ୍ଗଲରେ ପୁଲିସ୍ ଉଭୟଙ୍କର ଶବ ଜବତ କରିଥିଲା। ଏହାପରେ ତତକାଳୀନ ସ୍ଥାନୀୟ ବିଜେପି ବିଧାୟକ ରାଧାରାଣୀ ପଣ୍ଡା ବି ଏହି ଘଟଣାରେ ଅନୁପ କୁମାର ସାଏ ସମ୍ପୃକ୍ତ ଥିବା ଅଭିଯୋଗ ଆଣି ତାଙ୍କର ଗିରଫ ଦାବି କରିଥିଲେ।

    ଗତକାଲି ରାତିରେ ଛତିଶଗଡ଼ ପୋଲିସ ଅନୁପଙ୍କୁ  ହତ୍ୟାକାଣ୍ଡରେ ସମ୍ପୃକ୍ତ ଥିବା ଅଭିଯୋଗରେ ଝାରସୁଗୁଡ଼ାରୁ ଉଠାଇ ନେଇଥିଲା ।  ଛତିଶଗଡ଼ ପୋଲିସ ଅନୁପଙ୍କୁ ରାୟଗଡ ଜିଲ୍ଲାର ଚକ୍ରଧରନଗର ଥାନାରେ ରଖି ପଚରାଉଚରା କରିବା ପରେ ତାଙ୍କୁ ଗିରଫ କରିଛି । ଅନୁପ କୁମାର ସାଏ ବ୍ରଜରାଜନଗର ନିର୍ବାଚନମଣ୍ଡଳୀରୁ ତିନି ଥର  କଂଗ୍ରେସ ଟିକେଟରୁ ବିଧାୟକ ରହିଥିଲେ। ପରେ କଂଗ୍ରେସ ଦଳ ଛାଡି ୨୦୧୪ ରେ ବିଜେଡି ଯୋଗଦେଇ ଥିଲେ । ବର୍ତ୍ତମାନ ରାଜ୍ୟ ପଣ୍ୟଗାର ନିଗମର ଅଧ୍ୟକ୍ଷ ଭାବେ କାର୍ୟ୍ୟଭାର ସମ୍ଭାଳୁଛନ୍ତି ଅନୁପ କୁମାର ସାଏ।

    ଏନେଇ  ବିଜେପି ନେତ୍ରୀ ଲେଖାଶ୍ରୀ ସାମନ୍ତସିଂହାର କହିଛନ୍ତି ଯେ,  ଅନୁପ ସାଏଙ୍କ ବିରୋଧରେ ଆମେ ପୂର୍ବରୁ ବି ଅଭିଯୋଗ କରିଥିଲୁ ।  ହତ୍ୟା ଭଳି ସଙ୍ଗୀନ ଅଭିଯୋଗ ସତ୍ତ୍ୱେ ବିଜେଡି କିନ୍ତୁ ଆଦୌ ଶୁଣୁନଥିଲା ।  ଛତିଶଗଡ଼ ପୁଲିସ ହାତରେ ଗିରଫ ପରେ ଏବେ ବିଜେଡିର ଅସଲମୁଖା ଖୋଲିଛି ।  ଏବେ ଅନୁପଙ୍କୁ ଦଳରୁ ଓ ପଦବୀରୁ କେବେ ବହିଷ୍କାର କରାଯାଉଛି ତାକୁ କେବଳ ଅପେକ୍ଷା ରହିଛି ।  

    Maximum 500 characters

    ତାଜା ଖବର View all

    Find Us on Facebook