Tags : ANUBHAV MOHANTY

ଭୁବନେଶ୍ୱର:  ବର୍ଷା ପ୍ରିୟଦର୍ଶିନୀଙ୍କୁ ଗ୍ରହଣ କରିବୁ ନାହିଁ  । ଏ ଜନ୍ମରେ ନୁହଁ, କୌଣସି ଜନ୍ମରେ ବି ଗ୍ରହଣ କରିପାରିବୁ ନାହିଁ ବୋଲି କହିଛନ୍ତି ସାଂସଦ ଅନୁଭବ ମହାନ୍ତି  । ସେହିପରି ମାନବାଧିକାର କର୍ମୀ ପ୍ରତାରଣା କରିଛନ୍ତି ବୋଲି କହିଛନ୍ତି  ।

ଟ୍ୱିଟରେ ସେ କେତେକ ସୋସିଆଲ ମିଡ଼ିଆ ପୋଷ୍ଟର ଅବତାରଣା କରିଛନ୍ତି । ଗୋଟିଏ ପୋଷ୍ଟରେ ଗୀତାଶ୍ରୀ ଦାସ ବର୍ଷାଙ୍କ ଘନିଷ୍ଠ ବନ୍ଧୁ ବୋଲି ଉଲ୍ଳେଖ କରାଯାଇଥିବାବେଳେ ବର୍ଷାଙ୍କ ସଂସ୍ଥା ସମ୍ମାନୀତରେ କାମ କରନ୍ତି ବୋଲି ଲେଖାଯାଇଛି  । ଅନୁଭବ ଟ୍ୱିଟ ଯୋଗେ କହିଛନ୍ତିଯେ, କିଛି ସମୟ ତଳେ ଜଣେ କହିଲେ ଆଇନ ପ୍ରମାଣକୁ ବିଶ୍ୱାସ କରେ  । ତେଣୁ ମୁଁ କିଛି ପ୍ରମାଣ ଉପସ୍ଥାପିତ କରିଛି । ସମୟ ଅନୁସାରେ ଆହୁରି ଅନେକ ପ୍ରମାଣ ଉପସ୍ଥାପିତ କରିବୁ  । ଗତ ୭ ବର୍ଷ  ଧରି ମୁଁ ଓ ମୋ ପରିବାର ଯେଉଁ ଯନ୍ତ୍ରଣା, ଲୁହ ଓ ଖରାପ ସ୍ୱାସ୍ଥ୍ୟ ଦେଇ ଗତି କରିଛୁ ତାହାର ସବୁଦିନ ପାଇଁ ଅନ୍ତ ଘଟିବ  ।  ସେହିପରି ତଥାକଥିତ ମାନବାଧିକାର କର୍ମୀ ଏମିତି ମୋତେ ଓ ମୋ ବାପାମା’ଙ୍କୁ ପ୍ରତାରଣା କରିବେ ବୋଲି ଭାବିନଥିଲି  । ମୁଁ ସେମାନଙ୍କୁ ସହଯୋଗ କରିଥିଲି । ମୁଁ କିମ୍ବା ସେ ମିଡ଼ିଆକୁ କିଛି କହିବେ ନାହିଁ ବୋଲି କହିଥିଲେ  । କିନ୍ତୁ ସେମାନେ ମିଡ଼ିଆକୁ ମିଛ କଥା କହିଲେ ବୋଲି ଅନୁଭବ ଟ୍ୱିଟରେ ଉଲ୍ଲେଖ କରିଛନ୍ତି  ।