Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ରାଜନୀତି

ମୁଖ୍ୟ ଖବର

    ମରାଠାଙ୍କ ଅପମାନକାରୀଙ୍କୁ ୱାଇ ପ୍ଲସ ସୁରକ୍ଷ ସେବା ଅପମାନଜନକ : ଅନୀଲ ଦେଶମୁଖ

    Share on :
    ajab-Image
    Date: Sep 7, 2020    Views: 3589

    ମୁମ୍ବାଇ : ମହାରାଷ୍ଟ୍ର ଏବଂ ମୁମ୍ବାଇକୁ ନେଇ ଅପମାନଜନକ ମନ୍ତବ୍ୟ ଦେଇଥିବା ବ୍ୟକ୍ତିଙ୍କୁ ୱାଇ ପ୍ଲସ ସୁରକ୍ଷ ପ୍ରଦାନ କରାଯିବା ଅପମାନଜନକ ଏବଂ ହାସ୍ୟାସ୍ପଦ ବୋଲି ମହାରାଷ୍ଟ୍ର ଗୃହମନ୍ତ୍ରୀ ଅନୀଲ ଦେଶମୁଖ ମତ ଦେଇଛନ୍ତି । ବଲିଉଡ ଅଭିନେତ୍ରୀ କଙ୍ଗନା ରଣାୱତଙ୍କୁ ୱାଇ ପ୍ଲସ ସୁରକ୍ଷା ବ୍ୟବସ୍ଥା ପ୍ରଦାନ କରାଯିବା ପରେ ଦେଶମୁଖ ଏହି ମନ୍ତବ୍ୟ ଦେଇଛନ୍ତି । 

    ପୂର୍ବରୁ ଶିବସେନା ସାଂସଦ ସଞ୍ଜୟ ରାଉତଙ୍କ ସହିତ କଙ୍ଗନାଙ୍କ ତୁତୁ ମେମେ ଜାରି ହୋଇଥିଲା । ସୁଶାନ୍ତ ସିଂ ରାଜପୁତ ମାମଲାରେ କଙ୍ଗନା ମୁମ୍ବାଇକୁ ପାକ ଅଧିକୃତ କାଶ୍ମୀର ସହିତ ତୁଳନା କରିଥିବା ବେଳେ ସଞ୍ଜୟ ରାଉତ କ୍ୟାମେରା ସମ୍ମୁଖରେ କଙ୍ଗନାଙ୍କ ଅଶ୍ରାବ୍ୟ ଭାଷାରେ ଗାଳି କରିଥିଲେ । ଏହାପରେ ମୁମ୍ବାଇରେ କଙ୍ଗନାଙ୍କୁ ରହିବାକୁ ଦିଆଯିବ ନାହିଁ ବୋଲି ରାଉତ ଟ୍ୱିଟ କରିଥିଲେ । ତେବେ ସେ ୯ ତାରିଖରେ ମୁମ୍ବାଇ ଫେରୁଥିବା ନେଇ ଟ୍ୱିଟ କରିବା ସହିତ ଗୃହ ମନ୍ତ୍ରାଳୟ ନିକଟରେ ସୁରକ୍ଷା ଆବେଦନ କରିଥିଲେ । ୱାଇ ସୁରକ୍ଷା ସେବାରେ କଙ୍ଗନାଙ୍କୁ ଜଣେ ପିଏସଓଙ୍କ ସହିତ ୧୧ ଜଣ ସୁରକ୍ଷା କର୍ମୀ ପ୍ରଦାନ କରାଯିବ ଯାହା ମଧ୍ୟରେ କମାଣ୍ଡୋ ମଧ୍ୟ ରହିଥାନ୍ତି ।

    Maximum 500 characters

    ରାଜନୀତି View all

    Find Us on Facebook