Tags : suicide

ଭୁବନେଶ୍ୱର : କେନ୍ଦୁଝର କୋଭିଡ଼ ହସପିଟାଲରେ ବାପାଙ୍କ ମୃତୁ୍ୟ ଖବର ପାଇବା ପରେ ଦୁଃଖରେ ମ୍ରିୟମାଣ ହୋଇ ଝିଅ ଆତ୍ମହତ୍ୟା କରିବା ଘଟଣା ଆଲୋଡ଼ନ ସୃଷ୍ଟି କରିଛି  । ଆନନ୍ଦପୁର ପୌରାଂଚଳ ୨ ନମ୍ବର ୱାଡର଼୍ ପଦ୍ମପୁରର ତଳସାହିରେ ଏଭଳି ଦୁଃଖଦ ଘଟଣା ସମସ୍ତଙ୍କୁ ସ୍ତବ୍ଧ କରିଦେଇଛି  ।

ସୂଚନାଯୋଗ୍ୟଯେ, ପଦ୍ମପୁରର ବସମାଲିକ ବୀରକିଶୋର ସାହୁ ଅସୁସ୍ଥ ହେବାରୁ ତାଙ୍କୁ କେନ୍ଦୁଝର କୋଭିଡ଼ ହସପିଟାଲରେ ଭର୍ତି କରାଯାଇଥିଲା  । ଗତ ୨ ତାରିଖ ଦିନ ୧୧ଟା ବେଳେ ତାଙ୍କର ମୃତୁ୍ୟ ଘଟିଥିଲା  । ପରିବାର ଲୋକେ ସେଠାରେ ପହଁଚି ଶବ ସକôାର କରିଥିଲେ  । କିନ୍ତୁ ଘରେ ରହୁଥିବା ବିବାହିତା ଝିଅ ବନ୍ଦନା ସାହୁ ବାପାଙ୍କ ମୃତୁ୍ୟ ଖବର ପାଇ ଭାଙ୍ଗି ପଡ଼ିଥିଲେ  । ଗତକାଲି ଭୋରରେ ସେ ନିଜ ଘରେ ଆତ୍ମହତ୍ୟା କରିଥିଲେ  । ପୁଲିସ ଏନେଇ ଏକ ଅପମୃତୁ୍ୟ ମାମଲା ରୁଜୁ କରିଛି  ।