Odia Spot News | ଓଡିଆ ସ୍ପଟ୍ ନ୍ୟୁଜ୍
BREAKING NEWS

ପିଏସଏଲଭି-ସି୪୮ ଉତକ୍ଷେପଣ

ଡିଏଭି ଆଞ୍ଚଳିକ ନିଦେ୍ର୍ଧଶକଙ୍କୁ ଓଏସସିପିସିଆରଙ୍କ ନୋଟିସ

କେନ୍ଦ୍ରାପଡ଼ା: ଝାମ୍ପିଦେଲେ ୪ ଲକ୍ଷ

ଶିକ୍ଷାଦାନ ଏକ ମହାନ ବୃତ୍ତି : ମୁଖ୍ୟମନ୍ତ୍ରୀ

ଆଜି ଠାରୁ ହିଁ ଭଙ୍ଗା ହେବ ବିଧାୟକ କ୍ୱାର୍ଟର୍ସ, ସ୍ପଷ୍ଟ କଲେ ବାଚସ୍ପତି

ମୋବାଇଲରେ ଗପି ଶିକ୍ଷକ ନିଲମ୍ବିତ

ମୁଖ୍ୟମନ୍ତ୍ରୀଙ୍କୁ ଭେଟିଲେ ଛତିଶଗଡ଼ ଗୃହମନ୍ତ୍ରୀ

ବାଇକ ଦୁର୍ଘଟଣାଗ୍ରସ୍ତ, ୨ ମୃତ

୭ ଲକ୍ଷ ଟଙ୍କାର ଧାନ ପାଉଁଶ

ବିଜେଡି ଓ ବିଜେପି ବିରୋଧରେ ବର୍ଷିଲେ ଶରତ

ଏନକାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ଗୁରୁତର

ଲିଙ୍ଗରାଜଙ୍କ ଚତୁଃପାଶ୍ୱର୍ରୁ ଉଚ୍ଛେଦ ଜାରି ରହିବ: ବିଏମସି କମିଶନର

ରଣଜୀ ଟ୍ରଫି, ଓଡ଼ିଶାର ଇନିଂସ ବିଜୟ

ରାଜ୍ୟସଭାରେ ଆଗତ ହେଲା ନାଗରିକତା ବିଲ

banner

ରାଜନୀତି ତଡ଼କା

ମୁଖ୍ୟ ଖବର

    ସାମ୍ବାଦିକଙ୍କୁ କମିଶନ ଟଙ୍କା ଦେବି : ରଂଜୀବ ବିଶ୍ୱାଳ

    Share on :
    ajab-Image
    Date: Aug 14, 2019    Views: 1841

    ଭୁବନେଶ୍ୱର : ‘ମୁଁ ୪୦ କୋଟି ଟଙ୍କା ନେଇଥିବା ଖବର ପ୍ରକାଶ ପାଇଛି  । ବୋଧହୁଏ ସେଇ ସାମ୍ବାଦିକ ସେତେବେଳେ ମୋ ପାଖରେ ବସିଥିଲେ  । ମୁଁ ତାଙ୍କୁ ଖୋଜୁଛି, କାହିଁକିନା ତାଙ୍କୁ ମୋର କମିଶନ ଟଙ୍କା ଦେବାର ଅଛି’  । ଏମିତି ଭାବେ ସାମ୍ବାଦିକଙ୍କୁ କଟାକ୍ଷ କରିଛନ୍ତି କଂଗ୍ରେସ ସାଂସଦ ରଂଜୀବ ବିଶ୍ୱାଳ  ।

    ଗତ କିଛିଦିନ ଧରି ରଂଜୀବଙ୍କୁ ନେଇ ବହୁ ଚର୍ଚ୍ଚା ଲାଗି ରହିଛି  । ବିଶେଷକରି ଗୁରୁତ୍ୱପୂର୍ଣ୍ଣ ଟ୍ରିପଲ ତଲାକ ବିଲ ବେଳେ ତାଙ୍କର ଅନୁପସ୍ଥିତି ଚର୍ଚ୍ଚାକୁ ଖୋରାକ ଯୋଗାଇଥିଲା  । ଏମିତିକି ସେ ବିଜେପି ମୁହାଁ ହୋଇଛନ୍ତି ବୋଲି ବି ଚର୍ଚ୍ଚା ହେଉଥିଲା  । ତେବେ ଏନେଇ ଶ୍ରୀ ବିଶ୍ୱାଳ ମୁହଁ ଖୋଲିବା ସହ କଂଗ୍ରେସ ରାଜନୀତି ସମ୍ପର୍କରେ ନିଜର ମତ ରଖିଛନ୍ତି  ।

    ସାମ୍ବାଦିକମାନଙ୍କୁ ସେ କହିଛନ୍ତିଯେ, କଂଗ୍ରେସ ଏବେ ଚରମ ବିପର୍ଯ୍ୟୟର ସାମ୍ନା କରିଛି  । କଂଗ୍ରେସର ପୁନରୁଦ୍ଧାର ପାଇଁ ସମୟ ଲାଗିବ  । ରାଜ୍ୟରେ କଂଗ୍ରେସର ବିକଳ୍ପ ଭାବେ ଲୋକମାନେ ବିଜେପିକୁ ଚିତ୍ରଣ କଲେ  । କିନ୍ତୁ ପରବର୍ତୀ ସମୟରେ ରାଜ୍ୟସଭା ନିର୍ବାଚନରେ ଉଭୟଙ୍କ ମଧ୍ୟରେ ମଧୁଚନ୍ଦ୍ରିକା ଦାଣ୍ଡରେ ପଡ଼ି ହାଟରେ ଗଡ଼ୁଛି  । ନବୀନ ବାବୁ ବିଜେପି ନିକଟରେ ନିଜକୁ ସରେଣ୍ଡର କରିଛନ୍ତି ବୋଲି ପ୍ରକାଶ କରିଛନ୍ତି  ।

    ସେହିପରି ଟ୍ରିପଲ ତଲାକ ବିଲ ବେଳେ ଅନୁପସ୍ଥିତିକୁ ନେଇ ସେ କହିଲେଯେ, ଜଣେ ସମ୍ପର୍କୀୟଙ୍କ ଅପରେସନ ପାଇଁ ସେ ବାହାରକୁ ଯାଇଥିଲେ  । ଏନେଇ ସେ ଦଳରୁ ଅନୁମତି ମଧ୍ୟ ନେଇଥିଲେ  । ୩୭୦ ଧାରା ସଂକ୍ରାନ୍ତୀୟ ଆଲୋଚନା ବେଳେ ସେ ସଂସଦରେ ଉପସ୍ଥିତ ଥିଲେ  । ଏବେ ସେ କଂଗ୍ରେସରେ ଅଛନ୍ତି ଓ ଆଗକୁ ମଧ୍ୟ ରହିବେ  । କିନ୍ତୁ ଗୁରୁତ୍ୱପୂର୍ଣ୍ଣ ଦିଗଟି ହେଉଛି, ମୁଁ ମୋ’ ମନର ମାଲିକ  । ଭଲ ଲାଗିବା ଯାଏଁ ଦଳରେ ରହିବି ବୋଲି କହିଛନ୍ତି  । ଯାହାକୁ ନେଇ କଂଗ୍ରେସ ଅଳିନ୍ଦରେ ପୁଣି ଚର୍ଚ୍ଚା ଆରମ୍ଭ ହୋଇଯାଇଛି  ।

    ପିସିସି ସଂକ୍ରାନ୍ତରେ ସେ କହିଛନ୍ତିଯେ, ନିର୍ବାଚନରେ ବିପର୍ଯ୍ୟୟ ପାଇଁ କେବଳ ନିରଞ୍ଜନ ପଟ୍ଟନାୟକଙ୍କୁ ଦାୟୀ କରାଯାଇପାରିବ ନାହିଁ  । ଏଥିପାଇଁ ସବୁ ଆଗଧାଡ଼ିର ନେତା ଦାୟୀ  । ସମସ୍ତେ ଏକଜୁଟ ହେବା ଦରକାର  । ନହେଲେ ସୋନିଆ ଗାନ୍ଧୀ ପିସିସି ସଭାପତି ହେଲେ ବି ସ୍ଥିତିରେ ପରିବର୍ତନ ଆସିପାରିବ ନାହିଁ  । କଂଗ୍ରେସ ଏକ ପୁରୁଣା ଦଳ  । ଏହାର ପୁନରୁଦ୍ଧାର ସମ୍ଭବ  । କିନ୍ତୁ ଏଥିପାଇଁ ସମୟ ଲାଗିବ ବୋଲି ଶ୍ରୀ ବିଶ୍ୱାଳ କହିଛନ୍ତି  । ଅପରପକ୍ଷରେ ସେ କିମ୍ବା ତାଙ୍କ ଭାଇ ପିସିସି ସଭାପତି ଦୌଡ଼ରେ ନାହାନ୍ତି କିମ୍ବା ପ୍ରୟାସ କରୁନାହାନ୍ତି ବୋଲି ପ୍ରକାଶ କରିଛନ୍ତି  ।

    Maximum 500 characters

    ରାଜନୀତି ତଡ଼କା View all

    Find Us on Facebook