Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ଖେଳ ଖବର

ମୁଖ୍ୟ ଖବର

    ପୁମା ସହ ଦୂତିଙ୍କ ଦୁଇ ବର୍ଷିୟା ଚୁକ୍ତି

    Share on :
    Date: Aug 9, 2019    Views: 39

    ଭୁବନେଶ୍ୱର : ଦୌଡ଼ରାଣୀ ଦୂତି ଚାନ୍ଦ ଜର୍ମାନ କ୍ରୀଡ଼ା ସାମଗ୍ରୀ ଓ ଜୋତା ପ୍ରସ୍ତୁତ କାରୀ କମ୍ପାନୀ ପୁମା ସହ ଦୁଇ ବର୍ଷିୟା ଚୁକ୍ତି ସ୍ୱାକ୍ଷର କରିଛନ୍ତି । ଏପରି କରି ସେ ଉସେନ ବୋଲ୍ଟଙ୍କ ଭଳି କିମ୍ବଦନ୍ତୀ ଧାବକଙ୍କ କ୍ଲବରେ ସାମିଲ ହୋଇଛନ୍ତି । ଏହି ଚୁକ୍ତି ପରେ ପୁମା ଆସନ୍ତା ଦୁଇ ବର୍ଷ ପର୍ଯ୍ୟନ୍ତ ଦୂତିଙ୍କ ପାଇଁ ସ୍ୱତନ୍ତ୍ର ଜୋତା ଏବଂ ଅନ୍ୟାନ୍ୟ କ୍ରୀଡା ସାମଗ୍ରୀ ଯୋଗାଇବ । ୨୩ ବର୍ଷିୟା ଦୂତି ଏସୀୟ କ୍ରୀଡ଼ାରେ ଦୁଇଟି ରୌପ୍ୟ ଏବଂ ବିଶ୍ୱ ବିଦ୍ୟାଳୟ କ୍ରୀଡ଼ାରେ ପ୍ରଥମ ଭାରତୀୟ ଭାବେ ସ୍ୱର୍ଣ୍ଣ ଜିତିବା ପରେ ପୁମା ତାଙ୍କ ସହ ସମ୍ପର୍କ ଯୋଡ଼ିବା ଲାଗି ଇଚ୍ଛା ପ୍ରକାଶ କରିଥିଲେ । ଦୂତିଙ୍କ ସହ ଚୁକ୍ତି ସ୍ୱାକ୍ଷର ହୋଇ ସାରିଥିବା କମ୍ପାନୀ ତରଫରୁ ଗୁରୁବାର ଏକ ପ୍ରେସ ବିଜ୍ଞପ୍ତିରେ ସୂଚନା ଦିଆଯାଇଛି । ପୁମା ଭଳି କମ୍ପାନୀ ସହ ଚୁକ୍ତି କରିବା ପରେ ଦୂତି ମଧ୍ୟ ବ୍ୟକ୍ତିଗତ ଭାବେ ବେଶ ଖୁସି ଅଛନ୍ତି । ସେ କହିଛନ୍ତି ମୁଁ ପ୍ରଥମ ଥର ପାଇଁ କୌଣସି ବଡ ବ୍ରାଣ୍ଡ ସହ ଯୋଡ଼ି ହୋଇଛି । ଉସେନ ବୋଲ୍ଟଙ୍କ ଭଳି ମହାନ ଖେଳାଳି ତଥା ବିଶ୍ୱର ଦ୍ରୁତତମ ଧାବକଙ୍କ କାମ କରୁଥିବା ଏକ କମ୍ପାନୀ ସହ ସମ୍ପର୍କ ଯୋଡ଼ି ମୁଁ ବେଶ ଉଲ୍ଲସିତ । ସୂଚନା ଯୋଗ୍ୟ ଯେ ଦୂତି ଆସନ୍ତା ମାସରେ ଦୋହାରେ ଅନୁଷ୍ଠିତ ହେବାକୁ ଥିବା ବିଶ୍ୱ ପ୍ରତିଯୋଗିତା ଲାଗି ଏ ପର୍ଯ୍ୟନ୍ତ ଯୋଗ୍ୟତା ଅର୍ଜନ କରିନାହାନ୍ତି । ପୁମାଠାରୁ ସ୍ୱତନ୍ତ୍ର ଜେତା ଓ କ୍ରୀଡ଼ା ସାମଗ୍ରୀ ପାଇବା ପରେ ତାଙ୍କ ଟାଇମିଂରେ ଉନ୍ନତି ପରିଲକ୍ଷିତ ହେବ ବୋଲି ପ୍ରଶଂସକ ଆଶା ରଖିଛନ୍ତି । ସେ ମଧ୍ୟ ଚଳିତ ମାସ ୧୩ ଓ ୧୯ ତାରିଖରେ ଆୟର୍ଲାଣ୍ଡ ଏବଂ ଜର୍ମାନୀରେ ଆୟୋଜିତ ହେବାକୁ ଥିବା ଆଇଏଏଫ ବିଶ୍ୱ ଦୌଡ଼ କୁଦ କ୍ଲବ ପ୍ରତିଯୋଗିତାରେ ଅଂଶଗ୍ରହଣ କରିବାକୁ ଯାଉଛନ୍ତି । ଏଥି ନେଇ ଏ ପର୍ଯ୍ୟନ୍ତ ଭିସା ମିଳି ନଥିବାରୁ ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କରଙ୍କୁ ସାହାଯ୍ୟ ପାଇଁ ଦୂତୀ ନିବେଦନ କରିଛନ୍ତି ।

    Read more

    ପପୁଙ୍କ ବିରୋଧରେ ମାନହାନୀ ମକଦ୍ଦମା କରିବେ ଦୂତି

     ଭୁବନେଶ୍ୱର:  ବିବାଦ ଭିତରେ ଆହୁରି ଆହୁରି ଛନ୍ଦି ହୋଇପଡୁଛି କମେଡ଼ି କିଙ୍ଗଙ୍କ ସିନେମା ପୋଷ୍ଟର । ମିଷ୍ଟର କହ୍ନେୟା ପୋଷ୍ଟରକୁ ନେଇ ଫେସବୁକରେ ପୋଷ୍ଟ କରିଛନ୍ତି ଆଥଲେଟ ଦୂତି ଚାନ୍ଦ । ଫେସବୁକରେ ସେ ଲେଖିଛନ୍ତି କମେଡି କିଙ୍ଗ ପପୁ ପମପମଙ୍କ କଥା ତାଙ୍କୁ ବହୁତ ...

    Read more

    ତେରଛା ବାଣ ମାରିଲେ ଦୂତି

    ନୂଆଦିଲ୍ଲୀ: ଭାରତର ୧ ନମ୍ବର ଧାବିକା ଦୂତି ଚାନ୍ଦ ଖେଳ ତୁଳନାରେ ଅଧିକ ବିବାଦ ଘେରରେ ରହଛନ୍ତି । ହରମୋନ ବିବାଦ ହେଉ ଅଥବା ସମଲିଙ୍ଗୀ ସଂପର୍କକୁ ନେଇ ଆଲୋଚନା ହେଉ, ଦୂତିଙ୍କୁ ଅନେକ ଲୋକ ସମାଲୋଚନା କରିଛନ୍ତି । ସେ ଯାହା ହେଉ ଦୂତି ଚାନ୍ଦ ଟ୍ରାକରେ ପରାଜୟ ସ୍ୱୀକାର ...

    Read more

    ମୋ ବଡ଼ ଭଉଣୀ ମୋତେ ସବୁ ବେଳେ ବ୍ଲାକମେଲିଂ କରୁଥିଲେ: ଦୂତି

    ଭୁବନେଶ୍ୱର:  ସମଲିଙ୍ଗୀ ସମ୍ପର୍କ ଖୁଲାସା ପରେ ପରିବାର ଲୋକଙ୍କ ବିରୋଧ ପ୍ରସଙ୍ଗରେ ଦୂତି ନିଜ ପକ୍ଷ ରଖିବା ସହ ମାଆ ଓ ଭଉଣୀଙ୍କୁ ଦୋଷ ଦେଇଛନ୍ତି। ସେ କହିଛନ୍ତି-ଘର ଚଳିବା ପାଇଁ ପଇସା ନଦେଲେ ମୋ ବଡ଼ ଭଉଣୀ ମୋତେ ସବୁ ବେଳେ ବ୍ଲାକମେଲିଂ କରୁଥିଲେ। ମୋତେ ବଦନାମ ...

    Maximum 500 characters

    ଖେଳ ଖବର View all

    Find Us on Facebook