Odia Spot News | ଓଡିଆ ସ୍ପଟ୍ ନ୍ୟୁଜ୍
banner

ରାଜନୀତି

ମୁଖ୍ୟ ଖବର

    ସେପ୍ଟେମ୍ବର ୩୦ ରେ ଛାତ୍ର ସଂସଦ ନିର୍ବାଚନ!

    Share on :
    Date: Aug 1, 2019    Views: 31

    ଭୁବନେଶ୍ୱର:  ରାଜ୍ୟରେ ଥିବା ସମସ୍ତ ଡିଗି୍ର ସ୍ୱୟଂଶାସିତ ମହାବିଦ୍ୟାଳୟ ସମେତ ସରକାରୀ ବିଶ୍ୱବିଦ୍ୟାଳୟମାନଙ୍କରେ ଏଥର ଗୋଟିଏ ସମୟରେ ଛାତ୍ର ସଂସଦ ନିର୍ବାଚନ ହେବ । ସେପ୍ଟେମ୍ବର ତୃତୀୟ ସପ୍ତାହରୁ ନିର୍ବାଚନ ପ୍ରକି୍ରୟା ଆରମ୍ଭ ନେଇ ବିଜ୍ଞପ୍ତି ପ୍ରକାଶ ପାଇବ । ସେପ୍ଟେମ୍ବର ୩୦ରେ ନିବାଚନ କରାଯାଇ ସେହିଦିନ ହିଁ ଫଳାଫଳ ପ୍ରକାଶ କରାଯିବ । ପରଦିନ ଅର୍ଥାତ ଅକ୍ଟୋବର ପହିଲାରେ ଶପଥ ଗ୍ରହଣ ଉତ୍ସବ କରିବାକୁ ନିଷ୍ପତ୍ତି ନେଇଛି ଉଚ୍ଚଶିକ୍ଷା ବିଭାଗ । ଏ ନେଇ ବିଧିବଦ୍ଧ ବିଜ୍ଞପ୍ତି ପ୍ରକାଶ କରାଯାଇ ନଥିଲେ ମଧ୍ୟ ଉଚ୍ଚଶିକ୍ଷା ବିଭାଗ ପକ୍ଷରୁ ୨୦୧୯-୨୦ ମସିହା ପାଇଁ ଆଜି ପ୍ରକାଶିତ କମ୍ନ ମିନିମମ୍ ଷ୍ଟାଣ୍ଡାର୍ଡ (ସିଏମ୍ଏସ୍) ଗାଇଡଲାଇନରେ ପରୋକ୍ଷରେ ଏଭଳି ସୂଚନା ଦିଆଯାଇଛି ।
    ବିଭାଗ ପକ୍ଷରୁ ପ୍ରକାଶିତ ଗାଇଡଲାଇନ କେଉଁ ମାସରେ କ’ଣ ହେବ ସେ ନେଇ ସ୍ପଷ୍ଟ କରାଯାଇଛି । ସେପ୍ଟେମ୍ବର ୭,୧୪,୨୧ ତାରିଖରେ ଯଥାକ୍ରମେ ଯୁକ୍ତ ୩ ପ୍ରଥମ, ଦ୍ୱିତୀୟ ଓ ତୃତୀୟ ବର୍ଷ ଛାତ୍ରଛାତ୍ରୀଙ୍କ ଅଭିଭାବକ-ଶିକ୍ଷକ ବୈଠକ ଅନୁଷ୍ଠିତ ହେବ । ଏହା ପରେ ଗୋଟିଏ ସମୟରେ ସମସ୍ତ କ୍ୟାମ୍ପସରେ ଛାତ୍ର ସଂସଦ ନିର୍ବାଚନ କରାଯାଇ ଅକ୍ଟୋବର ପହିଲା ସୁଦ୍ଧା ଏହି ପ୍ରକି୍ରୟା ଶେଷ କରାଯିବ । ୩ ରୁ ୧୩ ତାରିଖ ପର୍ଯ୍ୟନ୍ତ ଦଶହରା ଛୁଟି ହେବ । ଏଥର ଚୂଡାନ୍ତଳ ସେମିଷ୍ଟାର ପରୀକ୍ଷା ପୂର୍ବରୁ ମିଡ ସେମିଷ୍ଟାର ପରୀକ୍ଷା କରାଯିବ । ସେପ୍ଟେମ୍ବର ଶେଷ ସପ୍ତାହ ଓ ୨୦୨୦ ଫେବୃୟାରୀ ପ୍ରଥମ ସପ୍ତାହରେ ମିଡ ସେମିଷ୍ଟାର ପରୀକ୍ଷା ହେବ । ଶେଷ ସେମିଷ୍ଟାର ପରୀକ୍ଷା ଡିସେମ୍ବର ପ୍ରଥମ ଓ ଏପି୍ରଲ ଶେଷ ସପ୍ତାହରେ ହେବ । ଡିସେମ୍ବର ୨୫ ରୁ ଏକ୍ସ-ମାସ ଛୁଟି ହେବ ବୋଲି ଗାଇଡଲାଇନରେ କୁହାଯାଇଛି ।
    ୨୦୨୦ ଜାନୁଆରି ୨ ରୁ ୧୫ ତାରିଖ ମଧ୍ୟରେ କ୍ରୀଡ଼ା ଓ ସାଂସ୍କୃତି ପ୍ରତିଯୋଗିତା, ଜାନୁଆରି ପ୍ରଥମ ସପ୍ତାହରେ ଆଲୁମନ୍ ମିଟ୍ ହେବ । ପରୀକ୍ଷା ସରିବାର ୪୫ ଦିନ ଭିତରେ ଫଳ ପ୍ରକାଶ ପାଇବ । ଶେଷ ସେମିଷ୍ଟାର ପରୀକ୍ଷା ଫଳ ମେ ଦ୍ୱିତୀୟ ସପ୍ତାହ ସୁଦ୍ଧା ବିଶ୍ୱ ବିଦ୍ୟାଳୟ କର୍ତ୍ତୃପକ୍ଷ ପ୍ରକାଶ କରିବେ । ଚଳିତ ଶିକ୍ଷା ବର୍ଷରେ ମୋଟ ୭୨ଟି ଛୁଟି ରହିଛି । ୧୮୦ଟି ପାଠପଢ଼ା ଦିବସ ରହିଛି । ୨୦୨୦ ମେ ୯ ରୁ ଜୁନ ୧୬ ପର୍ଯ୍ୟନ୍ତ ଗ୍ରୀଷ୍ମ ଛୁଟି ହେବ ବୋଲି ଗାଇଡଲାଇନରେ ସ୍ପଷ୍ଟ କରାଯାଇଛି ।

    Read more

    ରେଭେନ୍ସାରେ ବିଜ୍ଞପ୍ତି ପ୍ରକାଶ

    କଟକ: ରେଭେନ୍ସା ବିଶ୍ୱବିଦ୍ୟାଳୟରେ ପରୋକ୍ଷ ନିର୍ବାଚନ ପାଇଁ ସୋମବାର ବିଜ୍ଞପ୍ତି ପ୍ରକାଶ ପାଇଛି । ପରୋକ୍ଷ ନିର୍ବାଚନକୁ ବିରୋଧ ସତ୍ତ୍ୱେ ଏହି ବିଜ୍ଞପ୍ତି ପ୍ରକାଶ ପାଇଛି । ବିଜ୍ଞପ୍ତି ପ୍ରକାଶ ପାଇବା ପରେ କୁଳପତି ଈଶାନ ପାତ୍ର ସୂଚନା ଦେଇ କହିଛନ୍ତି ଯେ, ରେଭେନ୍ସା ...

    Read more

    ଅକ୍ଟୋବର ୧୨ରେ ଛାତ୍ର ସଂସଦ ନିର୍ବାଚନ

    ଭୁବନେଶ୍ୱର: ଉଚ୍ଚଶିକ୍ଷା ବିଭାଗ ପକ୍ଷରୁ ରାଜ୍ୟର ବିଶ୍ୱବିଦ୍ୟାଳୟ ଓ ମହାବିଦ୍ୟାଳୟରେ ୨୦୧୮-୧୯ ଶିକ୍ଷା ବର୍ଷ ପାଇଁ ଛାତ୍ର ସଂସଦ ନିର୍ବାଚନ ପାଇଁ ପ୍ରସ୍ତୁତି ଆରମ୍ଭ ହୋଇଛି । ତଦନୁଯାୟୀ ଅକ୍ଟୋବର ୧୨ରେ ଛାତ୍ର ସଂସଦ ନିର୍ବାଚନ ଓ ୧୩ରେ ନବ ନିର୍ବାଚିତ ପ୍ରତିନିଧିଙ୍କ ...

    Read more

    ଛାତ୍ର ସଂସଦ ନିର୍ବାଚନ ପାଇଁ ଚାଲିଛି ଭୋଟ ଗ୍ରହଣ

    ଭୁବନେଶ୍ୱର:  ଛାତ୍ର ସଂସଦ ନିର୍ବାଚନ ପାଇଁ ଆଜି ଭୋଟ ଗ୍ରହଣ ଚାଲିଛି । ରାଜ୍ୟର ବିଭିନ୍ନ କଲେଜ ଓ ବିଶ୍ୱବିଦ୍ୟାଳୟରେ ମତଦାନ ସକାଳ ୮ଟାରୁ ଆରମ୍ଭ ହୋଇଛି । ଅପରାହ୍ନ ୨ଟା ପର୍ଯ୍ୟନ୍ତ ଭୋଟ ଗ୍ରହଣ ଅନୁଷ୍ଠିତ ହେବ । ସନ୍ଧ୍ୟା ସୁଦ୍ଧା ଫଳାଫଳ ଘୋଷଣା ହୋଇଯିବ । ଏଥିପାଇଁ ...

    Maximum 500 characters

    ରାଜନୀତି View all

    Find Us on Facebook